download HolidaySmart 假期日常 app
【東張西望】聾啞女喪父後有家歸不得! 父親竟將業權轉贈女保安!門鎖換掉被迫露宿街頭

【東張西望】聾啞女喪父後有家歸不得! 父親竟將業權轉贈女保安!門鎖換掉被迫露宿街頭

時事熱話 生活熱話
By Stephanie on 16 Nov 2021
Digital Content Writer

唔少年紀老邁嘅父母都會立下遺囑,將自己嘅財產、物業等轉贈子女。最近,TVB東張西望》就採訪咗一名聾啞女士「美華」,佢同爸爸已經居住於李鄭屋邨多年。不過,已經過世嘅爸爸卻竟然將買下嘅公屋單位轉贈俾大廈女保安員?!而該女保安員亦狠心換鎖,導致「美華」無家可歸!

聾啞女子美華嘅房屋居然被大廈女保安員奪走?!Photo from 《東張西望》

# 聾啞女士單位被搶?!

TVB《東張西望》最近採訪咗一名年約50幾歲嘅聾啞女士「美華」,據悉佢同家人本身就居住喺李鄭屋邨,並透過「租者置其屋」購入公屋單位。居住喺附近嘅鄰居就話佢哋一家四口已經居住於該單位好耐,可惜媽媽過世以及哥哥搬走,只剩下「美華」同90歲高齡爸爸相依為命,依靠綜緩維生!

美華同家人已經居住於李鄭屋村30幾年!Photo from 《東張西望》

後來,美華同年約90歲嘅爸爸相依為命。Photo from 《東張西望》

# 認識大廈女保安「阿娟」!

後來「美華」就認識咗從內地來港工作嘅大廈女保安員「阿娟」,兩人感情變得非常好,而「阿娟」亦對佢哋兩父女照料有加。而「阿娟」就特別照顧「美華」爸爸,由於佢年紀老邁已經幾乎失去聽力,需要經常進出醫院。有街坊就表示曾經見過「阿娟」貼心煲湯俾佢飲,而「阿娟」晚上當值時「美華」爸爸都會陪伴喺身邊,令大家都覺得有啲奇怪!

街坊認為「阿娟」對美華父女過分關心。Photo from 《東張西望》

街坊都認為「阿娟」嘅行為非常古怪!Photo from 《東張西望》

# 爸爸居然轉讓單位業權俾女保安?!

不過簡單平淡嘅生活,卻因為爸爸嘅離世而發生巨變!原來「美華」爸爸2017年去世前立咗遺囑,將單位嘅業權全權交俾大廈女保安員「阿娟」!而「阿娟」亦因此而「名正言順」搬入去同「美華」一齊住,不過態度卻立刻180度大轉,曾經用手肘推佢,令佢受傷;並要求佢全額支付差餉管理費同埋水電媒等雜費。

美華爸爸居然於離世前,將單位嘅轉讓俾女保安「阿娟」?!Photo from 《東張西望》

# 美華有家歸不得!

直到今年10月,「阿娟」仲突然換咗單位嘅門鎖,令「美華」有家歸不得。唔少街坊都表示經常見到「美華」喺單位門口睡覺,或者喺留下公園呆坐,就算八號風球都冇辦法返屋企!而佢就需要長期推住自己嘅家當周圍走,導致佢經常腰酸背痛,不過大部分嘅衫都仲留咗喺單位內!

直到今年10月,「阿娟」就將門鎖換咗,令美華無家可歸!Photo from 《東張西望》

美華需要經常推住家當周圍走,裡面包含佢大部分嘅日用品。Photo from 《東張西望》

# 「阿娟」嘅真實面貌!

《東張西望》節目組就訪問咗街坊,佢哋都一致認為女保安「阿娟」係有預謀嘅,而且佢哋都話「阿娟」好識哄人,識得撒嬌,所以成功奪得「美華」爸爸歡心!根據「美華」所提供嘅照片,「阿娟」係一位年約50至60歲身體比較健壯嘅女子,有好大反差!

街坊們表示「阿娟」好識撒嬌,哄得美華爸爸好開心!Photo from 《東張西望》

「阿娟」係一位年約50至60歲身形比較健碩嘅女子,非常有反差!Photo from 《東張西望》

# 「阿娟」態度超差!

節目組多次嘗試聯絡「阿娟」,而佢就表現得非常唔合作,態度亦非常惡劣!仲堅稱自己先係最大嘅受害者,「買咗層樓,但就冇得住,我就係太仁慈」。

《東張西望》曾多次聯絡女保安「阿娟」。Photo from 《東張西望》

而「阿娟」就堅持單位已經全屬於佢!Photo from 《東張西望》

「阿娟」仲惡言相向,態度非常差!Photo from 《東張西望》

# 大律師提供意見

而大律師陸偉雄就表示現時單位已經正式轉讓咗俾女保安,美華只有2個方法可以取回單位部份業權!第一,美華需要證明自己曾經出錢或者部份資助購入單位,就可以依隨衡平法取得相關業權;第二,美華必須證明爸爸係佢生活依靠,利用受養人身份取得業權。

大律師陸偉雄為美華嘅個案提供意見。Photo from 《東張西望》

美華表示當年購入單位嘅時候,佢亦有資助$10萬!Photo from 《東張西望》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

東張西望|美孚2燒烤場涉無牌經營20年!嚴重滋擾居民 更阻塞去醫院道路?!

9 Nov , 2021

秋冬來臨,相信唔少人都會相約朋友到燒烤場BBQ,但唔係所有場地都合格經營。據《東張西望》日前報道,美孚九華徑2個燒烤場被指滋擾民居,原來佢哋涉無牌經營已經逾20年!場地不但對附近民居造成各種滋擾,更因泊車安排被指會阻礙通往瑪嘉烈醫院道路!

《東張西望》到美孚九華徑2個燒烤場視察Photo from 《東張西望》

美孚2個燒烤場涉無牌經營

《東張西望》最近接到不少居民報料,指美孚九華徑2個燒烤場對附近居民生活造成困擾。於是,拍攝組到了現場觀察及採訪街坊。燒烤場臨近美孚港鐵站,所以日常吸引很多顧客到場燒烤,而且場地面積非常大,估計可容納過千人。

2個燒烤場面積大之餘近民居Photo from 《東張西望》

根據《東張西望》,涉嫌無牌經營逾20年嘅2個燒烤場位於美孚九華徑Photo from 《東張西望》

燒烤場對民居造成氣味、噪音、光線滋擾

照現場拍攝所見,燒烤場與民居只有一街之隔。節目主持探訪了一名住在場所對面嘅居民,居民直指自己即使住37樓仍聞到飄上嚟嘅燒烤煙味。另有街坊稱假期時嘅凌晨時份會傳嚟吵鬧噪音;現場亦可見夜晚會對居民造成光污染。

燒烤煙直上民居Photo from 《東張西望》

有居民表示連食客燒咩都聞得一清二楚Photo from 《東張西望》

而較早前主持站在大廈走廊時,亦都表示當時未到BBQ鐘數已聞到微微燒烤味,若果遇上很多人燒烤,氣味一定更濃烈。

主持當日下午3時多,在燒烤場對面大廈走廊都聞到微微燒烤味Photo from 《東張西望》

該居民續稱,對抗氣味嘅方法會根據季節作出調整,「天氣熱就關窗開冷氣,可以隔絕味道與噪音。天氣冷就要開風扇,很冷都要開風扇, 想將氣味吹出去。」

有居民表示冬天凍都要開風扇吹走燒烤味Photo from 《東張西望》

燒烤氣味一年四季都強勁Photo from 《東張西望》

曾被食環檢控停業後恢復營業

根據節目,當區嘅社區幹事曾嘗試處理燒烤場問題,卻遭到一大群人恐嚇:「你砸我飯碗!」而涉事嘅2個燒烤場亦已被食環署檢控多次,惟停業了一段時間後於8月尾恢復營業。

有社區幹事曾處理燒烤場問題,卻被人恐嚇影響生計Photo from 《東張西望》

食物安全、消防隱憂

節目組到燒烤場光顧視察,發現有部分雪櫃放唔落嘅肉類在沒有冷藏情況下被隨意放在桌上,有滋生細菌及導致肚痛風險。同時,節目組亦指燒烤場涉嫌無牌賣酒,根據香港法律最高刑罰係罰款一百萬,及監禁兩年。

《東張西望》發現有肉類隨處擺在桌上,亦無被冷藏Photo from 《東張西望》

隨處放格食材又機會導致身體不適Photo from 《東張西望》

《東張西望》到場光顧發現可買酒,但燒烤場涉嫌無牌賣酒Photo from 《東張西望》

除此,主持續指場地有消防隱憂,過千人在場內明火煮食,現場放滿易燃物品,但缺乏消防喉轆、滅火筒及花灑系統等消防設備;主要出入口亦得1個,場地周圍被鐵絲網包圍,頗為危險。

燒烤場可容納過千人燒烤Photo from 《東張西望》

燒烤場被鐵絲包圍,出入口不多,引起消防隱憂Photo from 《東張西望》

《東張西望》去信消防處後獲回覆,消防處表示今年11月2日曾派人巡查,但未有發現場地有違反《消防條例》或《危險品條例》嘅情況。不過,燒烤場未有獲得消防處簽發嘅消防證書。

《東張西望》向消防處查詢得知燒烤場未獲消防處簽發嘅消防證書Photo from 《東張西望》

據現時香港法例,此類燒烤場通常要申請3種牌照,分別為:食肆牌照、食物製造廠牌照(如場內有提供醃製食物)、新鮮糧食店牌照(如場內有提供新鮮或冷凍肉類)。節目組調查後,發現上述燒烤場連一個牌照也沒有,最高刑罰可罰款五萬元,以及監禁六個月。

《東張西望》調查後指燒烤場涉無牌經營Photo from 《東張西望》

無停車場,食客泊車疑會阻礙前往瑪嘉烈醫院道路

除此,因為燒烤場無提供停車場,食客都把私家車違例泊在場外,而場外道路正是前往瑪嘉烈醫院嘅必經之路,故有阻礙救護車行駛,危害生命之風險。

《東張西望》採訪嘅街坊表示,燒烤場無提供停車場,食客違例泊車在場外,有機會阻礙救護車前往瑪嘉烈醫院Photo from 《東張西望》

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel