download HolidaySmart 假期日常 app
港男驚揭公司看更住豪宅戴勞力士!隱形富豪因為一個原因甘願做打工仔!

港男驚揭公司看更住豪宅戴勞力士!隱形富豪因為一個原因甘願做打工仔!

時事熱話
By Jennifer on 26 Nov 2021
Digital Editor

香港地到處都係隱形富豪,有時就喺你身邊!近日有網友喺討論區發文稱發現公司大廈嘅保安員原來住豪宅樓盤!令佢驚歎「真人不露相」:「交租多過佢份人工」,而對方亦大爆有錢都做打工仔嘅原因!

近日有網友喺討論區發文稱發現公司大廈嘅保安員原來住豪宅樓盤Photo from TVB

港男與公司樓下保安員交談

正所謂「人不可以貌相」,穿金戴銀唔代表係有錢人,而平平無奇嘅亦可能係隱形富豪!近日喺香港討論區就有網友開post「公司大廈看更真人不露相」。

正所謂「人不可以貌相」,穿金戴銀唔代表係有錢人,而平平無奇嘅亦可能係隱形富豪Photo from TVB

樓主表示佢公司大廈有個看更十分健談,咩都可以講一餐,佢都好樂意同看更交談,兩人傾下傾下都熟絡唔少。

樓主表示佢公司大廈有個看更十分健談,咩都可以講一餐,佢都好樂意同看更交談Photo from TVB

看更自爆住附近豪宅樓盤,平時戴勞力士返工

有日看更就提到佢每日都係行路返工,樓主一時好奇,就問佢住邊可以行返工咁好,估唔到看更竟然表示佢就住喺公司附近嘅豪宅樓盤,令樓主大為吃驚。

有日看更就提到佢每日都係行路返工,樓主一時好奇,就問佢住邊可以行返工咁好Photo from TVB

看更竟然表示佢就住喺公司附近嘅豪宅樓盤,令樓主大為吃驚。Photo from TVB

除咗住豪宅,樓主亦發現看更平時戴名錶返工,佢更曾懷疑係贗品:「之前仲懷疑佢隻勞係假嘢,睇嚟應該係真嘢!」

除咗住豪宅,樓主亦發現看更平時戴名錶返工,樓主更曾懷疑係贗品Photo from TVB

為方便返工,搬出巿區租樓住,看更揭做打工仔原因

咁都未算,樓主以為看更住得豪宅都唔優做,應該係順便喺屋企附近搵份工,返工唔使咁辛苦。但原來看更本身都住得好遠,只係唔想個仔日日車佢返工咁辛苦,所以先特登搬出巿區租間屋,方便返工。

原來看更本身都住得好遠,只係唔想個仔日日車佢返工咁辛苦,所以先特登搬出巿區租間屋,方便返工。Photo from TVB

原來看更住豪宅只為方便返工,貧窮真係限制想象!看更又透露佢有家底都仲甘願做打工仔嘅原因,其真佢返工只不過係因為太悶,想搵人吹下水。

看更又透露佢有家底都仲甘願做打工仔嘅原因,其真佢返工只不過係因為太悶,想搵人吹下水。Photo from ViuTV

樓主得知內情後大感震驚:「佢交個租仲多過佢份人工,呢啲咪叫真人不露相,有錢冇掟洗......」

樓主得知內情後大感震驚:「佢交個租仲多過佢份人工,呢啲咪叫真人不露相,有錢冇掟洗......」Photo from TVB

網友稱唔好睇小身邊嘅老人家

有網友都指唔好睇小保安員:「隨時有錢過你,人地悶唔想坐公園咋。」,更稱曾見過有保安揸保時捷、寶馬等名車返工,有網民表示認同:「唔係講笑,好多做保安其實有幾層樓收緊租」

有網友都指唔好睇小保安員:「隨時有錢過你,人地悶唔想坐公園咋。」Photo from 香港討論區

有網民表示認同:「唔係講笑,好多做保安其實有幾層樓收緊租」Photo from TVB

唔少網友稱身邊嘅老人家可能都深藏不露:「茶記阿叔隨時有幾間鋪收緊租」、「執紙皮阿婆可能有幾層樓」、「街邊掃街嘅可能都有幾千萬身家」。

唔少網友稱身邊嘅老人家可能都深藏不露Photo from 香港討論區

網友:「街邊掃街嘅可能都有幾千萬身家」。Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

夫婦住8千萬豪宅卻餐餐捱杯麵 兼職保安勉強供樓 為悲慘原因堅持?

