download HolidaySmart 假期日常 app
十月初五的月光|石修74歲生日曬型仔童年照!與米雪相隔33年再合作被讚凍齡拍檔

十月初五的月光|石修74歲生日曬型仔童年照!與米雪相隔33年再合作被讚凍齡拍檔

娛樂新聞
By Cheryl on 24 Nov 2021
Digital Editor

石修有份參演剛開始播映嘅TVB台慶劇《十月初五的月光》,相隔33年再同米雪合作!近日佢上載了一幅九宮格個人照慶祝其74歲生日,當中睇勻童年、中年及現時樣貌,被網民大讚由細型到大!

石修近日迎來74歲生日,並於米雪第三度合作合演電視劇《十月初五的月光》Photo from 石修 IG

石修74大壽po童年對比照

石修日前迎來74歲生日,佢在IG分享了一幅黑白九宮格相片,全是其個人照,當中橫跨了童年、中年與現在嘅模樣,雖然年紀增長不少,但網民都大呼佢保養得宜,到呢家都好有魅力。

石修自貼黑白九宮格照片被網民大讚凍齡男神Photo from 石修 IG

石修兒子陳宇琛出溫馨慶生帖文

除此,石修兒子陳宇琛更同親友一起為爸爸舉辦慶生派對,相中佢同爸爸、媽媽黃茹麗、老婆林佑蔚嚟個四人合照好溫馨,佢亦喺帖文中形容爸爸石修為超級英雄「Happy Birthday to our superhero(祝我們的超級英雄生日快樂)」,唔只咁,佢更詳細為爸爸評分,喺以下項目都全獲十分滿分:靚仔、魅力、善良、耐性、力量、誠信,認真孝順!

石修兒子陳宇琛po出多張家庭合照及窩心帖文祝賀爸爸生日Photo from 陳宇琛 IG

好詳細列出爸爸優點Photo from 陳宇琛 IG

石修一家在一個有泳池嘅豪宅花園舉行生日派對切蛋糕,環境睇落不錯,同時可觀覽夜景。

石修一家在豪宅花園舉行生日派對Photo from 林佑蔚 IG

石修被大讚係好老爺

陳宇琛與老婆林佑蔚結婚五年,女方多次在IG稱讚石修係超級好嘅爸爸,更大讚佢係最受人尊敬與可愛嘅爸爸,並感謝佢視如己出。睇嚟石修除咗係一個好丈夫同好父親,仲係一位好老爺!

陳宇琛妻子林佑蔚大讚石修係超豪老爺Photo from 陳宇琛 IG

林佑蔚上載帖文窩心祝賀石修生日Photo from 林佑蔚 IG

石修相隔33年再同米雪合作,被指係凍齡男神女神

石修有份參演TVB台慶劇《十月初五的月光》,佢喺劇中飾演海味店老闆全海景,並與米雪飾演嘅過氣歌后朱莎嬌係知己好友,石修在米雪人生起巨變時守護對方,二人會互相關心和鼓勵。

石修同米雪在TVB台慶劇《十月初五的月光》再度合作Photo from 石修 IG

今次已係石修與米雪第三次合作,二人在1979年首次合拍劇集《絕代雙驕》,雖然佢哋無感情線但有不少對手戲;然後於1987年合演嘅《少林與詠春》中係情侶關係。二人相隔33年後在《十月初五的月光》重遇,並再次上演石修愛上米雪嘅戲份。

石修與米雪相隔33年再合作,被網民大讚二人保養得宜Photo from 石修 IG

二人同樣被不少網民指凍齡超強,係不老嘅螢幕情侶!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel