download HolidaySmart 假期日常 app
新人大呻花2萬購買婚攝服務中晒伏! 800張相全部都冇對焦:仲要係用手機影!

新人大呻花2萬購買婚攝服務中晒伏! 800張相全部都冇對焦:仲要係用手機影!

生活熱話
By Stephanie on 22 Nov 2021
Digital Content Writer

結婚乃人生大事之一!唔少新人都會專登聘請專業嘅攝影團隊為佢哋拍婚禮照片同影片,希望可以留下美好回憶~最近,內地有一對新人就因為不滿婚禮公司所拍攝嘅照片,憤而向對方追討賠償!

來自貴陽嘅一對新婚夫婦因為不滿婚禮公司為佢哋拍攝嘅婚禮照,而決定索取賠償!Photo from TVB

# 新婚夫婦不滿婚禮公司拍攝嘅照片!

唔少人都認為結婚係人生大事,所以喺婚禮當日新人們多數都會花錢聘請專業嘅攝影團隊,為佢哋留下倩影。日前,內地一對新婚夫婦就因為不滿婚禮公司所拍攝嘅婚禮照,而決定要向對方索取賠償!

來自貴陽嘅小田表示於婚禮公司購買價值約$2萬港幣嘅婚禮一條龍服務!Photo from 《百姓關注》

# 用約$2萬港幣購買婚禮套餐!

來自貴陽嘅小田同閨蜜相約一齊國慶假期返鄉下舉行婚禮,而2對新婚夫婦就請婚禮公司「初見.唯愛」協助婚禮安排,以及拍攝婚禮照片同影片。據悉,佢哋各自花咗$1.7萬人民幣(約港幣$2萬)購買「婚禮服務套餐」,其中有$5,000人民幣(約港幣$6,100)係攝影師嘅人工。

當中大約港幣$6,100蚊係攝影嘅費用!Photo from 《百姓關注》

小田嘅丈夫亦對婚禮公司嘅攝影技術非常不滿!Photo from 《百姓關注》

# 全部照片都模糊不清!

然而,當小田收到由婚禮公司所拍攝嘅照片時,佢就嚇咗一跳,因為800張照片嘅質素及像數都好差,其中大部分都係模糊冇對焦嘅照片,或者係只得上半身嘅相!小田丈夫表示「非常失望!絕對不是支付5,000元的效果」,而小田亦補充好多照片都只係用手機拍攝,「想選20張比較好的都很難!」,令佢哋好憤怒。

然而,婚禮嘅照片質素卻令兩夫婦非常失望!Photo from 《百姓關注》

唔少照片都非常模糊,而且攝影師都只不過係用電話影相!Photo from 《百姓關注》

# 遲遲未能得到賠償

據悉,小田嘅閨蜜都有同樣嘅經歷,並成功向婚禮公司索取$5,000人民幣(約港幣$6,100)嘅賠償;唯獨小田夫婦遲遲都未有得到回覆,所以佢哋就喺節目《百姓關注》分享事件。不過卻換來婚禮公司一句「退款問題需要向負責人查詢」,敷衍了事。

然而,小田夫婦卻一直都為有獲得婚禮公司嘅回應!Photo from TVB

# 最終獲賠償一半攝影費用!

後來,婚禮公司負責人李小姐就解釋「小田閨蜜已經懷孕8個月,而且一直在店舖鬧」,所以先迫不得已退款俾佢。對於小田夫婦嘅個案,佢就認為婚禮嘅影片都冇問題,只係得相片未能符合兩人要求,所以只願意賠償一半攝影費用$2,500人民幣(約港幣$3,000)。最終,小田夫婦只能夠妥協,令事情總算告一段落。

最終,婚禮公司願意賠償一半拍攝費用,大約係$3,000港幣!Photo from 《百姓關注》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女與男友相戀3年步入婚姻殿堂!婚禮當日男友突然失聯悔婚!事後解釋令人崩潰

12 Nov , 2021

婚禮係唔少女生自細就憧憬嘅重要時刻,一定會想用心準備。近日喺討論區有女士開post指佢同男友拍拖超過3年,有共識下舉辦婚禮,點知行禮當日男友卻失聯悔婚,更難接受嘅係男友後來嘅解釋,佢直言:「佢究竟係咩居心?」

婚禮係唔少女生自細就憧憬嘅重要時刻Photo from TVB

港女與男友相戀3年終於修成正果

同心愛嘅人結婚喺唔少人嘅夢想,而女生更係十分憧憬浪漫嘅婚禮。有網友喺連登討論區發文指佢同男朋友3年幾前相識,兩人好快就墜入愛河,成為情侶。

同心愛嘅人結婚喺唔少人嘅夢想,而女生更係十分憧憬浪漫嘅婚禮。Photo from TVB

有網友喺連登討論區發文指佢同男朋友3年幾前相識,兩人好快就墜入愛河,成為情侶。Photo from TVB

交往期間佢哋經歷咗好多嘢,雖然同一般嘅情侶一樣都會嗌交,但一直都十分恩愛。到上年兩人亦有共識一齊步入婚姻殿堂,樓主表示:「我好開心,因為知道真係有人可以照顧到我」

上年兩人亦有共識一齊步入婚姻殿堂,樓主表示:「我好開心,因為知道真係有人可以照顧到我」Photo from TVB

新郎竟喺婚禮當日失聯悔婚

樓主同男友修成正果,但因為疫情關係,婚禮一直延遲,直到10月尾終於如願行禮,喺一眾親戚朋友嘅期待下,新郎竟然喺婚禮當日悔婚話唔結!

樓主同男友修成正果,但因為疫情關係,婚禮一直延遲Photo from TVB

喺一眾親戚朋友嘅期待下,新郎竟然喺婚禮當日悔婚話唔結!Photo from TVB

喺無預兆嘅情況下樓主男友失聯,搵唔到人,就好似電視劇咁,樓主一班朋友仲要幫手收拾殘局,取消婚禮當日嘅所有安排,同通知受邀出席婚禮嘅人士。

喺無預兆嘅情況下樓主男友失聯,搵唔到人Photo from TVB

樓主一班朋友仲要幫手收拾殘局,取消婚禮當日嘅所有安排,同通知受邀出席婚禮嘅人士。Photo from TVB

港女事後搵返男友,對方冷淡解釋令佢大受打擊

大受打擊嘅樓主事後終於搵到突然消失嘅男友,點知男友居然一啲內疚都無,問佢點解要咁做時更直言「未準備好,好晒錢」,態度十分冷淡。

大受打擊嘅樓主事後終於搵到突然消失嘅男友Photo from TVB

男友居然一啲內疚都無,問佢點解要咁做時更直言「未準備好,好晒錢」,態度十分冷淡。Photo from TVB

樓主非常傷心同心痛:「一早就知未準備好,點解要最後一刻先講?」,佢表示同男友一齊經歷咗好多嘢,明明只差最後一步,佢亦好期待大家嘅未來,但因為男友嘅自私,摧毁咗對樓主而言人生最特別嘅一日。

樓主非常傷心同心痛:「一早就知未準備好,點解要最後一刻先講?」Photo from TVB

網民直斥男友自私,質疑佢移情別戀

唔少網民都覺得樓主男友嘅「好晒錢」解釋十分荒唐:「好哂錢?咩都比晒錢,收唔到人情咪仲晒」,認為晒錢只係一個藉口。

唔少網民都覺得樓主男友嘅「好晒錢」解釋十分荒唐Photo from lihkg

有人指男友悔婚應該另有內情,可能係移情別戀,或者「臨尾先發現未玩夠」,但大部分網友都指就算改變主意唔想結婚都唔使喺婚禮當日玩失蹤,行為太自私!

有人指男友悔婚應該另有內情,可能係移情別戀,或者「臨尾先發現未玩夠」Photo from lihkg

大部分網友都指就算改變主意唔想結婚都唔使喺婚禮當日玩失蹤,行為太自私!Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel