【換命真相】反轉大結局被網民狠批爛尾！ 劇情牽強全因受內地審批限制?
Photo from 《換命真相》
# TVB穿越劇受觀眾歡迎！
TVB近年打造唔少以穿越為題材嘅電視劇，其中《EU超時任務》、《超時空男臣》等都有唔錯嘅收視率，獲網民大讚。因此，TVB今年嘅台慶劇《換命真相》再度以穿越為主題，打造奇幻浪漫劇，引起網民們嘅關注。
Photo from 《超時空男臣》
Photo from 《EU超時任務》
# 《換命真相》劇情大要
《換命真相》講述2020年維利大廈突然倒塌，而工程師時光（譚俊彥飾演）就因為調查倒塌事件，而導致妹妹歐陽家純（蔣家旻飾演）以及女友張旻（鄧佩儀飾演）因意外相繼去世，而佢自己最終亦因為知道幕後真相而遇害。隨後，譚俊彥突然醒來發現自己竟然回到大廈倒塌嘅100日前，而佢就把握機會嘗試阻止悲劇發生！
Photo from 《換命真相》
Photo from 《換命真相》
Photo from 《換命真相》
# 結局講述譚俊彥嘗試識穿背後陰謀？！
大結局就講述譚俊彥同廉署合作，希望合力識穿蕭徽勇同林韋辰嘅計畫，令兩人永不翻身。可惜，意外突然發生，譚俊彥喺被林韋辰挾持嘅時候，決定犧牲自己，從高處墮下兩人都去世。
Photo from 《換命真相》
Photo from 《換命真相》
Photo from 《換命真相》
# 成個故事都係朱敏瀚幻想出來！
時間瞬間到咗5年後，只見鄧佩儀已經成為人母，然而愛人譚俊彥卻已經離開人世。鏡頭一轉，突然拍攝「宅男」朱敏瀚於電腦前打字嘅畫面，原來電視劇裡面成個穿越嘅劇情都只係由佢虛構出嚟！現實中，譚俊彥已經離世，而妹妹蔣家旻就於醫院昏迷；朱敏瀚因為偶然執到譚俊彥嘅筆記本，並靠裡面嘅線索寫成網絡潮文。
Photo from 《換命真相》
Photo from 《換命真相》
Photo from 《換命真相》
# 網民失望狠批「爛尾」！
大部分網民睇完大結局之後，都表示難以接受，狠批「點解永遠都係爛尾」、「榮登年度爛劇！」等留言，睇嚟呢個反轉嘅劇情似乎唔太啱觀眾嘅口味喇～
Photo from TVB Facebook
Photo from 《換命真相》
# 結局劇情因內地審批而受限制？
男主角譚俊彥早前接受傳媒訪問時，就透露結局劇情嘅背後原因！由於劇集喺香港同內地係同步播放，所以監製喺編劇嘅時候亦要考慮到內地審批問題，而佢作為演員就非常滿意劇中嘅結局。
Photo from 譚俊彥IG
# 2020年內地開始對電視劇題材有嚴格審查！
雖然內地暫時未有明文規定禁止播放穿越劇，不過類似嘅題材的確比較難通過審批。根據2020年中國廣電總局所設下嘅「20類電視劇題材審查」，就有寫到「穿越劇」嘅劇情要符合科學解釋，而且穿越後嘅劇情要有正面作用等。
Photo from 《換命真相》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
換命真相｜鄧佩儀首做女一即入雪櫃？！已10個月無劇拍，被指難相處焫㷫劇組
27 Oct , 2021
Photo from 《換命真相》TVB
鄧佩儀華姐出身，曾飾演黃宗澤妹妹和獲提名演員獎
28歲鄧佩儀於2013年參選國際中華小姐奪冠後即加入TVB，並於2014年首次參演劇集《點金勝手》，當中飾演黃宗澤嘅妹妹。佢曾入選《萬千星輝頒獎典禮2019》「最佳女配角」最後五強，以及在2020年入圍「飛躍進步女藝員」最後五強。
Photo from TVB
曾參演《幕後玩家》、《金宵大廈》、《降魔的2.0》嘅鄧佩儀於今年嘅台慶劇《換命真相》首度擔任女主角，但之後卻連續10個月無劇拍，相當離奇。有傳聞指，鄧佩儀除了被批演技一般外，問題關鍵係開工期間好麻煩。
Photo from TVB
鄧佩儀拍《換命真相》期間被指難相處、麻煩多多
鄧佩儀被指在拍攝期間難相處，不與對手溝通，甚至連同劇演員張頴康，及幕後人員都對佢有微言。佢同時被傳過於堅持己見，不接納拍檔甚至導演嘅意見。
Photo from 張頴康 IG
Photo from 《換命真相》TVB
堅持用私家化妝品現摩擦？！
除此，據悉有要求嘅鄧佩儀一向親自化妝，面對拍劇時要用公家化妝品非常抗拒，導致同化妝師出現摩擦。由於拍劇浮現種種負評，令鄧佩儀擔正一劇後即入雪櫃。佢拍畢《換命真相》後便再無監製起用佢，今年只能在綜藝節目中出現。
Photo from 鄧佩儀 FB
鄧佩儀承認返加拿大放長假
鄧佩儀回覆傳媒查詢時表示坦言即將離港，會返加拿大長長假陪伴家人，但佢否認同工作人員關係差，又指本來收到拍劇邀請，但遇上自己放長假及有要事處理，所以未能接受邀請，亦不便透露更多。
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
