download HolidaySmart 假期日常 app
星空下的仁醫|大結局團圓誕生多對CP 揭20年前事故真相 罕有被讚平實出色

星空下的仁醫|大結局團圓誕生多對CP 揭20年前事故真相 罕有被讚平實出色

電視電影 娛樂新聞
By Cheryl on 23 Nov 2021
Digital Editor

TVB台慶劇《星空下的仁醫》近日播映完畢,大結局劇情講述鄭嘉穎擔心應付不到風險極高嘅胰尾切除手術而向龔慈恩求助,間接道出了20年前龔慈恩醫療失誤嘅真相;而最後畫面更成功呼應劇集名稱同時不老套,大團圓結局少有被觀眾稱讚,更成為今年最佳劇集嘅大熱。

TVB台慶劇《星空下的仁醫》近日播出大結局Photo from 《星空下的仁醫》TVB

鄭嘉穎面對風險高手術與龔慈恩破冰

嚟到大結局,劇情講述鄭嘉穎要負責雙胞胎妹妹霏雨嘅胰尾切除手術,由於手術風險高,而龔慈恩20年前都擔任過同一種手術嘅主刀,所以鄭被鍾嘉欣說服後主動向龔慈恩破冰求助。

鄭嘉穎坦言對手術無信心Photo from 《星空下的仁醫》TVB

鄭嘉穎被鍾嘉欣說服後搵龔慈恩破冰Photo from 《星空下的仁醫》TVB

龔慈恩活在20年前醫療事故陰霾

20年前龔慈恩為林美詩進行嘅胰尾切除手術最後變成醫療失誤,龔因事故而缺乏信心。佢亦向馬國明表示佢20年嚟一直未能放下「林美詩事故」嘅心理陰影。

龔慈恩一直對20年前醫療事故未能釋懷Photo from 《星空下的仁醫》TVB

「林美詩事故」水落石出

好彩事件有轉機,鄭嘉穎追查了麾濤醫療器材公司嘅研究報告,加上張寶兒發現兒童院郭院長留畀佢嘅一封信,終查出了當年「林美詩」並非因龔慈恩失誤而去世,其實問題出於當時嘅止血超聲刀儀器上。

鄭嘉穎發現「林美詩事故」仲有線索未解開Photo from 《星空下的仁醫》TVB

張寶兒發現信件Photo from 《星空下的仁醫》TVB

龔慈恩、馬國明、鄭嘉穎成功完成手術

真相大白後,龔慈恩終於走出多年來嘅心理陰影,並重拾自信幫忙為雙胞胎妹妹霏雨做手術。佢與馬國明、鄭嘉穎一同進入手術室嘅畫面更係重現了20年前入手術室嘅一幕,最後手術在三位醫生嘅良好技術及心裡質素下成功完成。

龔慈恩20年後始知道真相Photo from 《星空下的仁醫》TVB

三人經歷風雨後滿懷信心踏入手術室Photo from 《星空下的仁醫》TVB

大團圓結局誕生多對CP

解決了各種事件後,主角們不約而同聚首欣賞天鵝座星空,多對CP終於正式誕生,包括在眾人面前拖手和kiss嘅馬國明與周家怡,以及羅子溢與張寶兒。

大團圓結局,一班醫生一起欣賞星空Photo from 《星空下的仁醫》TVB

馬國明與周家怡正式一起Photo from 《星空下的仁醫》TVB

馬國明與周家怡當眾kissPhoto from 《星空下的仁醫》TVB

羅子溢與張寶兒都修成正果Photo from 《星空下的仁醫》TVB

當然唔少得男、女主角鄭嘉穎與鍾嘉欣,鄭嘉穎估到對方辦公室內一張相片嘅含義,知道佢對早前夭折嘅孩子掛念非常,照片如天鵝座星星般,黃星與藍星代表著鍾嘉欣嘅媽媽和孩子,鍾嘉欣頗為動容。而鄭嘉穎亦乘勢輕搭鍾嘉欣膊頭,鍾嘉欣都作出回應,把頭輕倚在鄭嘉穎肩上,二人終修成正果。

鄭家穎與鐘嘉欣嚟到最後一集終於正式回應對方心意Photo from 《星空下的仁醫》TVB

鐘嘉欣都倚在鄭嘉穎身邊Photo from 《星空下的仁醫》TVB

觀眾少有讚平實自然

不少觀眾稱讚今次嘅大團圓結局係TVB少數平實自然,又唔老套,而主角們演技都具說服力,《星空》被評為今年出眾嘅醫療劇,唔少網民都認為劇集有力成為今年嘅「最佳劇集」。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel