梅艷芳過去9段情史一覽!曾表示遺憾未能結婚生子!只對一個男人有虧欠

梅艷芳過去9段情史一覽!曾表示遺憾未能結婚生子!只對一個男人有虧欠

娛樂新聞
By Stephanie on 17 Nov 2021
Digital Content Writer

電影《梅艷芳》最近上映,講述梅艷芳(梅姐)生前嘅經歷,令唔少網民都表示十分懷念!當中電影裡面亦提及佢過往嘅2段情,可惜兩段情最終都分手收場。據悉,梅姐曾經有過9段感情史,情路可以稱得上係波折重重!

有傳,梅艷芳生前曾經有過9段情!
Photo from 《梅艷芳》預告片

梅艷芳(梅姐)於1982年參加「第一屆新秀歌唱比賽」脫穎而出,並正式入行,曾推出多首經典歌曲,包括:《女人花》、《似水流年》等,係大家耳熟能詳嘅歌曲!其後,佢亦憑電影《胭脂扣》》榮獲香港電影金像獎、金馬獎以及亞太影展嘅「最佳女主角」殊榮,才華洋溢,被大家稱為「香港的女兒」~

梅艷芳1982年出道,曾推出多首經典歌曲!
Photo from 「百變梅艷芳1991告別舞台演唱會」

梅艷芳演技亦非常厲害,曾榮獲香港電影金像獎「最佳女主角」!
Photo from TVB

據悉,40歲嘅梅艷芳感情生活亦非常多波折,佢曾經表示最遺憾嘅就係未能夠結婚生子,而佢生前就一共有9段感情。可惜都因為種種原因,而導致未能夠開花結果,而家就等我哋睇下梅姐嘅感情史啦!

# 苗僑偉

梅艷芳於1984年首度挑戰拍攝電視劇《香江花月夜》,並於劇中男主角苗僑偉傳出戀情,可惜兩人關係僅僅維持非常短嘅時間就結束。後來,苗僑偉就喺1990年與戚美珍結婚直到而家。

梅艷芳因為拍攝電視劇《香江花月夜》而認識苗僑偉!
Photo from 《香江花月夜》

梅艷芳曾經於苗僑偉傳出戀情。
Photo from 《香江花月夜》

# 富二代鄒世龍

據悉,梅艷芳係透過張國榮嘅介紹而認識鄒世龍。兩人於1984年戀愛,不過關係只係維持咗1年就結束,梅艷芳曾表示兩人當時年紀輕輕,脾氣都比較硬,而導致經常吵架。後來佢哋喺1989年復合,不過只係維持咗2個月嘅時間。

有傳,梅艷芳係因為張國榮,所以先認識鄒世龍!
Photo from 《胭脂扣》

# 日本混血模特兒 高橋雅宏

有傳,梅艷芳1985年於日本認識咗一位混血模特兒高橋雅宏,兩人擦出愛火。可惜兩人經常分隔兩地,難以維繫關係,最終選擇分手。

梅艷芳於1985年認識日本模特兒高橋雅宏,兩人戀情短暫!
Photo from TVB

# 近藤真彥

日本歌手近藤真彥同梅艷芳於1985年因為參加舞會而認識,兩人因此而一見鍾情!梅艷芳仲曾經一年到訪日本8次,並陪伴男方到北海道開演唱會。但係兩人依然敵不過異地戀,加上有傳近藤真彥同前女友中森明菜藕斷絲連,而男方亦因此而被冠上「日本第一渣男」之名!而剛剛上映嘅電影《梅艷芳》亦有紀錄呢段戀情~

梅艷芳曾經同近藤真彥於「第五屆新秀歌唱大賽」表演!
Photo from TVB

近藤真彥同梅艷芳交往期間,依然與前女友中森明菜有聯繫?!
Photo from 《愛・旅立ち》

# 劉米高

梅艷芳喺1988年拍攝手錶廣告嘅時候,認識中澳混血兒劉米高,兩人戲假情真,並短暫交往過。兩人後來和平分手,關係依然唔錯,梅姐亦有邀請男方拍攝《夏日戀人》以及《傷心教堂》嘅MV!

梅艷芳與劉米高1988年因拍攝手錶廣告而認識!
Photo from 《夏日的戀人》

兩人分手後亦是朋友,梅姐亦有邀請對方出演MV!
Photo from 《夏日的戀人》

# 圈外人Paul

1990年,傳媒爆出梅艷芳正與一名就讀劍橋大學嘅圈外人Paul熱戀中,兩人甜蜜約會嘅照片經常都被傳媒捕捉到,有指《親密愛人》係一首關於佢哋兩個嘅歌。然而,兩人嘅關係僅僅維持咗1年多,就因為性格不合,而且Paul 亦要返英國讀書而分手收場!後來,梅艷芳接受訪問嘅時候話「我畢生冇欠過男人,只欠Paul一個!」,因為佢哋曾經論及婚嫁,不過佢最終選擇逃婚!

梅艷芳於1990年於圈外男友Paul相戀,而佢曾經話「呢生只欠Paul一個男人!」
Photo from TVB

# 林國斌

梅艷芳1991年戀上武師林國斌,兩人感情甜蜜並且同居。不過兩人都因為性格不合而決定分手,戀情維持咗大約3年!而林國斌最近亦有為電影《梅艷芳》拍片送上祝福,相信兩人當時應該係和平分手。

梅艷芳曾於武師林國斌交往接近3年時間!
Photo from 《梅艷芳》宣傳片

# 趙文卓

1995年,傳媒拍到梅艷芳同比佢少9年嘅趙文卓喺沙巴拍拖嘅畫面,而導致戀情曝光!由於當時梅姐人氣非常高,唔少人都認為趙文卓係留用梅姐炒作,大眾都似乎唔太睇好兩人嘅關係,佢哋嘅戀情只係維持咗1年多就結束!

梅艷芳1995年被拍到於小9年嘅趙文卓於沙巴拍拖!
Photo from TVB

趙文卓曾接受節目訪問表示非常珍惜同梅姐嘅戀情!
Photo from 微博

# 中泰混血兒Shum Shum

2001年,梅艷芳於泰國遇上26歲嘅中泰混血兒Shum Shum,兩人相戀!而Shum Shum仲為咗慶祝梅姐38歲生日而特地飛來香港,陪傳媒拍下唔少照片。不過梅姐就一直否認兩人係情侶關係,未知係咪因為想保護戀情而絕口不提~

梅艷芳於2001年被拍到於中泰混血兒Shum Shum疑似拍拖,不過佢一直都未有承認戀情!
Photo from 亞視

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

梅艷芳生前擁眾多豪宅物業 梅媽獲數千萬遺產 卻竭力爭取更多?!

17 Nov , 2021

梅艷芳逝世近18年,影響力未有退卻,日前其傳記電影《梅艷芳》正式上映。作為一代歌后嘅梅艷芳去世後留下不少遺產,當中有唔少豪宅物業,當中一個位於壽山村道嘅故居更在多年前以近1.5億出售予新地郭氏家族!

梅艷芳生前擁多個豪宅物業,當中壽山村道故居以近1.5億售出
Photo from ATV

梅艷芳生前擁不少豪宅物業

梅艷芳嘅傳記電影於近日上映,令全城再掀起梅姐熱潮。佢生前除咗有輝煌嘅演藝事業外,亦擁有不少資產,有指梅姐在香港、日本、新加坡、甚至倫敦都持有有物業,但當中最貴嘅相信係位於壽山村道恒安閣嘅故居。

壽山村道恒安閣由梅姐於1993年以公司名義用2,000萬元買入
Photo from 正房屋網

壽山村道恒安閣最終出售予新地

據悉,恒安閣屬複式單位,由梅姐於1993年透過公司名義以2,000萬元買入,其面積以約4,069平方呎計,當時呎價只達大約4,915元。單位在梅姐逝世後,物業由遺產管理人托管。到2013年才以1.47億元出售予新地(0016)郭氏家族。

壽山村道8號嘅恒安閣最後出售予新地(0016)郭氏家族
Photo from 中原地產

據悉,單位出售後所得嘅大部分款項,都用作支付梅艷芳母親多年以來累積嘅巨額訴訟費和律師費。

單位出售所得款項大部分用作支付梅艷芳母親官司費
Photo from 微博

新地郭氏家族成功統一業權

其實恒安閣整個項目有12伙,面積由3,341至4,075平方呎都有,有指郭氏家族早於2007年已開始以8.1億元相繼收購了當中11個單位,只剩梅姐故居未被收購,最終購入後便成功統一業權,整個收購過程長達6年。除此,以收購價計算,單位呎價已升至36,127元。

收購梅姐故居單位後,新地成功統一業權
Photo from 網上圖片

而與恆安閣相隔一馬路嘅壽山村道9至19號,則是新地洋房項目SHOUSON PEAK。根據其官網圖片,內有露天泳池,可觀清幽山景,環境愜意。

SHOUSON PEAK海景清幽又豪華
Photo from SHOUSON PEAK 官網

梅姐另一物業:跑馬地毓秀大廈頂層

梅姐在香港亦有其他遺產物業,例如跑馬地毓秀大廈頂層單位,實用面積約471平方呎嘅兩房戶,單位連90平方呎嘅露台、440平方呎天台。物業在2012年於拍賣會開價780萬元,雖獲承價至1,040萬元,但因未到底價最終被收回。之後,單位再「翻叮」拍賣,開價900萬元,最後以980萬元成交,以實用面積計,呎價超過兩萬元。

此圖雖不是跑馬地毓秀大廈頂層,但高層單位都可作參考
Photo from 中原地產

梅艷芳遺產豐厚,梅媽卻唔夠洗?!

憑著堅毅與輝煌嘅演藝成就,直至2003年病逝前,梅姐名下資產總值已被指達1億元,而在同年12月初,梅姐立下遺囑及成立信託基金,並將遺產委託一家信託公司管理,梅媽每月可獲得超過7萬港元生活費直至去世。

梅艷芳超卓嘅演藝生涯令佢賺到不少金錢
Photo from 梅艷芳告別演唱會

不過,梅媽對梅姐遺囑存有質疑,於是便在長子梅啟明陪伴下,在2004年展開多年嘅爭產官司。梅媽不滿每月只有約7萬元生活費,至於點解要月付,係因為梅艷芳擔心母親理財不善,如果一次過將遺產發給梅媽,恐怕佢會在短時間內花光金錢。

梅艷芳早已安排遺產分配給梅媽,但怕佢「一舖清」,所以將錢安排以月分發
Photo from TVB

但呢筆月付款項對梅媽嚟講唔夠洗,佢之後再上法庭抗爭,經改判後,佢每月可獲嘅生活費已提升至12萬元。縱使係咁,梅媽表示每月要畀房租及水電費4萬元,再加上傭人、司機及6隻狗嘅開支,以及買補品,養兒子梅啟明夫婦等家人費用等,12萬都唔夠用。於是,梅媽喺2015年要求高等法院下令遺產管理人將15年生活費(共5500萬元)一次性發放畀自己,惟最終被駁回。

梅艷芳母親多年來一直為了梅艷芳遺產打官司
Photo from YouTube @Vanessa Wong

每月生活費分別由7萬升至12萬到20萬都不夠梅媽用

之後,梅媽又要求「遺產信託基金」加碼,法庭再判佢每月生活費可提升至20萬元,但梅媽仍不滿意,佢分別於2018年申請20萬元補辦91歲壽宴被拒絕,及於2019年成功申請25萬元舉辦95歲壽宴。除此,梅媽亦曾在2018年欠付逾110萬訟費,搞到又鬧上法庭。當時連法官都向梅媽直指:「你身體大不如前,自己保重身體,唔好再搞咁多訴訟!」

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

Share to Facebook
Our Videos
官方影片
You may also like
你可能也喜歡
保錡從小志願做明星最愛陳偉霆,為追夢打工無數,網民讚訪問態度誠懇
保錡從小志願做明星最愛陳偉霆,為追夢打工無數,網民讚訪問態度誠懇
18 hours ago
40歲陳法拉拍美劇扮女僕 進軍荷里活片約不斷 有意回港拍劇?
40歲陳法拉拍美劇扮女僕 進軍荷里活片約不斷 有意回港拍劇?
20 hours ago
何超欣清華大學畢業照曝光!賭王曾評價各房女兒,稱四房超盈「麻麻」?
何超欣清華大學畢業照曝光!賭王曾評價各房女兒,稱四房超盈「麻麻」?
20 hours ago
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
a day ago
歐陽震華上內地節目稱唔想再用英文名Bobby!訪問期間忽然落淚勁突兀
歐陽震華上內地節目稱唔想再用英文名Bobby!訪問期間忽然落淚勁突兀
a day ago
【紙房子:韓國篇】11大續集伏筆+彩蛋一次看!柏林的秘密/東京+里約感情線/城市代號有玄機
【紙房子:韓國篇】11大續集伏筆+彩蛋一次看!柏林的秘密/東京+里約感情線/城市代號有玄機
2 days ago
Hottest Articles
最熱文章
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
YouTuber arhoTV備受爭議,被爆向觀眾賣淘寶貨?推出NFT不受年齡限制,被批誤導中小學生?!
2 days ago
伍富橋晉身做億萬駙馬後變樣引熱議,與富貴老婆Shirley勁有夫妻相
伍富橋晉身做億萬駙馬後變樣引熱議,與富貴老婆Shirley勁有夫妻相
2 days ago
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
貧窮限制想像|黃嘉雯失手跌爛古董?!被要求賠償8萬8千!網民一眼看出端倪?
a day ago
何超欣清華大學畢業照曝光!賭王曾評價各房女兒,稱四房超盈「麻麻」?
何超欣清華大學畢業照曝光!賭王曾評價各房女兒,稱四房超盈「麻麻」?
20 hours ago
歐陽震華上內地節目稱唔想再用英文名Bobby!訪問期間忽然落淚勁突兀
歐陽震華上內地節目稱唔想再用英文名Bobby!訪問期間忽然落淚勁突兀
a day ago
40歲陳法拉拍美劇扮女僕 進軍荷里活片約不斷 有意回港拍劇?
40歲陳法拉拍美劇扮女僕 進軍荷里活片約不斷 有意回港拍劇?
20 hours ago