download HolidaySmart 假期日常 app
港媽發現鄰居職業感震驚!隱瞞與老公早相識 大感不安網上求助

港媽發現鄰居職業感震驚!隱瞞與老公早相識 大感不安網上求助

生活熱話
By Cheryl on 23 Nov 2021
Digital Editor

遇到熱心傾聽心事嘅鄰居可能要小心!最近,一名港媽到討論區發文,表示去年結識了一名女鄰居,佢常常幫自己解決與老公奶奶之間嘅問題,因此成好友,卻發現對方竟是鳳姐,而深愛嘅老公更曾是其恩客!

港媽發現閨蜜鄰居係鳳姐,連老公都幫襯過!Photo from 寶寶大過天 TVB

常助解決家庭問題,港媽與女鄰居成閨蜜

近日,一名30餘歲嘅港媽於親子王國討論區發文,稱自己於上年認識了一名懷孕鄰居,由於大家經常交流BB經開始熟落成為好友。之後,港媽向鄰居大談家事,當中包括老公私事及奶奶相處困難。鄰居熱心聆聽,並替港媽化解了好多與老公之間嘅相處問題,令港媽心存感恩,進一步增進佢同鄰居嘅姊妹情。

港媽與女鄰居因交流BB經及家事成為密友Photo from 白色強人 TVB

閨蜜鄰居竟是鳳姐,丈夫都幫襯過!

可是,鄰居一個行為開始令港媽起疑。港媽發現閨蜜鄰居不時與自己老公私訊及講電話。初時佢不以為然,但後來直覺話佢知有嘢唔對路。於是,港媽便偷看閨蜜鄰居與老公嘅手機私訊對話,竟發現鄰居係一名鳳姐!而老公更曾經「幫襯」過鳳姐鄰居,係其恩客!

原來一直好幫得手嘅閨蜜鄰居係鳳姐Photo from 火線下的江湖大佬 TVB

二人對話更顯示,港媽老公仲跟鄰居透露,「一樓一網站啲客人都好想念佢,叫佢生完B都唔好上岸。」港媽查閱該網站後,確實見到鳳姐鄰居嘅廣告兼客人評語,仲表示呢名鳳姐具相當人氣。

港媽丈夫表示啲客人都好掛住鳳姐鄰居Photo from 火線下的江湖大佬 TVB

港媽心痛但又不想失去好友

整件事情令港媽感到非常嘔心,又心痛老公係鄰居「客人」,但佢唔想失去一個可以聽佢講心事嘅好友,亦認為揭發老公對頭家無好處,尤其係佢兒子仲細,正就讀幼稚園,多種因素令佢不知所措。

港媽感心痛但又唔想曝光事件Photo from 寶寶大過天 TVB

港媽對丈夫有信心

港媽又指,老公向來顧家,對兒子愛護有加,一出糧亦會將絕大部分人工交給港媽做家用。佢指,老公與閨蜜鄰居「有關係」時並未認識自己;閨蜜鄰居亦已生仔,而且其男友都經常陪伴在側,所以港媽認為佢同老公唔會「重拾舊情」。

港媽對老公仲有信任Photo from 迷網 TVB

網民建議港媽遠離閨蜜鄰居

對此,好多網民都認為事件狗血,兼勸喻港媽停止跟閨蜜鄰居做朋友,「呢個女人講到心事都不要做朋友了,可能有心埋你地身」、「所謂『閨蜜』一定要同佢斷,唔係盏你痛苦」、「住喺隔籬,小心你老公去咗佢間屋辦完事先返屋企」。

不少網民強烈建議港媽樓主要遠離閨蜜鄰居Photo from 親子王國

但亦有網民質疑帖文真實性,覺得港媽對老公曾幫襯鳳姐一事不太介意很奇怪,仲好似「反而只係怕失去呢個閨蜜」,該網民亦對港媽老公「叫鄰居生完孩子都唔好上岸」存有質疑,直指:「佢想幫襯?咁污槽既男人,真係...」

有網民質疑帖文真實性,但都忍唔住點評港媽丈夫Photo from 親子王國

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel