台女為結婚要男友月繳$1.7萬 男方呻無錢買煙被質問：揀煙定揀我？
Photo from TVB
台女同男友為結婚慳錢，男方需上繳全部月薪
最近，台灣一名女網民（下稱台女）到「匿名公社」，問網民覺得自己仲應唔應該嫁畀男友為重點發文，表示佢同男友打算結婚，為了準備買屋、籌備婚禮、度蜜月等洗費，台女要求月薪6萬台幣（約1.6萬港元）嘅男友將月薪全部交給自己管理，而女方月薪則只有2萬台幣（約5,600港元）。
Photo from TVB
一星期得70港元用
得到男友月薪後，台女會將一星期5天生活費分發畀對方，但金額只得250台幣（約70港元），費用包括買早午餐，而晚餐則由台女煮，太忙時可買外賣返家吃，週末方面，台女則稱：「而且星期六日反正會回他家，也不會花多到甚麼錢。」
Photo from TVB
男友呻唔夠錢買煙
如此費用，男友當然有怨言，於是佢跟台女投訴一星期生活費唔夠買煙，女友即時大怒，更在帖文重複5次：「他居然跟我說一個禮拜250根本不夠他買菸！」
Photo from 匿名公社
Photo from 《龍在江湖》劇照
台女暴怒
台女繼續怒指：「你有沒有搞錯呀！我一個禮拜給250是要讓你上班時吃飯用的，你拿去買菸？」男友表示，佢現在窮到無任何娛樂了，只剩下吸煙呢個小確幸。台女反駁，問唔食煙有咩問題，更指「買兩個三明治一個早上吃一個當午餐，公司有飲水機，一天也大概只花台40元（約11港元），還有剩10元（約3港元）好嗎！」
Photo from TVB
「揀煙定揀我？」
台女又呻，為咗慳錢結婚，佢唔敢同朋友出街，亦只敢上網買平價手袋與化妝品，連下午茶都只能食得好平。台女認為自己犧牲好大，問道：「他居然跟我說他沒錢買菸因為菸漲價？」佢認為男友好過分，更讓佢2選1，「選菸或是選我？」
Photo from 匿名公社
面對人生選擇題，男友指台女無理取鬧，逼得佢連小小喘息紓壓空間都無。台女則不買賬，稱：「抽那麼臭的紙菸是抒壓？」之後二人便開始冷戰，台女亦在帖文最後問網民「大家覺得我還要嫁給他嗎？」
Photo from TVB
網民：放過男友吧！
對此，好多網民都直呼：「放過你男友吧！」有人認為一星期得250台幣（約70港元）連食泡麵都唔夠；亦有人表示「我寧願選菸」，續指早午兩餐長期都只吃三文治會營養不良，而台女自己會買化妝品同手袋，但男友連煙都不能買，認為台女唔買該兩項物品先達至公平。
Photo from 匿名公社
其他網民亦同意女友發畀男友嘅生活費完全唔夠洗，直指男友值得更好嘅女人。
Photo from 匿名公社
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
