港男用交友APP重遇中學同學！驚嘆女大十八變!完全認唔出對方
Photo from TVB
# 港男交友app重遇同學！
而家越來越多人開始用交友app，唔少人仲可能會因此而遇見自己以前就認識嘅人～日前，有位港男就大談自己用交友app嘅經歷，仲發現交談嘅對象居然係佢嘅中學同學，令佢非常驚訝！
Photo from 香港討論區
# 兩人交談一個月！
港男表示自己透過交友app認識咗一位女仔，由於兩人嘅年紀相同，所以有好多共同話題。後來，佢仲發現佢哋以前住同一區，所以就更加有默契！佢哋已經交談接近一個月嘅時間，而兩人就決定相約出嚟食飯見面。
Photo from TVB
# 起初只係覺得對方熟口面！
港男話當佢第一眼見到嗰女仔時，就已經覺得好熟口面，不過就諗唔起喺邊到見過對方。食完飯之後，女生就先主動將錢包取出話「今次我請，下次你請返我啦！」，然後佢就望到對方卡上嘅名字，發現居然佢曾經認識嘅人同名，令佢開始懷疑女仔可能係佢中學同學！
Photo from TVB
# 港男因為認唔出對方而尷尬
佢哋之後就去咗食甜品，而港男就忍唔住問「你以前讀咩中學㗎？」，發現女仔真係同佢就讀同一間中學！港男好尷尬，因為佢完全唔認得對方，而佢就話對方過往比較文靜、戴住眼睛唔算特別起眼；同而家健談嘅佢相比，完全唔同晒！
Photo from TVB
# 詢問網民「同中學同學拍拖會尷尬？」
而女仔隨即話「其實我一見到就認得你，見你冇出聲，所以就諗住算」，仲好大方咁話唔介意港男唔認得佢，不過港男就覺得好尷尬！返到屋企後，女方居然主動send訊息俾佢「希望下次你可以諗埋去邊到食飯啦！好鍾意同依家嘅你傾計」，令港男好奇詢問網民「我係咪有機會？同舊同學拍拖會唔會好尷尬？」
Photo from TVB
# 大部分網民支持港男主動出擊！
大部分網民都鼓勵港男應該再約嗰女仔出街，認為同舊同學拍拖完全唔係問題，而且仲可能會多咗一份熟悉感，令大家關係更容易升溫；而且網民認為兩人能夠喺交友app重遇中學同學，都算係另一種緣分，如果港男真係對人哋有好感，就應該主動出擊！
Photo from 香港討論區
# 有網民覺得有古怪？！
不過有網民就提醒港男要小心，雖然對方係中學同學，不過兩人畢竟有一段時間冇見，並唔熟悉對方，仲講笑咁話「可能下一次見會攞份合約比你簽」、「會唔會係sales？」等留言。有網民亦十分好奇女仔嘅樣貌究竟變咗幾多，令到港男可以完全唔認得佢？！
Photo from 香港討論區
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港男交友APP遇上超寸嘴女生 出兩次街由好感滿分變負數 網民：太自我！
29 Oct , 2021
Photo from TVB
港男經交友APP識咗嘅「寸嘴女」
最近，一名港男到連登討論區發文，表示自己透過交友APP認識了一名女生，短訊了數星期後進行了第一次約會，佢指當時相處幾舒服又開心。
Photo from 《紀念日》劇照
不過，雙方見面一次後，女生便開始有意無意咁窒事主，「可能寸下你星期六要返工啊 ，佢唔洗返啊 ， 話我煮餸會食死人個啲。」
Photo from 《我的野蠻女友》
經歷愛貓過身嘅港男去貓Cafe慘被寸「引唔到貓」
事主本認為咁樣只係代表二人開始熟絡，豈料到第二次約會才是惡夢嘅開始。二人到了一間貓Cafe約會，而事主以往有養貓經驗，但貓貓因年老而在前排去世。而女方則無養過貓，所以事主便教佢「引貓埋身」嘅方法，及令貓貓舒服嘅手法。
Photo from 《當這地球沒有貓》
然後，事主稱有好多貓都接近女方又畀佢摸，佢自己就無咩同貓玩。過了一會，二人坐低休息時，女方又開始「嚟料」，起勢寸事主：「你睇吓啲貓，隻隻都幾痴我，全部都好嗲我啊，你睇下你 一隻都引唔到，仲話自己養過貓喎～」女方甚至攞事主養貓經歷做「子彈」，話佢養過貓卻無貓埋身。
Photo from TVB
事主當時唯有苦笑，心情變差，而當兩人晚餐時，事主曾嘗試轉話題，但仍無阻女方繼續將佢點樣吸引唔到貓貓，繼續吹噓自己好勁，而事主就好廢。
Photo from TVB
港男心淡，勸各位約會時要適可而止
晚飯途中，該女見到眼前嘅食物又重提事主煮嘢會食死人，而到咗呢一刻，事主對女方嘅好感值已降至零分，甚至生厭。而約會完結後，事主已經無再回覆女方訊息，而女方仍有問事主「覆慢咗」。
Photo from 《我的野蠻女友》
對此，事主奉勸大家約會時要克制，「有啲嘢唔好做過火」，又指大家適當地互窒會有正面效果，但該女好明顯已「踩過界」，亦概歎佢性格與各方面都唔錯，唯獨唔顧人感受扣曬分。
Photo from 連登討論區
網民：女方太自我，連普通朋友都唔想做
對此，不少網民都認為該女太自我中心，即使一齊咗都唔會開心，「唔識謙卑，唔識睇人面色適可而止，莫講做女朋友，普通朋友都唔想。」
Photo from 連登討論區
Photo from 連登討論區
女方早知道港男愛貓已過身
亦有網民留言，認為該女可能習慣同意中人咁樣相處，不自知傷害逼人感受。對於「寸事主引唔到貓」方面，要視乎佢本身對事主愛貓過身一事知唔知情再評論。事主回覆，稱女方知道此事，自己亦無法制止佢，更形容該女猶如「一架已經停唔到嘅火車」，所以佢已經死心。
Photo from 連登討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