15 Jun 2021

住靚屋係唔少人畢生夢想,現時樓價高企,好多人為上車甘願節衣縮食。喺日本,一對夫婦住在價值8210萬日圓(約582萬港元)高層豪宅,環境寬闊仲有靚景,但佢哋竟然日日捱杯麵,仲要做兼職先可以勉強供樓,究竟咩原因令佢哋死慳死抵都要住呢間屋?

《潛行狙擊》 TVBPhoto from 《潛行狙擊》 TVB

日本綜藝節目《家ついて行ってイイですか(可以跟上你的房子嗎?)》喺某住宅區附近訪問57歲嘅日本女子Toyomi,當時佢正帶著愛犬散步,打扮得體,似區內貴婦。Toyomi表示自己住喺呢區大廈嘅27樓,好自然地,主持同觀眾都認為佢係富貴人家,但事實卻令人驚訝。

《家ついて行ってイイですか》截圖Photo from 《家ついて行ってイイですか》截圖

節目組跟隨Toyomi回家後,發現呢間屋價值8210萬日圓(約582萬港元),環境寬敞,採用兩房一廳設計,廳內放置一部4K大電視同一部按摩椅後仍然有唔少空間,更有大玻璃窗遠眺區內美景。據悉,呢間靚屋樓齡10年,月供32萬日圓(約2萬2千港元)。

《家ついて行ってイイですか》截圖Photo from 《家ついて行ってイイですか》截圖

《家ついて行ってイイですか》截圖Photo from 《家ついて行ってイイですか》截圖

Toyomi表示佢同任職電訊公司管理部長嘅60歲丈夫Akira同住。表面睇,節目組以為住喺高層單位嘅二人生活無憂,但夫婦卻透露,佢哋好辛苦先住得起呢間屋,更要做兼職先勉強供得起樓。之後,佢哋分享咗令人震驚嘅慳錢日常。

《家ついて行ってイイですか》截圖Photo from 《家ついて行ってイイですか》截圖

原來,為咗幫補家計,Toyomi會喺其居住嘅大廈停車場做兼職保安,一周工作5天,由朝早6點半開工,時薪1020日圓(約$72港元)。

《家ついて行ってイイですか》截圖Photo from 《家ついて行ってイイですか》截圖

而Toyomi丈夫Akira則係一名電訊公司管理部長,佢平日返工都只會食一個飯糰作午餐,更會每天早上5點半就起床同妻子一起準備飯糰。

《家ついて行ってイイですか》截圖Photo from 《家ついて行ってイイですか》截圖

打開儲物櫃,更發現夫婦家中放滿杯麵!Toyomi表示,佢同丈夫為咗慳錢供樓,都經常以杯麵充飢,亦唔會外出食飯。另外,二人大部分家品都購自100円店。

《家ついて行ってイイですか》截圖Photo from 《家ついて行ってイイですか》截圖

究竟,佢哋點解要為呢層樓如此慳儉?原來同夫婦二人嘅悲傷過去有關。二人於25年前結婚,當時Toyomi同Akira分別32歲及35歲,經朋友搞嘅聯誼活動認識,交往半年就結婚。

《家ついて行ってイイですか》截圖Photo from 《家ついて行ってイイですか》截圖

《家ついて行ってイイですか》截圖Photo from 《家ついて行ってイイですか》截圖

Toyomi當時任職宴會服務侍應,高峰期月賺50至60萬日圓(約3.5萬至4.2萬港元)。但好景不常,Toyomi 35歲時患上大病,需要辭職休養,其後更於體內發現癌細胞,形成子宮肌瘤。

《家ついて行ってイイですか》截圖Photo from 《家ついて行ってイイですか》截圖

喺患病十年期間,Toyomi非常痛苦,失去食慾,因此消瘦起來。於40歲時,佢更一度想放棄生命,遺書都準備好。

《家ついて行ってイイですか》截圖Photo from 《家ついて行ってイイですか》截圖

更差嘅係,Akira亦係10年前因主動脈剝離暈倒,令右腳無法走動。幸好,經手術及復康訓練後,佢嘅右腳慢慢康復,但依然要定時食藥同進行練習。

《家ついて行ってイイですか》截圖Photo from 《家ついて行ってイイですか》截圖

Toyomi同Akira都經歷過大病,自此,兩人決定「喺下次病倒前要盡力把握機會做想做嘅事」,而入住高層豪宅欣賞夜景就係二人夢想。所以,雖然供樓辛苦,亦可能只能喺呢間屋享受幾年,但二人都認為值得,應該趁現在製造珍貴嘅美好回憶。

《家ついて行ってイイですか》截圖Photo from 《家ついて行ってイイですか》截圖

《家ついて行ってイイですか》截圖Photo from 《家ついて行ってイイですか》截圖

《家ついて行ってイイですか》截圖Photo from 《家ついて行ってイイですか》截圖

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel