港男斥「同人哋夾Netflix好肉酸」掀熱議！網民反應一面倒：樓主你係咪冇朋友

現時有唔少網絡平台為大家提供娛樂，當中唔少都需要支付月費先可以享用！最近，有位港男就喺討論區開post指「覺唔覺得啲人夾Netflix好肉酸」，隨即引起網民們嘅熱議！

Photo from TVB

# 唔少網站都推行訂閱制度！

網絡變得越來越方便，大家可以喺網上聽音樂或者追劇，其中有唔少網站，包括：YouTube Premier、Spotify、Apple Music等，以及最近剛剛於香港推出嘅 Disney +都採用訂閱制度，需要支付月費想能夠享用佢哋嘅服務！

Photo from TVB

Photo from Disney+ 官網

# 唔少人都選擇同家人/朋友夾份購買！

由於部份追劇網站都有提供唔同嘅訂閱plan，其中Netflix 嘅Family plan就可以同時俾用家們一齊於線上觀賞節目。而多人plan往往都係比較划算嘅，所以唔少人都會選擇同朋友一齊夾份訂閱，齊齊享受不停追劇嘅樂趣！

Photo from 《孤單又燦爛的神－鬼怪》

# 港男認為同人夾份買，非常肉酸？！

最近，有位港男就似乎唔太贊成呢個做法，喺討論區上以「覺唔覺得啲人夾Netflix好肉酸」為題目開post。樓主就話覺得「男人老狗嗰幾十蚊一個月都要夾」，認為咁樣做嘅人非常斤斤計較，一定係同女友出街都要AA制嘅人！

Photo from 連登討論區

Photo from TVB

#大部分網民都表示唔認同！

呢個post隨即引起網民嘅關注！大部分網民都表示唔認同樓主嘅講法，認為同朋友夾份都只係慳錢嘅做法，再加上朋友咁啱都有興趣，所以先會一齊訂閱～樓主隨即反駁覺得觀看紀錄被朋友知道晒，非常尷尬，不過大部分網民都表示唔太在意「大佬！又唔係睇啲咩唔見得光嘅嘢。」

Photo from 連登討論區

Photo from 連登討論區

# 網民質疑樓主係咪冇朋友？！

唔少網民認為從樓主嘅語氣睇，佢應該比較暴躁，質疑佢「係咪冇朋友？」、「冇人同你夾Netflix？」等，覺得佢只係透過呢樣嘢表達自己心中嘅不滿！而且佢哋亦細心向樓主解釋其實Family Plan係可以俾4位用家同時於網上觀看，而並非如佢所講「睇睇下又要登出俾嗰fd睇」。

Photo from 連登討論區

Photo from TVB

# 網民認同月費非常划算！

有網民就覺得樓主講得啱，只係幾十蚊一個月，所以佢訂閱完仲會俾埋帳戶身邊嘅家人朋友使用，就算唔收錢都冇問題！有部份「幸運」嘅網民就向大家「曬命」話自己就係朋友主動借俾佢睇～

Photo from 連登討論區

Photo from TVB

相關文章：新人辦婚宴前夕用問卷詢問禮物價錢 按照價值分配餐點 網民：好寒酸！

相關文章：【Netflix原創韓劇2021】10部必睇韓劇推介！不止《魷魚遊戲》！孔劉《寧靜的大海》、劉亞仁《地獄公使》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

「最寒酸去飲經歷」掀網民熱議！大快活lunch擺酒/每人只限一罐汽水/菠蘿腸仔宴客

4 Nov, 2021

收到喜帖去飲，賓客要準備「人情」，但去飲都可能會一肚氣！近日喺討論區有網民開post討論最寒酸嘅去飲經歷，掀起網友熱議。唔少人都分享咗十分驚人嘅遭遇，令人大開眼界！

Photo from TVB

網友連登發文指曾去飲，每人只包一罐汽水

網民喺連登發文「試過去飲人地嗰餐 見過最寒酸係點？」，佢指可能因為自己年輕，去飲嘅經歷唔算多，印象最深刻嘅一次係去到宴會場地，每枱一人得一罐汽水。

Photo from TVB

樓主表示佢未開席已經飲晒罐嘢，打算問侍應攞多罐，點知對方話一人一罐，佢想出錢買返罐都唔畀！開席全程只有熱茶同熱水供應，樓主心諗：「咁孤寒，飲野錢都慳埋。」

Photo from TVB

婚宴食物竟係「菠蘿腸仔」？！

除咗婚宴場地之外，菜式都好重要，有網友分享佢去過好細嘅場，食物方面亦係小學生大食會水準，甚至更有「菠蘿腸仔」。

Photo from TVB

Photo from lihkg

另外亦有人指試過去飲個頭盤係蝦餃燒賣，不過佢就表示「好好食」，有網友回應：「飲茶定擺酒？」、「咁好食其實又ok」

Photo from TVB

親戚快餐店擺酒，要賓客自行霸位

有網民嘅一次去飲經歷震驚唔少人，佢指有親戚窮到派帖叫人去大快活食lunch，喺快餐店擺酒的確令人大開眼界！呢位網友指人情係正常價格，形容：「收幾舊水人情仲要自己霸枱」

Photo from lihkg

Photo from TVB

Photo from TVB

咁都未算，去快餐店擺酒，賓客自行嗌嘢食，主人家就企喺收銀處到負責畀錢，而一對新人就去水吧問人拎一盤水，逐張枱去「敬茶」。有網友質疑真實性，認為唔會有女生願意接受咁樣擺酒。

Photo from TVB

Photo from TVB

Photo from lihkg

收完人情擺酒慳錢被指唔尊重賓客！

有網友留言稱去飲人哋喜宴但又係咁嫌三嫌四，唔係真心祝福人哋，直言：「我覺得呢種人最寒酸！」，但樓主就反駁：「佢有尊重人咩？嘢飲都無叫嫌三嫌四？都唔理人感受嘅。」

Photo from TVB

樓主表示一對新人仲要覺得自己好聰明，搵到間好抵嘅套餐。有網民認為去飲唔係免費，賓客有畀人情，主人家求其宴客其實好唔尊重到場嘅賓客。

Photo from lihkg

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）