71歲譚詠麟陷入桃色風波?! 被爆偷食23歲粉絲?網民搜集2大有力證據

譚詠麟近年頻頻於內地接job，將演藝事業嘅重心放咗返內地。昨日（23日），有一名叫「悲傷牛肉麵_」嘅內地網民就大爆「香港愛國男歌手和我女朋友搞在一起」，當中爆料文章內唔少線索都將矛頭指向譚詠麟，瞬間引起網民熱議！隨後，譚詠麟經紀公司亦立刻發聲明撇清關係，不過就似乎冇咩說服力喇。

Photo from 譚詠麟微博

# 內地男網民大爆「香港愛國男歌手」與女友發展地下情？！

現年71歲嘅譚詠麟（譚校長）昨日（23日）就被一名內地網民「悲傷牛肉麵_」於微博爆料，指「香港愛國男歌手」居然同佢23歲嘅女友發展超越友誼嘅關係，而文章內嘅種種線索都將矛頭指向譚詠麟，令貼文迅速登上微博熱搜榜！

Photo from 微博

Photo from 微博

# 兩人多數於上海約會！

根據爆料者所講，佢年輕嘅女朋友本身就係譚詠麟嘅粉絲，係一位名副其實嘅追星族。直到有一日，佢突然發現女友手機內嘅照片以及短訊，發現女友遠赴上海只為與偶像「約會」；而且女友一直都欺騙佢利用微信同偶像聯絡，令佢非常憤怒！

Photo from 微博

# 迅速引起網民熱議

貼文好快就登上微博熱搜，不過唔少網民都表示唔相信爆料男網民，所以佢隨即上載咗一張男方背影照，並聲稱自己手上尚有唔少有力證據！從照片中所見，該男士嘅身形以及頭髮色都同校長有啲相似，然而唔少粉絲都依然堅信譚校長唔會做咁嘅事。

Photo from 微博

Photo from 微博

# 譚詠麟公司隨即發聲明！

隨後，譚詠麟所屬嘅經紀公司就立刻於微博發表聲明，否認相中人係譚詠麟，而且會採取適當嘅法律行動，為此撇清關係。

Photo from 微博@香港藝能製作

# 爆料男再上載新照片！

然而，呢個舉動就立刻令爆料男網民更加憤怒，並上載新相，誓要同對方對抗。雖然新相都依然係背面照，不過就拍攝到男子嘅身形以及房間內部，而該男子亦有配戴眼鏡！然而男子好快就將照片刪除。

Photo from 微博

Photo from 微博

# 網民發現運動鞋+酒店房間2大證據！

有內地網民就迅速從爆料照片中尋找線索，有網民發現譚詠麟有同款式嘅運動鞋，而且小腿亦有啲肌肉，同平常愛運動嘅譚校長真係有幾分相似！而且，網民亦發現爆料照片中嘅房間圖片，與譚詠麟於微博上載嘅背景一模一樣，令唔少網民都對今次嘅爆料變得更加有說服力！

Photo from 譚詠麟微博

Photo from 微博

# 網民表示難以置信！

唔少網民喺睇完照片後，都認為事件確實非常荒謬「71歲跟23歲也太誇張了吧！」、「其實一直都有很多花邊新聞啊」等留言，其中有網民就話佢而家嘅太太其實當年亦係佢嘅粉絲？！

Photo from 微博

# 譚詠麟現時嘅太太本身都係粉絲？！

譚詠麟係「溫拿五虎」嘅主唱，於音樂以及電影事業都有唔錯嘅發展。佢喺1981年與圈外人楊潔薇秘密註冊結婚，之後一直對外聲稱單身，直到岳父離世先令人夫身分曝光！然而，佢喺1991年認識咗比佢小22歲嘅朱穎婷，其後兩人亦發展稱情侶關係。1996年，朱詠婷更為對方誕下兒子，令元配大受打擊！

Photo from 譚詠麟微博

Photo from 譚詠麟微博

# 2006年公開承認與朱穎婷關係！

直到2006年，譚詠麟因為父親離世先公開承認朱穎婷同兒子譚曉風嘅身分，而佢亦曾經喺接受媒體訪問時表示當年全因「想要後代」、「一己私慾」導致感情關係變得複雜，並對兩位太太感到抱歉！

Photo from 譚詠麟微博

相關文章：【譚詠麟棄獎？】港台十大中文金曲獎座被棄垃圾堆 印有得獎人譚詠麟／鍾鎮濤名

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

70歲譚詠麟打完疫苗第二日即跑步！大騷針口位呼籲唔好隨便跟學

8 Mar , 2021

70歲譚詠麟近日喺微博自爆接種咗新冠肺炎疫苗，不過打完針佢就急不及待做運動！仲風騷大晒針口位，笑容勁燦爛！

Photo from 譚詠麟微博

新冠肺炎疫苗計劃已經開始，繼林青霞之後，譚詠麟亦透露自己已經打咗科興疫苗！

Photo from 譚詠麟微博

新冠肺炎疫苗優先接種組別包括60歲或以上人士，年屆70歲嘅譚校長都符合優先接種資格，佢喺微博表示：「昨天打了疫針感覺良好今早按耐不住跑了」

Photo from 譚詠麟微博

佢約埋朋友一齊跑步，更風騷大晒針口，向來自稱年年25歲嘅譚校長雖然實際年齡已逾70，但仍急不及待接種疫苗。其實科興疫苗喺大陸有年齡限制，設於18歲～59歲。譚詠麟70歲打針已經算係高齡接種。

Photo from 譚詠麟微博

Photo from 譚詠麟微博

雖然近日有接種疫苗後死亡嘅個案出現，但譚詠麟一於無有怕，6張相有2張都係影個針口，表示「感覺良好」。

Photo from 譚詠麟微博

不過佢晒相都有「戴頭盔」呼籲普通人唔好隨便跟學佢咁打完針就去做運動：「但記住不要隨便跟學體質因人而異！」

Photo from 譚詠麟微博

有網友留言指佢打完疫苗有「後遺症」：「打完疫苗的後遺症來了：到處嘚瑟（炫耀）」有唔少高齡接種死亡案例，大家要考慮清楚風險。

Photo from 譚詠麟微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）