download HolidaySmart 假期日常 app
【全民造星4】大熱Ash鍾卓穎被淘汰!IG+5大件事一覽!被爆已結婚、中學曾遭欺淩!

【全民造星4】大熱Ash鍾卓穎被淘汰!IG+5大件事一覽!被爆已結婚、中學曾遭欺淩!

電視電影 娛樂新聞
By Haitaeng on 26 Nov 2021
Digital Editor

ViuTV選秀真人騷全民造星4》中,81號Ash(鍾卓穎)憑著甜美聲線,被讚有天籟之音,被視為女團大熱人選之一。但是,在日前播出的60強分組對決中,一直深受導師們與觀眾喜愛的她,卻意外在第二回合被淘汰,令不少人都感到震驚同可惜。導師梁祖堯更哭著大呼唔明白,直言Ash是自己最想留低的參賽者!今次透過五件事來更深入認識如此受歡迎的Ash鍾卓穎啦!

ViuTV選秀真人騷《全民造星4》中,81號的Ash(鍾卓穎)被讚是天籟之音,一直被視為女團大熱人選之一。Photo from ViuTV

·女團大熱被讚「天籟之音」

之前完全沒有演出經驗的Ash,首次在《全民造星IV》亮相就引起注意,首輪面試時憑著甜美的聲線令一眾評審留下深刻印象。導師梁祖堯大讚她擁有「天籟之音」、女團經理人Wing(戴穎)聽到眼濕濕,就連花姐看過其表演後都表示鍾意她,更獲大批網民支持,被視為女團的大熱人選之一。自小受哥哥家姐唱歌的影響,Ash在細細個就很鍾意唱歌,14歲曾參加歌唱比賽。雖然擁有歌唱天賦,但她從未曾接受過相關訓練,直至參加《全民造星IV》之後才正式學習唱歌。

Ash在《全民造星4》的首輪面試,憑著甜美的聲線令一眾評審留下深刻印象。Photo from 《全民造星4》截圖

·與Angelababy撞樣?

擁有大眼睛、長相甜美的Ash,因為擁有如混血兒的深邃輪廓,被指與Angelababy、Jeannie吳家忻與湯洛雯長得有幾分相似。雖然Ash在參加《全民造星IV》時正在箍牙中,但依然吸引不少目光,直指「箍牙都好靚」。而她近日在IG公開最新的樣貌,就已見拆了牙箍~

Ash因擁有如混血兒的深邃輪廓,被指與Angelababy、Jeannie吳家忻與湯洛雯長得有幾分相似。Photo from Ash鍾卓穎_IG

Ash近日在IG公開最新的樣貌,已見拆了牙箍~Photo from Ash鍾卓穎_IG截圖

·任職初生嬰兒深切治療部護士

現年23歲的Ash曾入讀醫管局護士學校,十分喜歡小朋友,現在是一位初生嬰兒深切治療部護士。據悉她最初一度擔心自己不能應付,但實習之後發現,嬰兒的需要其實不難理解,被網民大讚愛心爆棚!Ash目前亦在修讀護理系學位課程,表示非常喜歡現時的工作,「護士是理想的職業,唱歌是夢想」。其實Ash之所以會參賽亦與工作有關,因為經常面對殘酷的嬰兒生死課題,令她對人生有更深刻的感悟。「有啲BB照顧咗好耐,但係可能到佢兩歲嘅時候就要離開世界。個刻就知道唔係每個人都可以活到我呢個歲數。如果仲要為咗自己嘅膽量而去放棄一啲可以嘗試嘅嘢,將來一定會後悔。」

Ash目前的職業是一位初生嬰兒深切治療部護士。Photo from 《全民造星4》截圖

十分喜歡小朋友的Ash,被網民大讚愛心爆棚!Photo from 《全民造星4》截圖

Ash曾在節目中表示參加比賽的原因與工作經常面對殘酷的嬰兒生死課題有關係。Photo from Ash鍾卓穎_IG

·被爆去年已為人妻

在節目中表現不俗的Ash,收獲了大批粉絲,但卻被網民起底早已名花有主!Ash被爆去年已成為人妻,她與老公簽紙結婚的甜蜜合照亦遭到公開,令不少人表示震驚與失望,部分網民就直言接受唔到要脫粉~之後,Ash在IG發千字長文,雖然未有正面回應是否已結婚,但字行間已默認自己擁有另一半。「參賽以黎,咁多位參賽者都想好好保護另一半同屋企人,我都同樣…諗返起當初想參加,佢第一個舉腳贊成,因為佢知道我有幾中意唱歌,係我想放棄嘅時候鼓勵我,一直覺得我有能力同要比出面嘅人認識,所以先至會有大家琴日喺電視上面見到嘅81號Ash。搵到一個同你冇血緣關係但永遠無條件支持你嘅人,見到有人鍾意我比我自己更開心嘅人,我只知道我應該要做嘅就係珍惜,因為人生可以好短暫。所以不論係另一半定係呢一個比賽,選擇左我就唔會後悔。」

人氣急升的Ash被網民起底早已名花有主,去年更已結婚!Photo from Ash鍾卓穎_IG截圖

Ash之後在IG發千字長文,雖然未有正面回應是否已結婚,但字行間已默認自己擁有另一半,並感激對方一直以來的支持與信任。Photo from Ash鍾卓穎_IG

·自爆中學曾遭欺淩

近期成為網民熱烈討論對象的Ash,亦引來不少流言蜚語。她之前在IG story玩「你問我答」解答外界的疑問時,就自爆曾在中學時被欺淩的經歷。Ash直言因為無法保護自己的家人,心情受到影響。「有我以前facebook嘅人,係我嘅親友、同學。至少你係一啲我冇移除或相信嘅人,所以你先會睇到我嘅過去,但可悲嘅係分享上去嘅就係其中嘅人。可能你好唔鍾意我,我亦唔知要點樣去解釋,我都阻止唔到你繼續,我有一直mon post係因為仲想睇到你幾時先會停。果然,匿名講嘢係唔需要負責任。」而她亦坦承自己細個時說話直接、橫衝直撞容易得罪人,但從來沒有欺淩過別人,反而曾被人欺淩,自揭慘痛過去。

Ash之前在IG自爆在中學曾遭欺淩。Photo from Ash鍾卓穎_IG

Ash在IG坦承自己細個時說話直接、橫衝直撞容易得罪人,但從來沒有欺淩過別人,反而曾被人欺淩,自揭慘痛過去。Photo from Ash鍾卓穎_IG截圖

Ash鍾卓穎_IG:iamashleyyy__

Ash在節目意外被淘汰,令一眾導師們、參賽者以及網民都表示接受唔到,大呼可惜,為她抱不平,紛紛希望她能復活~Photo from Ash鍾卓穎_IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel