張致恆同老婆疑似感情生變？！ 北上工作養家! 一家人長期分隔兩地
張致恆（Steven）近年負面新聞多多，引起唔少網民關注！最近，張致恆老婆區燕雯（雯雯）就突然於IG上載一張單人照，仲寫上「每一段關係嘅結束，都係為咗有更加好嘅將來」，令唔少人都不禁猜測係咪佢同Steven嘅感情生變？！
Photo from 張致恆IG
# 張致恆形象插水！
現年37歲嘅張致恆（Steven）自2019年被爆出「一腳踏幾船」後，今年初就被馮鎵瀠（Naomi）大爆佢借錢唔還，一直出現唔少負面新聞。不過，老婆區燕雯（雯雯）依然喺佢身邊不離不棄咁支持佢，陪伴佢度過難關！
Photo from 張致恆IG
Photo from 張致恆IG
# 雯雯上載單人照，兩人疑似婚變？！
日前，雯雯就突然喺IG上載一張單人照，並寫上一大段文字「每一段關係嘅結束，都係為咗有更加好嘅將來」，似乎對而家嘅生活有感而發。而佢呢段文字隨即引起網民們嘅猜測，不禁聯想到佢係咪同Steven感情出現咗問題？！
Photo from 雯雯IG
# 上星期隔空慶祝生日
不過，雯雯喺上星期先剛剛上載咗祝福張致恆生日嘅post，並附上佢抱住2個仔仔嘅照片「生日快樂！繼續做個好爸爸」。雖然張致恆因為喺外地工作，未能夠回港一齊慶祝，佢哋一家人都有透過視像通話聯繫感情。
Photo from 張致恆IG
# 2019年奉子成婚
張致恆同女粉絲雯雯突然於2019年9月宣佈奉子成婚，有指當時大仔「天寶」已經3個月大，令唔少人都感到十分驚訝！感情緋聞超多，令·佢瞬間形象插水，演藝工作全面停工，而佢就向大眾公開道歉，並承諾會收心養性。現時張致恆長期於北上工作，並登台表演唱歌賺錢。
Photo from 張致恆IG
Photo from 張致恆微博
# 雯雯經常為老公護航！
而雯雯亦非常支持張致恆，一有負面新聞爆出都會喺IG為佢護航，並且獨自在家湊2個仔仔。相信雯雯今次應該都只係有感而發～
Photo from 張致恆IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
張致恒返內地登台努力搵真銀 撩女功力一流 現場大媽冧到暈！
8 Jun , 2021
藝人張致恒（Steven）早前被爆負債累累，公開向幾位債主道歉並承諾會積極搵錢還錢。最近，有內地網民就拍到佢喺廈門時登台嘅影片，只見佢一邊唱住《死性不改》一邊同女粉絲們握手，現場嘅反應都幾熱烈㗎～
Photo from 張致恆IG
現年36歲嘅張致恒近年負面新聞多多，自2019年被爆疑似「一腳踏五船」，導致BOY'Z紅館演唱會被迫取消。之後，佢同圈外女友兼粉絲雯雯奉子成婚，努力脫胎換骨，做好老公兼好爸爸。但幾個月前又被藝人馮鎵瀠（Naomi）揭借錢唔還，導致形象一落千丈！
Photo from 關智斌IG
Photo from 張致恆IG
當時嘅張致恒就向大家承諾有拖無欠，話會努力做人，希望大家俾多次機會佢。近來，佢就獨自一人返內地表演，去汕頭、廈門、廣州、南寧等唔同地方工作，努力還錢。
Photo from 張致恆IG
不過，張致恒積極喺內地尋找工作機會，喺內地直播時因為粉絲瘋狂點唱經典歌曲《死性不改》，而令佢忍唔住講笑咁話「日日直播都有人點唱，真係唱到嘔」，仲非常浮誇咁做出嘔吐嘅動作！呢個行為令唔少網民都覺得反感，認為佢唔尊重有份一齊合唱嘅拍檔關智斌同埋TWINS。
Photo from 微博
日前，有粉絲就上載咗佢喺廈門表演時嘅影片，片中嘅好似係一個婚宴場合，而且場內幾乎全部都係女粉絲。只見佢一出場就開始獻唱《死性不改》，仲好親民咁一路同旁邊嘅粉絲們握手，而在場嘅觀眾亦非常熱情，聚集喺台邊影相歡呼～
Photo from 微博
Photo from 微博
當日，張致恒嘅心情亦似乎唔錯，並冇因為要獻唱《死性不改》而感到不適。出場前路過見到粉絲嘅時候，仲向粉絲做出V字手勢兼擺出搞怪嘅表情，睇嚟佢喺內地人氣依然非常高，並未受負面新聞所影響！佢亦非常識做，應在場女粉絲嘅要求一齊合照，好識冧粉絲！
Photo from 微博
Photo from 微博
但有部份網民喺睇完影片後，就留言話佢係一曲走天涯，「就算唱到作嘔，都係繼續唱呢首歌搵食」。希望佢今次真係認真改過，而並非「死性不改」喇～
Photo from 張致恆IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
