《多啦A夢》12大角色真人化!大雄靜香可愛小學生、 胖虎變泰國大叔?!

《多啦A夢》12大角色真人化!大雄靜香可愛小學生、 胖虎變泰國大叔?!

時事熱話 娛樂新聞
By Jennifer on 16 Nov 2021
Digital Editor

卡通片《多啦A夢》係唔少人嘅童年回憶台灣專門整特效嘅「六指淵(Huber)」近日以AI技術將《多啦A夢》12位角色真人化!有唔少神還原,亦有啲大出網友預料,引起關注!

卡通片《多啦A夢》係唔少人嘅童年回憶
Photo from 《多啦A夢》

大雄真人化似乖巧小學生

大雄作為主角,經常闖禍要多啦A夢幫手解決,好吃懶做嘅性格令佢一攞到多啦A夢嘅法寶就會周圍用,最終因得意忘形而自討苦吃。AI真人化後嘅大雄形象十分正面,雖然AI辨識唔到副超大眼鏡而要後期PS加返,但都還原咗大雄小學生嘅年齡。

大雄真人化似乖巧小學生

AI真人化後嘅大雄形象十分正面,雖然AI辨識唔到副超大眼鏡而要後期PS加返,但都還原咗大雄小學生嘅年齡。

靜香真人化係可愛小妹妹

AI真人化後嘅靜香都好似卡通入邊咁可愛,而且睇落都係會認真讀書嘅好學生。AI更將靜香嘅纖長眼睫毛還原!

靜香真人化係可愛小妹妹

AI將靜香嘅纖長眼睫毛還原

胖虎由小學生變大叔?

平時「蝦蝦霸霸」嘅胖虎真人化之後完全唔似小學生,年齡睇落應該有30、40歲,仲有啲東南亞血統feel!

胖虎由小學生變大叔?

胖虎真人化之後完全唔似小學生,年齡睇落應該有30、40歲,仲有啲東南亞血統feel!

小夫尖嘴重現

富家少爺小夫平時好中意到處炫耀,佢外型最大特色就係頭髮同個嘴,AI真人化嘅小夫都有還原到呢兩方面,尤其係個嘴,有明顯向前突。

富家少爺小夫平時好中意到處炫耀,佢外型最大特色就係頭髮同個嘴

AI真人化嘅小夫都有還原到頭髮同個嘴,尤其係個嘴,有明顯向前突。

胖妹同胖虎完全唔似樣

喺卡通入面胖虎同妹妹胖妹似樣到餅印咁,但AI真人化後兩個有明顯嘅分別,胖妹鼻頭有變到圓圓,而嘴巴則變到好大。

卡通入面胖虎同妹妹胖妹似樣到餅印咁

AI真人化後胖妹鼻頭有變到圓圓,而嘴巴則變到好大。

出木杉神還原成讀書超勁同學

出木杉真係還原得好好!睇個樣已覺得佢係讀書好努力、成績好好嘅學生。

出木杉神還原成讀書超勁同學

睇個樣已覺得佢讀書好努力,成續好好嘅學生。

大雄爸爸變成功人士

大雄爸爸AI真人化之後似主管級人物,連六指淵都話似成功人士,而且頭髮上嘅小缺口呢個細節位都有還原到。

大雄爸爸變成功人士

大雄爸爸AI真人化之後似主管級人物

大雄媽媽感覺十分賢惠

大雄媽媽喺卡通入面成日都鬧大雄,真人化後感覺好賢惠同有種慈祥feel。

大雄媽媽喺卡通入面成日都鬧大雄

真人化後大雄媽媽感覺好賢惠同有種慈祥feel。

大雄嫲嫲係慈祥老婆婆

AI真人化後嘅大雄嫲嫲樣子十分慈祥,不過比較似一個普通老婆婆,無咩大雄嫲嫲嘅特徵,頭髮上嘅美人尖亦未有還原出嚟。

AI真人化後嘅大雄嫲嫲樣子十分慈祥

真人化後比較似一個普通老婆婆,無咩大雄嫲嫲嘅特徵,頭髮上嘅美人尖亦未有還原出嚟。

大雄老師髮型神還原!

大雄老師真人化後簡直係完美還原咗佢嘅經典中間分界髮型!連花白嘅鬢角都有,神情十分嚴肅,好有老師風範。

大雄老師神還原!

大雄老師真人化後簡直係完美還原咗佢嘅經典中間分界髮型

多啦A夢成童年惡夢?!

多啦A夢係唔少人嘅童年回憶,佢圓碌碌嘅大頭十分可愛,但AI真人化後就非常詭異,完全唔係貓而係變成人樣,藍色頭部更變成頭髮,加上一排白牙,望落十分嚇人!

多啦A夢係唔少人嘅童年回憶,佢圓碌碌嘅大頭十分可愛

多啦A夢AI真人化後非常詭異,完全唔似貓而係變成人樣,藍色頭更變成頭髮,加上一排白牙,望落十分嚇人!

多啦美真人化後變外國少女

同多啦A夢差唔多,多啦美真人化後亦變成人類,不過睇落無佢哥哥咁得人驚,金色頭髮同超大比例眼睛令佢似外國女生,都有還原到多啦美嘅纖長眼睫毛。

同多啦A夢差唔多,多啦美真人化後亦變成人類

金色頭髮同超大比例眼睛令佢似外國女生,都有還原到多啦美嘅纖長眼睫毛。

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

11個《鬼滅之刃》角色真人化! 網民大讚禰豆子顏值高/炎柱超有霸氣!

8 Nov 2021

講到日本就不得不提起佢哋嘅動畫文化,當中有唔少動畫都陪伴住大家嘅成長~而近期最熱門嘅動畫《鬼滅之刃》就更加係人氣爆棚,吸引唔少世界各地嘅粉絲觀看!最近,有網民就利用現時嘅AI技術將《鬼滅之刃》裡面嘅角色「真人化」,引起網民們嘅關注。

《鬼滅之刃 遊郭篇》早前宣佈將於今年12月5日開播!
Photo from 《鬼滅之刃 遊郭篇》

# 《鬼滅之刃》成為近年最高人氣動畫!

日本動畫一直以來都成功吸引唔少粉絲,而近期最出名嘅日本動畫就一定係《鬼滅之刃》喇~上年,《鬼滅之刃劇場版 無限列車篇》就正式上映,創下佳績,超越知名動畫家宮崎駿嘅作品,成為日本史上最賣座嘅劇場版動畫片!

《鬼滅之刃》成為今年最受歡迎日本動畫之一!
Photo from 《鬼滅之刃》

《鬼滅之刃劇場版 無限列車篇》成功創下佳績,成為日本史上最高票房嘅劇場版動畫!
Photo from 《鬼滅之刃劇場版 無限列車篇》

當中《鬼滅之刃》嘅劇情十分吸引,而且人物角色亦富有個人特色,其中主角竈門炭治郎嘅妹妹「禰豆子」就成為大家最有人氣嘅角色喇!最近,有熱愛呢部動畫嘅網民就運用AI電腦技術將裡面嘅角色「真人化」,而家就等我哋睇下現實生活中見到佢哋會係點嘅樣啦~

竈門炭治郎

主角竈門炭治郎性格溫柔、熱血,係一位十分保護妹妹嘅哥哥;而佢額頭上嘅傷疤同日輪耳環就更加係佢嘅象徵!AI真人化後,佢五官深邃,十分俊俏,而且睇落亦非常有正義感,令唔少粉絲都話「好有暖男feel」~

《鬼滅之刃》炭治郎AI真人化後嘅模樣,獲網民大讚好有型!
Photo from YouTube @AIもしも

竈門禰豆子

禰豆子喺意外中不幸成為鬼,不過依然認得出哥哥炭治郎,並經常喺哥哥深陷危險嘅時候出手相救。而佢為咗抑制自己傷害人類,所以就經常都會咬住擁有封印力量的竹筒!AI真人化後,禰豆子水汪汪嘅眼睛都依然喺度,雖然未能夠完整睇到佢嘅五官,不過粉絲們都認為佢一定同角色一樣非常可愛~

禰豆子真人化後依舊樣貌甜美!
Photo from YouTube @AIもしも

我妻善逸

我妻善逸性格膽小懦弱,不過就非常願意為朋友或者女仔挺身而出。真人化後,佢具標誌性嘅黃色頭髮就依然被保留,不過唔少網民都認為唔太相似「好似動畫版冇咁得意!」

我妻善逸真人化後,被網民選為最唔相似嘅角色!
Photo from YouTube @AIもしも

「蟲柱」蝴蝶忍

九柱之一嘅「蟲柱」蝴蝶忍無論係衣著定髮色都係紫色,散發住非常神秘嘅氣息!真人化之後嘅蝴蝶忍,睇落非常優雅而且有氣質,而佢炯炯有神嘅雙眼亦完美呈現返出嚟~

蝴蝶忍真人化後,成為超有氣質嘅美女!
Photo from YouTube @AIもしも

「炎柱」煉獄杏壽郎

「炎柱」煉獄杏壽郎搶眼嘅髮色同造型,同佢熱血積極嘅性格非常相似。真人化後嘅佢髮型依然獨特,而向上揚嘅眉毛令佢更顯霸氣,好有正氣!不過亦有網民覺得真人版有少少似「孫悟空」,大家又點睇呢?!

炎柱煉獄杏壽郎睇落十分正氣,好有正義感!
Photo from YouTube @AIもしも

「水柱」富岡義勇

「水柱」富岡義勇散發住冷漠嘅氣場,唔太鍾意講嘢,令人都唔太敢隨意靠近佢。而AI真人化後就好成功將佢嘅特色展現出嚟,冷酷嘅眼神同動畫版嘅一模一樣!

