download HolidaySmart 假期日常 app
蔡思貝曾與3位女星傳不和 主因都係為男人?陳自瑤拒絕再合作! 兩人粉絲踩場互鬧

蔡思貝曾與3位女星傳不和 主因都係為男人?陳自瑤拒絕再合作! 兩人粉絲踩場互鬧

娛樂新聞
By Stephanie on 24 Nov 2021
Digital Content Writer

藝人間難免會因為工作而發生爭執等,圈中亦有唔少藝人不和嘅傳聞。最近,陳自瑤(Yoyo)同王浩信嘅緋聞對象蔡思貝傳出不和,有傳圈內嘅人都知道佢哋而家避免同場出席私下聚會,就連拍電視劇都係「有你冇我」嘅狀態啊!

有傳陳自瑤同蔡思貝不和升級!Photo from 陳自瑤IG

# TVB台慶於上星期五舉行!

TVB上星期就隆重舉行《萬千星輝賀台慶2021》,唔少藝人都盛裝出席,女藝人們嘅華麗服裝成功搶晒風頭!不過,當晚嘅另一個看點就係陳自瑤同王浩信呢對夫婦,兩人已經傳出婚變傳聞多年,不過就一直都未有正面回應過。

TVB藝人們盛裝打扮出席台慶活動!Photo from 萬千星輝賀台慶2021

其中王浩信同陳自瑤呢對夫婦嘅零互動亦成為亮點!Photo from 王浩信IG

# 王浩信同緋聞對象蔡思貝一齊行紅地毯!

當晚兩人都齊齊現身台慶,不過就並冇一齊行紅地毯,反而係分開入場!而王浩信仲被安排同傳咗多年緋聞嘅蔡思貝蹺手行紅毯,兩人亦似乎礙於緋聞,表情都顯得格外生硬,導致場面有少少尷尬。而台慶大合照嘅時候,王浩信同陳自瑤兩夫婦企位十分近,不過就依然保持零交流!

王浩信被安排與緋聞對象蔡思貝一齊行紅地毯!Photo from 《萬千星輝賀台慶2021》

陳自瑤就獨自一人身穿性感露背裝行紅地毯。Photo from 《萬千星輝賀台慶2021》

# 傳陳自瑤同蔡思貝關係變得緊張!

據悉,陳自瑤同蔡思貝嘅不和傳聞升級!陳自瑤最近就通知朋友,如果想邀請佢出席活動或者聚會時,希望可以避免同時邀請蔡思貝;仲同TVB電視劇嘅監製們表明唔想同對方出演同一部電視劇,簡直就係「有你冇我」!

有傳陳自瑤已經通知身邊好友,邀請出席聚會時會盡量避免同蔡思貝同場!Photo from 陳自瑤IG

# 兩人盡量避免同場現身!

而陳自瑤早前就用行動表明自己嘅決心,以往每年都會出席樂易玲生日會嘅佢,今年7月嘅時候就罕有地缺席;而蔡思貝就有現身到賀!

每年都有出席樂小姐生日會嘅陳自瑤,今年就竟然冇現身!Photo from 陳自瑤IG

今年7月蔡思貝照常出席樂易玲嘅生日派對。Photo from 蔡思貝IG

# 蔡思貝成日因為緋聞而得罪人?!

其實蔡思貝仲喺2017年嘅時候,同唐詩詠傳出過不和。有傳兩人就係因為洪永城而鬧不和,唐詩詠當時仲同洪永城公開戀愛中;不過有傳媒就拍到男方同蔡思貝喺佛山拍攝《大帥哥》時,關係非常親密,導致唐詩詠十分不滿!

唐詩詠於2017年時同蔡思貝傳出不和!Photo from 唐詩詠IG

據聞,當時蔡思貝因為拍戲而同洪永城交往甚密,導致唐詩詠不滿。Photo from 蔡思貝IG

# 曾與唐詩詠傳出不和!

隨後,兩人都有出席當年嘅《萬千星輝頒獎典禮》,蔡思貝憑著《踩過界》獲得「最受歡迎電視女角色」。有網民就發現佢發表感言嘅時候,唐詩詠卻黑口黑面咁坐喺台下,導致兩人不和傳聞似乎變得更加真實!

蔡思貝於2017年獲得 「最受歡迎電視女角色」。Photo from 《萬千星輝頒獎典禮2017》

蔡思貝發表感言時,唐詩詠就嬲爆爆坐喺台下?!Photo from 《萬千星輝頒獎典禮2017》

# 兩人今年台慶成功破冰!

不過喺今年嘅台慶,兩人就上演咗一場「世紀破冰」畫面!當藝人們玩緊台慶版《思家大戰》時,蔡思貝就被問到「最想結婚的女藝人」,而佢就立刻回答「唐詩詠」,仲將mic遞俾身旁嘅唐詩詠,關係似乎已經有改善。

唐詩詠同蔡思貝兩人上演世紀破冰場面!Photo from 萬千星輝賀台慶2021

兩人已經冇再好似以前咁喺鏡頭前面阻阻。Photo from 萬千星輝賀台慶2021

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

TVB台慶2021|紅地氈造型全面睇!陳自瑤性感搶鏡 聲夢學員影獨照受注目

19 Nov , 2021

TVB於今晚(19/11)舉行《萬千星輝賀台慶2021》,並於節目開始前先進行紅地氈儀式。一眾男女藝人都盛裝出席典禮,性感及氣質造型兼備,以下即刻重溫佢哋嘅造型!

首先出場嘅有港姐line,包括:張嘉兒、陳曉華、黃嘉雯、何依婷、梁凱晴。相對一眾低胸晚裝,何依婷嘅白色蕾絲禮服較為特別。

TVBPhoto from TVB

TVBPhoto from TVB

之後出場嘅有有劉佩玥、古佩玲、郭柏妍等女星。

TVBPhoto from TVB

朱智賢、彭慧中、伍樂怡、蔡嘉欣、關楓馨、廖惠儀等人接著現身。當中關楓馨一身粉藍色希臘女神晚裝都好有睇頭。

TVBPhoto from TVB

TVBPhoto from TVB

TVBPhoto from TVB

游嘉欣及螢幕情侶拍檔林正峰都有亮相,不過出場時游嘉欣就橋住孔德賢手臂,而同組嘅波波(黃婧靈)嘅打扮將佢身材發揮到極致,相當搶眼。

TVBPhoto from TVB

TVBPhoto from TVB

TVBPhoto from TVB

一眾《愛回家之開心速遞》演員,呂慧儀、張景淳、湯盈盈等人都一齊出場,佢哋睇落都心情大靚,司儀叫佢哋擺出鬼馬甫士都願意配合。

TVBPhoto from TVB

跟住落嚟係一班《聲夢傳奇》學員現身,炎明熹(Gigi)、姚焯菲(Chantel)、鍾柔美(Yumi)等學員都有獨照時段,果然係大台新力軍。

TVBPhoto from TVB

TVBPhoto from TVB

TVBPhoto from TVB

奪得2016年度港姐亞軍嘅劉穎旋就以一身淺藍色貼身裙亮相,事業線與腰線盡現,性感非常。

TVBPhoto from TVB

講到性感,高海寧都好搶眼,佢穿上一條好sharp嘅綠色貼身裙,熱情向鏡頭揮手,不過佢身旁嘅何廣沛造型就較為搞怪,尤其佢髮型好有比比鳥嘅味道。

TVBPhoto from TVB

而全場最吸睛嘅相信就係陳自瑤,佢一身銀色晚設計特別,露出一邊香肩和腰線,而背面都同樣有睇頭,誠意十足!司儀都稱讚佢好性感。同佢一齊出場嘅朱晨麗亦唔輸蝕,佢一身deep V白色公主袖晚裝走公主風格。

TVBPhoto from TVB

TVBPhoto from TVB

TVBPhoto from TVB

TVBPhoto from TVB

張寶兒同袁偉豪都有先後亮相,二人嘅造型幾獨特,司儀都表示,其他女星晚裝大多一淨色為主,但張寶兒嘅碎花裙相當搶眼,佢同謝東閔、蔣家旻等人一齊出場;而寶兒老公袁偉豪之後以黑白花紋長外套造型亮相。

TVBPhoto from TVB

TVBPhoto from TVB

TVBPhoto from TVB

李佳芯(Ali)與陳豪、張曦雯一同出場,兩位女星造型截然不同。

TVBPhoto from TVB

「最佳女友」唐詩詠就同馬國明一齊出場,兩人打扮以黑色為主,詩詠晚裝嘅心口位設計則成為亮點。

TVBPhoto from TVB

TVBPhoto from TVB

陳展鵬則以一身黑色間紅西裝亮相,但佢都不忘加上特別亮點,佢戴咗嘅黑色頸套,上面有一個亮眼嘅銀白色拉鏈吊咀,造型貫切佢獨特嘅時尚觸覺。

TVBPhoto from TVB

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel