【東張西望】聾啞女單位被搶事件迎來大反轉! 女保安交出鎖匙兼下跪道歉 網民質疑並非真心？
Photo from 《東張西望》
# 聾啞女士美華公屋被搶事件，引發網民關注！
《東張西望》上星期就播出咗聾啞女士美華因為離世嘅爸爸將單位轉贈俾女保安「阿娟」，而佢最終被趕出家門嘅故事，令唔少網民都替美華感到不值。後來，阿娟終於肯面對面會談，不過卻狠心要求美華一日內收拾好屋內嘅物品，並永遠搬出單位，引起網民憤怒。
Photo from 《東張西望》
Photo from 《東張西望》
# 事件迎來180度轉變！
最近，事件就竟然迎來戲劇化嘅轉變！女保安阿娟居然主動將單位鑰匙俾返美華，甚至一改以前聲大夾惡嘅形象，喺單位內低聲下氣認錯，「我今次真係做錯咗喇！做咗啲唔係人做嘅嘢，求你！俾次機會我啦！」
Photo from TVB YouTube
Photo from TVB YouTube
Photo from TVB YouTube
# 女保安阿娟突然道歉！
然而，美華就似乎唔太接受阿娟「遲來嘅道歉」，唔願意聽對方嘅解釋。不過，有唔少網民都對於阿娟突然嘅轉變有疑問，質疑阿娟究竟係咪真心定只係因為輿論壓力先會公開道歉？！
Photo from TVB YouTube
# 網民對於阿娟道歉 反應兩極！
部份網民就認為阿娟係真心道歉，因為意識到美華可能有機會分到一半嘅身家，而且上一次大律師表示美華有可能奪回單位嘅部份擁有權，所以態度突然180度大轉！亦有網民覺得應該係因為節目播出後，令佢周遭嘅人以及生活都受到嚴重嘅影響，令佢被迫公開道歉平息事件？！
Photo from TVB YouTube
Photo from 《東張西望》
# 有網民認為阿娟並非真心！
另外，有網民就覺得阿娟並非對美華有歉意，認為好似佢咁自私嘅人唔會突然間「開竅」，仲覺得美華絕對唔可以俾阿娟一齊喺單位內住，否則好有可能發生其他事！網民仲強調阿娟應該立刻將單位業權轉讓返俾美華，先可以確保事件正式吿一段落！
Photo from TVB YouTube
Photo from 《東張西望》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
【東張西望】聾啞女公屋被搶事件最新發展！61歲女保安露面解釋! 大律師：可能有轉機
17 Nov , 2021
早前，TVB《東張西望》就採訪聾啞女士「美華」，而佢表示因為過世嘅爸爸將單位轉贈俾女保安而導致無家可歸一事，引起網民嘅熱議。事件亦有新發展！女保安員「阿娟」終於願意當面同「美華」對質，並解釋「奪得」單位嘅來龍去脈！
Photo from 《東張西望》
# 聾啞女士公屋被女保安「奪走」？！
最近，《東張西望》訪問原本居住於李鄭屋邨嘅聾啞女士「美華」，不過佢過世嘅爸爸卻竟然將單位業權轉贈俾大廈女保安「阿娟」，而阿娟亦狠心換門鎖，導致美華無家可歸！儘管節目組曾經嘗試多次打電話俾阿娟，希望可以幫助美華，但佢都一直表現得唔合作，唔願意同美華傾。
Photo from 《東張西望》
Photo from 《東張西望》
# 女保安阿娟露面！
然而，事情終於有新嘅發展喇！女保安阿娟答應重返單位，同美華面對面傾下。不過一見面後，阿娟就話「我係唔會俾佢入去！佢今日就要清晒啲嘢走」，只係允許節目組嘅人進入單位內，令美華頓時非常失落！
Photo from 《東張西望》
Photo from 《東張西望》
Photo from 《東張西望》
# 強調絕對冇用美人計！
唔少街坊都認為阿娟係用「美人計」哄90幾歲嘅美華爸爸將單位業權轉俾佢，而佢就憤怒澄清「我都61歲啦！佢要搵都搵18歲嗰啲啦，我只係當佢爸爸咁照顧。」
Photo from 《東張西望》
Photo from 《東張西望》
# 一直都悉心照顧生病嘅美華爸爸
當被主持人問到「咁點解將單位俾你，而唔係俾個囡」時，阿娟就話美華爸爸生病嘅時候，一直都係由佢照顧佢。直到有一日，美華爸爸就邀請佢搬入單位一齊住，而佢初時都立刻拒絕對方嘅提議！不過眼見美華對爸爸不理不睬，所以佢就繼續幫手帶佢睇醫生以及煲湯俾佢飲。
Photo from 《東張西望》
Photo from 《東張西望》
# 美華爸爸一句話令阿娟決定要咗間屋？！
後來，美華爸爸就突然同阿娟講想要立一份遺囑，仲話想將單位業權俾佢！佢感到十分驚訝並拒絕，但就係因為美華爸爸一句「落去香都無得食」，所以佢決定要咗個單位！不過阿娟強調有幫手支付過世後嘅費用以及還錢；而單位就只係送俾佢當作答謝之情！
Photo from 《東張西望》
Photo from 《東張西望》
Photo from 《東張西望》
# 怪責美華生活習慣差！
阿娟就話本身就已經講好俾美華居住到成功申請公屋為止，仲反指美華生活習慣差，經常都將屋企整到好污糟，而且亦唔肯支付房屋嘅雜費。最終，佢忍無可忍，換咗門鎖唔俾對方進入單位！佢仲透露等美華搬走晒自己嘅物品，就會裝修單位，俾兒子結婚後居住。
Photo from 《東張西望》
Photo from 《東張西望》
# 只允許美華入屋收拾物品！
其後，阿娟就允許美華進入屋內，不過就只係叫對方立刻將房間內嘅東西帶走，要求佢一日內搬晒！面對如此無理嘅要求，美華感到好無助，不過幸好佢喺屋內取回部份重要文件，令佢可以證明自己曾經出錢資助購買單位，似乎為佢搵到一絲嘅曙光！
Photo from 《東張西望》
Photo from 《東張西望》
Photo from 《東張西望》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
