download HolidaySmart 假期日常 app
張秀文閃嫁才俊王大權 感激林盛斌Bob牽紅線 節儉慳家入TVB初期曾住劏房?!

張秀文閃嫁才俊王大權 感激林盛斌Bob牽紅線 節儉慳家入TVB初期曾住劏房?!

娛樂新聞
By Cheryl on 17 Nov 2021
Digital Editor

34歲無綫藝人張秀文宣布即將與「皮草太子爺」堂弟王大權結婚!一對準新人獲不少藝人朋友及網民祝福,公屋出身嘅張秀文一直勤奮孝順,更試過為病母停學,現在覓得好歸宿都令很多觀眾感到欣慰。

張秀文即將結婚!佢多謝Bob令佢同未來老公結下姻緣Photo from 張秀文 IG

張秀文全靠阿Bob結識未來老公

張秀文(Sammi)今天在IG上載了一幅婚紗照,相中佢被穿西裝嘅未來老公—「皮草太子爺」王大業嘅堂弟,現年30多歲嘅金融才俊王大權(Billy)摟著腰,二人散發幸福唯美感。

張秀文在IG曬出同準老公王大權嘅唯美婚照Photo from 張秀文 IG

Sammi亦喺帖文寫道同Billy結緣因由,並指當初全靠「金牌媒人」林盛斌(Bob)力邀自己出席聚會,才能結識到Billy,有報道更指Sammi因此有意請阿Bob全家去旅行以表謝意!

張秀文非常感激阿Bob做媒人!Photo from 張秀文 IG

張秀文曾因病母退學

Sammi有一兄一姊,自細在馬鞍山耀安邨長大,曾就讀基督教香港信義會馬鞍山信義學校,及沙田蘇浙公學,其後考入香港大學化學系。不過,Sammi就讀僅一年就因要照顧病母而退學。退學後佢花了一年做兼職,再以優異成績考入城大工商管理系學士,主修日本國際商業研究並順利畢業。

張秀文曾為病母退學港大Photo from 張秀文 IG

節儉Sammi入TVB後曾住劏房?!

讀大學期間,Sammi曾任職售貨員、補習導師、模特兒、酒吧拳手以幫補家計,到2010年佢參選《香港小姐競選》獲亞軍後加入TVB。不過Sammi加入大台初期並未受重用,當時收入低微嘅佢更一度租住劏房。

港姐亞軍出身張秀文初入TVB不太受器重Photo from 張秀文 IG

張秀文被封「咪神」

到2015年,Sammi以泳衣造型亮相綜藝節目《超強選擇1分鐘》因身材吸引而被網民封為無綫新一代咪神。

張秀文因身材出眾被封新一代「咪神」Photo from TVB

獲不少觀眾喜愛嘅Sammi主要做電視節目主持及擔任活動司儀,但都有劇集演出嘅經驗,佢在2020年劇集《木棘証人》出演女配角 Yuki,同羅仲謙、張曦雯等人有對手戲。

張秀文曾參演2020年劇集《木棘証人》Photo from 木棘証人 TVB

曾與前經理人拍拖,被現任多次求婚終被打動

回顧Sammi嘅感情路,曾有報道指佢跟足球名宿仇志強兒子兼前經理人仇耀斌拍拖7年,惟最終分手收場。今次Sammi與未來老公Billy拍拖一年多,有指男方以往已向過佢求婚,但被事業心重嘅Sammi婉拒。Billy未有因此放棄,並再接再厲,Sammi經反思後終被男方滿滿嘅誠意打動!

張秀文現同準老公修成正果可喜可賀!Photo from 張秀文 IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel