追光吧2 | 張衛健熱到爆粗照播出街吳鎮宇1舉動獲讚 4原因致首播收視差！

Digital Editor

張衛健同吳鎮宇近日參演內地綜藝騷《追光吧2》，節目參演者來自內地、泰國都有，所以從香港而來嘅二人自然特別合拍，張衛健更一度在後台熱到爆粗！而吳鎮宇就立即幫忙解圍，非常識做。但節目開播收視與評價卻麻麻地，疑似被早前播畢嘅同類節目《披荊斬棘的哥哥》比下去。

Photo from 優酷

張衛健與吳鎮宇亮相《追光吧2》

內地綜藝節目《追光吧2》近日開始播映，節目邀來超過20名男藝人加入接受訓練，並競逐爭奪混齡男團一席位。香港代表張衛健及吳鎮宇齊齊參演，互相照顧，更在等出場時爆出笑料！

Photo from 《追光吧2》宣傳海報

在等待區準備出場時，穿著白色外套嘅張衛健覺得好熱，要周圍搵陰涼位置「避暑」，並走到吳鎮宇身旁以廣東話說：「呢度好似涼少少。」

Photo from 優酷

吳鎮宇於是用手摸張衛健嘅外套睇下有幾厚，此時，張衛健爆出一句「（外套）好X厚」，相信因為內地節目組人員不懂廣東話，所以意識唔到張衛健在鏡頭前爆了粗口，最後無將其粗話剪掉或消音。對於張衛健爆廣東話粗口一幕被完整播出街，不少網民都不介意，仲覺得幾有親切感。

Photo from 優酷

Photo from YouTube 評論

吳鎮宇之後提議張衛健將外套脫掉綁在腰上，張聽罷有點猶疑，認為戴在身上嘅麥克風會被影響，吳就指出麥克風可以重新戴過，並幫忙張再次戴上無線咪。吳鎮宇嘅舉動被不少網民大讚貼心。

Photo from 優酷

《追光吧2》參演者涵蓋影帝、偶像、Rapper等明星，除了張衛健及吳鎮宇，亦包括吳建豪、楊宗緯、韓國男團2PM泰籍成員Nichkhun（尼坤）等人，陣容非常強大。可是，節目首播後嘅收視與口碑都強差人意，綜合網民意見，主要都認為問題出於製作方面。

Photo from 優酷

第一，節目剪接與節奏都分別被指太零碎及緩慢。第一期節目中只有7位男星展現了初舞台，兩集加埋都未播完所有「哥哥」嘅初次表演，雖然節目想製造懸念，實際卻消耗了觀眾耐性。而表演途中都經常穿插嘉賓鄧亞萍、金晨反應，更犧牲了部分演出鏡頭，影響了觀賞完整度。

Photo from 優酷

第二，舞台燈光及設計都未如理想，正方形嘅三面台，配合白色及偏黃為主嘅燈光效果相對單調，有時更出現「懸疑感」過重打燈，運鏡亦無咩睇頭。

Photo from 優酷

第三，節目內容被指焦點模糊，一眾選男團嘅「哥哥」突然進行運動會比賽，參加攀岩、接力等項目，更穿上迷彩服進行「軍訓」，大玩泥漿摔角等活動，安排被部分網民認為九唔搭八。

Photo from 優酷

第四，原主持人金星鏡頭全被刪光令節目失色不少。金星由《追光吧 1》開始主持，獲得不錯評價。金星本來係男兒身，於1995年接受變性手術，有人猜測因為佢嘅變性人身份遇上「限娘令」而被官方封禁。而節目剩餘嘅嘉賓金晨和鄧亞萍都被指主持能力不足，影響節目水準。

Photo from 優酷

除此，早前有同類型節目《披荊斬棘的哥哥》珠玉在前，當中「大灣區五人組」：陳小春、張智霖、梁漢文、謝天華、林曉峰都受到觀眾愛戴，所以《追光吧 2》稍有不足都難免引起觀眾比較。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel