李彩華獲神秘人送2千支玫瑰花示愛！坦承對婚姻有恐懼! 係圈中隱藏小富婆?

娛樂新聞

By Stephanie on 15 Nov 2021

Digital Content Writer

李彩華（Rain）上年宣佈同內地商人黃彥書離婚，回復單身！最近，於上海嘅佢就迎來38歲生日，唔少朋友都為佢舉辦派對慶祝。除此之外，佢竟然仲收到神秘男子示愛，並送上2,000枝玫瑰花，令佢都表示嚇咗一跳！

Photo from 李彩華IG

# 李彩華2000年入行！

李彩華（Rain）2000年入行並成為模特兒，後來就轉型成為歌手以及演員。於2006年，佢就開始到內地發展，曾有份拍攝電視劇《昭君出塞》、《大旗英雄傳》等，因此喺內地知名度都尚算不錯！

Photo from 《分手勿語》MV

Photo from 《昭君出塞》

# 與內地富商婚姻維持僅僅19個月！

2019年2月，李彩華宣佈與內地富商黃彥書（Eric）結婚，有傳男方經營鋼鐵生意，身家逾$ 11 億港幣！兩人婚後十分恩愛，經常到處旅遊，並透露兩人都非常希望有小朋友。後來因為受疫情影響，兩人長期分隔兩地，感情變淡，婚姻僅維持19個月就結束！

Photo from 李彩華微博

# 李彩華生日獲神秘人送上玫瑰花！

最近，李彩華就喺上海迎來38歲嘅生日，獲得一班好姐妹為佢慶祝生日。而佢仲收到神秘男子所送嘅2,000枝玫瑰花，巨型玫瑰花仲足足有成張8人枱咁大，非常誇張，令佢表示受寵若驚，睇嚟回復單身嘅佢非常「搶手」！

Photo from 李彩華微博

Photo from 微博

# 認為若對方真心追求應親自送上！

李彩華接受媒體訪問時表示呢個舉動非常sweet，不過就覺得如果對方係真心追求，就應該親自送上玫瑰花。由於對方喺透過名牌花店送上花束，所以佢都未能夠查出秘密追求者嘅身分，仲話期望有機會親口向佢講聲多謝！

Photo from 李彩華微博

# 感情事一切隨緣！

對於將來嘅戀愛發展，李彩華就話一切隨緣，目前依然非常享受單身嘅生活！其實佢宣佈離婚後就有接受過媒體訪問，坦承以後對婚姻有恐懼，就算要結婚都以「要小朋友」為前題，唔會再閃婚。

Photo from 李彩華微博

# 其實李彩華身家豐厚？！

據悉，李彩華同前夫離婚嘅時候並冇爭取任何贍養費，全因兩人一直都係經濟獨立。因為佢好早期就開始北上搵真銀，並且認為投資房地產係致富關鍵，所以一直都有唔少物業喺手。有傳，佢至今手持12個物業，物業嘅地點仲遍佈唔同國家，包括：泰國、澳洲、英國等！而香港就坐擁4個物業，其中有2個位於大坑「名門」嘅單位，現時市值總共約$7,000萬港幣，真係一位小富婆～