水柱富岡義勇嘅冷酷感覺,完全成功透過真人版展現出來!
Photo from YouTube @AIもしも

「音柱」宇髄天元

「音柱」宇髄天元喺動畫中非常注重自己嘅外型打扮,帥氣嘅樣貌成功吸引唔少女粉絲喜歡。而真人化後,佢嘅五官精緻係一位花美男,並散發住一種獨特嘅貴族氣質~

「音柱」宇髄天元真人化後,簡直就係一位花美男!
Photo from YouTube @AIもしも

「戀柱」甘露寺蜜璃

「戀柱」甘露寺蜜璃個性比較害羞,最令大家深刻嘅就係佢一頭粉紅色同清綠色嘅髮色。真人化後,佢依然保持住粉紅色髮色同埋碧綠色嘅雙眼,十分有少女心~

「戀柱」甘露寺蜜璃真人化後依然非常有少女感覺~
Photo from YouTube @AIもしも

「霞柱」時透無一郎

「霞柱」時透無一郎喺動畫中經常都睡眼惺忪,仲經常發呆,好少永遠活於自己嘅世界中咁。經過AI真人化後,佢依然非常呆,而且仲散發住一種非常神秘嘅氣息~

「霞柱」時透無一郎散發住神秘嘅氣息。
Photo from YouTube @AIもしも

「風柱」不死川實彌

性格比較衝動嘅「風柱」不死川實彌,臉上嘅疤痕以及銀白色嘅髮色,都充分將佢嘅性格特徵展現出嚟。而真人化後,呢2大特徵就全部神還原,並且帶俾人一種「生人勿近」嘅感覺!

「風柱」不死川實彌衝動冷酷嘅性格,真人化後一一還原出來!
Photo from YouTube @AIもしも

「蛇柱」伊黑小芭內

「蛇柱」伊黑小芭內兩隻眼睛本來就唔同顏色:右邊金色、左邊綠色,因為小時候受傷,所以經常都會用繃帶將口遮蔽。變真人化後,佢完全變成咗日系型男,而且異色瞳孔令佢睇落非常有魅力!

「蛇柱」伊黑小芭內真人化後變成日系型男!
Photo from YouTube @AIもしも

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

👉🏻 即刻Follow我哋Instagram holidaysmart.hk

Share to Facebook
Our Facebook Videos
我們的 Facebook 影片
You may also like
你可能也喜歡
【華燈初上】Netflix原創台劇!劇情簡介+角色解析!盤點15位超狂客串演員!重溫20大經典金句!
【華燈初上】Netflix原創台劇!劇情簡介+角色解析!盤點15位超狂客串演員!重溫20大經典金句!
3 hours ago
新郎婚禮上背老婆偷牽女生手被斷正!偷食疑雲瘋傳!事後發展令人震驚
新郎婚禮上背老婆偷牽女生手被斷正!偷食疑雲瘋傳!事後發展令人震驚
3 hours ago
鄭融自爆與外籍男友分手原因! 坦承現時偏愛港男:見過最細嘅係外國人!
鄭融自爆與外籍男友分手原因! 坦承現時偏愛港男:見過最細嘅係外國人!
3 hours ago
楊千嬅傳已舉家移居上海 Torres讀國際學校一年要35萬 兼同Jasper做同學?!
楊千嬅傳已舉家移居上海 Torres讀國際學校一年要35萬 兼同Jasper做同學?!
3 hours ago
【青春本我】劇情簡介+演員角色+5大重點一覽!《聲夢》學員擔正!港版《歌舞青春》?
【青春本我】劇情簡介+演員角色+5大重點一覽!《聲夢》學員擔正!港版《歌舞青春》?
4 hours ago
【肥美人】29位大碼美人IG大起底!比比、洋腸、Heyman成大熱人選!Lezlie被稱「港版渡邊直美」!
【肥美人】29位大碼美人IG大起底!比比、洋腸、Heyman成大熱人選!Lezlie被稱「港版渡邊直美」!
4 hours ago
Hottest Articles
最熱文章
Celine譚芷昀14歲出繪本!曾被指出騷價達20萬!大個女獲讚有明星相
Celine譚芷昀14歲出繪本!曾被指出騷價達20萬!大個女獲讚有明星相
2 days ago
女子接受「人體冷凍30年」!癡情老公4年後另結新歡:若真的復活很可怕
女子接受「人體冷凍30年」!癡情老公4年後另結新歡:若真的復活很可怕
a day ago
爸爸罕有姓「屎」自細被笑!幫女兒改名勁頭痕 嫲嫲神提議獲全家讚好!
爸爸罕有姓「屎」自細被笑!幫女兒改名勁頭痕 嫲嫲神提議獲全家讚好!
2 days ago
新人擺40圍婚宴後走數 原因極牽強!網民:冇錢就唔好結婚!
新人擺40圍婚宴後走數 原因極牽強!網民:冇錢就唔好結婚!
a day ago
鄭融自爆與外籍男友分手原因! 坦承現時偏愛港男:見過最細嘅係外國人!
鄭融自爆與外籍男友分手原因! 坦承現時偏愛港男:見過最細嘅係外國人!
3 hours ago
沈月身穿粉色低胸晚裝拍廣告! 網民大讚:遺傳咗媽媽嘅好身材!
沈月身穿粉色低胸晚裝拍廣告! 網民大讚:遺傳咗媽媽嘅好身材!
a day ago