江嘉敏反擊網民 自稱唔識P圖 短髮照惹負評 被質疑有修圖前科！

TVB女藝人江嘉敏早前為新劇剪短髮，變成了「男仔頭」嘅佢引起不少話題。佢日前在IG上載了一組出席活動嘅性感造型照，卻被一網民指佢P圖加新髮型不美觀，嘉敏隨即留言還擊！

Photo from 江嘉敏 IG

江嘉敏滿意短髮造型

江嘉敏為了拍攝新劇而剪去多年長髮，換成了一頭啡色清爽短髮，短到同不少男生剪嘅長度相約。造型一出即引起熱議，不少網民認為佢長髮較好看。

Photo from 江嘉敏 IG

但江嘉敏就唔係咁睇，佢早前更在帖文表示「我好開心，好多人話我carry到呢個短頭髮，估唔到咁好睇，仲話我似林志穎，鹿晗。（內心極度興奮，因為個個都係靚仔）」

Photo from 江嘉敏 IG

江嘉敏曬最新短髮性感相

日前，江嘉敏在社交網分享了最新嘅活動造型照，佢穿上了黑色連身短裙，衣服嘅胸口採用中空設計，大曬事業線非常性感。

Photo from 江嘉敏 IG

Photo from 江嘉敏 IG

佢亦有上載同化妝師與髮型師影嘅合照，又搞笑將二人P脹，寫道佢哋表示好友合照應該要咁玩，睇得出佢哋感情都好好。

Photo from 江嘉敏 IG

被讚靚咗精神咗

帖文一出，不少網民留言大讚江嘉敏短髮好精神好靚，充滿活力，仲差點認佢唔出，講笑話以為佢整咗形，亦有人稱讚佢身材好，應該show多啲。

Photo from 江嘉敏 IG

Photo from 江嘉敏 IG

Photo from 連登討論區

反擊網民批評

不過，有問網民就以簡體字留言，指：「P圖都咁醜，髮型（笑喊emoji）真係要換個髮型師了。」對此，江嘉敏並無無視意見，佢迅速還擊，更同樣以簡體字留言回覆：「你咁叻，你幫吓我P靚個髮佢啦，我唔識P。」睇嚟嘉敏未有被該網民磨滅信心，依然好滿意自己嘅新髮型。

Photo from 江嘉敏 IG

網民唔buy「唔識P圖」

對於江嘉敏自稱「唔識P圖」，有網民就唔太同意，又重提佢同馮盈盈早前嘅「P圖羅生門」事件，當時二人被網民懷疑各自幫自己修圖，而唔幫對方修，亦有人指江嘉敏P脹馮盈盈，和P大自己對眼，而且，有網友認為江嘉敏嘅IG相同佢平時上電視嘅模樣都有出入，故不太同意江指自己唔識P圖。

Photo from 連登討論區

Photo from 連登討論區

仍有不少網民認為短髮嘉敏較長髮遜色

近日在連登討論區亦有網民開帖文，轉載了以上江嘉敏嘅最新短髮照，指佢剪髮後顏值再下降不少。有網民表示「根本唔係個個carry到（短髮）」，亦有人寫道：「點解TVB咁鍾意叫啲女去剪短頭髮，明明就唔靚，硬係要整到肉酸老土，又扮到為角色剪短頭髮好大犧牲咁。」

Photo from 連登討論區

另有網民貼上早年張可頤與袁潔瑩拍劇嘅動圖，表示其實都有女藝人係可以carry到短髮「以前張可頤同袁潔瑩嘅短髮不知幾靚」。

Photo from 連登討論區

Photo from 連登討論區

相關文章：江嘉敏假髮照被指撞樣王祖藍！狂賣口乖：我都想似佢咁聰明咁多計

相關文章：江嘉敏跟風挑戰抖音奶醉妝 開行美顏濾鏡改頭換臉變大細眼

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）