港媽嬲爆撞破兒子同女友拍拖！利用補習為由呃零用錢 誓要拆散二人!
Photo from TVB
# 港媽發現兒子秘密？！
「中學生應否談戀愛」係一直以來大家議論紛紛嘅話題之一，然而早戀現象其實已經喺社會出現咗好耐～日前，有位港媽就被兒子欺騙，令佢超級生氣，以「發現個仔呃我錢...... 」為題開post。
Photo from 香港討論區
# 兒子扮去補習，實情係去拍拖？！
港媽表示兒子之前就問佢攞錢去補習，眼見兒子如此著緊自己嘅成績，佢都感到非常欣慰。直到有日放工，佢竟然喺銅鑼灣發現兒子同一個女仔一齊行街，著住校服食雪糕，而兒子本應放學就立刻去補習！
Photo from TVB
# 兒子承認用錢買禮物俾女友！
兒子一返到屋企，港媽就即刻「盤問」佢，兒子依然堅持話自己的確係去補習。不過當港媽一攞出喺街道上偷拍嘅照片，佢就立刻承認事實，仲話「呢2個月都冇佢補習」，利用攞到嘅錢去同女朋友玩以及買生日禮物俾對方！
Photo from TVB
# 港媽爆怒！
港媽聽聞之後，嬲到打咗兒子一巴，認為兒子存心欺騙佢，利用佢辛苦賺嘅錢去玩；而且佢認為兒子嘅女友都並非好女仔，竟然要仲讀緊書就男友買千幾蚊禮物俾佢！
Photo from TVB
# 要求兒子立刻分手！
港媽要求兒子立刻同女友分手，不過佢唔肯聽！然而，港媽嘅態度都十分強硬，表示會堅決令兩人冇得再一齊，仲會專程搵上門補習嘅老師，等佢冇藉口偷偷出去玩！
Photo from TVB
# 網民明白港媽心情！
部份網民就支持港媽，認為明白佢點解咁嬲，覺得佢強硬嘅做法係正確嘅，否則兒子將來好容易誤入歧途！有網民就提議既然港媽覺得女生貪錢，只要唔俾仔仔零用錢就可以令兩人分手。
Photo from 香港討論區
# 網民認為港媽強硬做法，令母子關係變差！
不過，有網民就覺得港媽嘅應對方法有啲偏激，單單係為咗拍拖而打佢一巴就已經唔啱，仲會令母子關係惡化！加上中學生拍拖喺現今社會係好平常嘅事，完全唔需要因此而動怒，只要唔影響成績就得。
Photo from 香港討論區
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港媽要求乘客讓座畀10歲女兒！指成排都係關愛座：係畀小朋友坐！唔係畀你坐！
30 Sep , 2021
Photo from MTR
搭港鐵遇港媽要求讓座
網友投稿於Facebook「生仔要考牌系列」，佢表示自己星期六搭港鐵返工，佢因為要照顧家中嘅小baby，成個人都好攰，坐喺標示為關愛座隔離座位嘅佢為免坐過站，於時就玩下手機。
Photo from TVB
列車到達尖東時有一家四口上車，媽媽拖住目測10歲嘅女兒，爸爸推住BB車。事主稱個媽媽一上車就指住佢話：「呢度係關愛座，唔該你起身俾我個女坐」，令事主大為愕然。
Photo from TVB
事主心諗關愛座唔係隔離嗰兩個位咩？喺佢疑惑之際，坐喺佢另一邊無標示為關愛座座位嘅乘客就主動起身讓咗畀呢兩母女一齊坐。
Photo from TVB
港媽指成行座位都係關愛座，係畀細路坐
而港媽一坐低又係咁同個女講：「呢度成行都係priority seats（優先座）嚟㗎，係for children，not for adults」，令事主忍唔住出聲：「其實關愛座只係最側邊嗰兩個，其他嘅都係普通位」
Photo from TVB
港媽即反駁：「呢度成行都係priority seats，係畀小朋友，唔係畀你坐㗎！」，事主毫不讓步，強調佢坐緊嘅唔係關愛座，又指任何有畀錢搭車嘅人士，都有權坐車廂中每一個位置：「唔係剩係畀你個咁大個嘅囡囡！」
Photo from TVB
事主反駁稱「讓座係人情，唔讓係道理」
事主到站後落車更遭其丈夫擋住去路，唔畀落車。事主力斥呢對夫婦：「未見過啲咁野蠻嘅人」，稱關愛座如果淨係畀小朋友坐，咁其他老人、孕婦等弱勢人士咪無得坐？
Photo from TVB
事主表示即使睇落好健全嘅人亦有可能有傷患病痛，需要坐底休息：「讓係人情，唔讓係道理。」，稱無人應該要為家長承擔照顧小朋友嘅責任：「如果你真係要你小朋友出親街都有位坐嘅，煩請你去call的士。」
Photo from TVB
網友力撐事主
唔少網友都力撐事主，認為關愛座本來就係任何人都坐得，只係優先讓座畀老弱傷殘人士，要求同請求係兩回事，事件中港媽態度惡劣，好無禮貌，個女又咁大個，完全無讓座嘅理由。
Photo from MTR
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
港媽無理要求乘客讓座俾兒子！網民：我返工都好辛苦
8 Sep 2021
Photo from TVB
#網友分享朝早返工經歷
最近學生們都開咗學，相信唔少家長又開始要接送佢哋嘅小朋友返學放學喇。日前，有位網友就喺討論區講述自己早上返工時遇到嘅「荒謬」景象，並以「依家啲小學生真矝貴」出post，引起網民熱議！
Photo from 親子王國討論區
網友表示朝早喺黃埔站上車搭地鐵返工，由於該站係總站，所以大家上車嘅時候都有位坐。直到去到何文田站嘅時候，有對母子就上咗車，不過當時車廂內嘅座位都已經坐滿晒人，佢表示目測嗰位小朋友已經讀緊小三或小四。
Photo from TVB
#港媽要求讓座俾仔仔坐！
呢位港媽就突然走去網友面前話「小姐，你起身俾個位我個仔坐啊，佢返學好辛苦㗎」；呢位網友聽到嘅時候感到非常無奈回覆「唔好意思，我有啲唔舒服」，婉拒港媽嘅要求。
Photo from TVB
Photo from TVB
#繼續問其他乘客
之後，港媽執迷不悟咁繼續搵其他乘客，但佢哋都唔願意讓座俾佢小朋友坐，搞到呢位港媽怒羞成怒「有冇搞錯啊！而家啲人唔識讓座㗎咩？！」不過呢對母子喺太子站就已經落咗車，令網友不禁認為「只係坐3個站有冇咁辛苦啊」！再加上，網友認為港媽已經幫佢小朋友孭住埋書包，唔明白點解咁佢依然覺得小朋友攰？！
Photo from TVB
#網民認為現今怪獸家長多！
唔少網民睇完都表示港媽完全就係一位「怪獸家長」，認為呢位媽媽嘅行為太誇張，簡直令佢哋大開眼界；有部份網民就認為既然港媽咁緊張自己嘅小朋友，就應該自己買車「返學咁辛苦，應該買架車，點到點接送」、「搭的士啦咁辛苦」等。
Photo from 親子王國討論區
另外，有唔少網民都分享自己平時所遇到嘅「怪獸家長」，認為而家有部份家長都過份保護小朋友，亦因為咁樣導致好多港孩嘅出現！
Photo from 親子王國討論區
Photo from 親子王國討論區
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
