download HolidaySmart 假期日常 app
陳茵媺一家五口溫馨豪宅曝光! 陳豪不惜為子女「捱貴租」 本身已坐擁至少2個物業

陳茵媺一家五口溫馨豪宅曝光! 陳豪不惜為子女「捱貴租」 本身已坐擁至少2個物業

娛樂新聞
By Stephanie on 29 Nov 2021
Digital Content Writer

陳豪陳茵媺呢對模範夫妻一向都感情甜蜜,羨煞旁人!最近,陳茵媺(Aimee)上載咗同囡囡一齊佈置聖誕樹嘅照片,唔少人都大讚場面溫馨,而照片仲無意中曝光咗佢哋2,200呎嘅豪宅

陳茵媺陳豪一家五口居住嘅豪宅曝光!Photo from 陳茵媺IG

# 陳豪陳茵媺2013年結婚!

陳茵媺(Aimee)同老公陳豪(Moses)係圈中公認嘅模範夫妻,兩人於2013年結婚,並誕下3名子女,生活幸福美滿!而兩人亦不時於IG上載同子女外遊嘅合照,而Aimee仲經常「一打三」帶同三位小朋友出街玩,獲網民大讚「好媽媽」!

陳茵媺同陳豪於2013年結婚,並誕下3名子女。Photo from 陳茵媺IG

陳茵媺經常都帶著3個子女周圍玩,非常用心湊小朋友!Photo from 陳茵媺IG

# 上載佈置聖誕裝飾照片!

最近,Aimee就喺IG上載咗同囡囡喺屋企佈置聖誕樹以及掛上聖誕襪嘅照片,超有氣氛啊!從照片中所見,只見Aimee戴住眼鏡,不過氣息同樣貌都非常好,少女感十足,完全唔覺得佢有40歲,被網民稱讚保養得宜。除此之外,照片仲曝光咗佢哋豪宅所面向嘅無敵大海景!

最近,陳茵媺就上載咗喺屋企佈置聖誕樹嘅照片,獲網民大讚美貌依然!Photo from 陳茵媺IG

陳茵媺仲為屋企每個人都準備一隻聖誕襪。Photo from 陳茵媺IG

# 為子女返學而搬屋?!

據悉,呢個豪宅位於南灣嘉麟閣嘅豪宅大約2,200呎,月租約$7萬,佢哋2年前先搬過去住。而佢哋搬過去嘅原因就係因為大仔嘅學校同舊居距離比較遠,為節省交通時間先會搬屋。陳豪曾經直言該單位嘅租金的確比較貴,不過因為可以親自接送子女返學,就頓時覺得非常值得,果然係出名嘅廿四孝爸爸~

據悉,陳豪一家五口現時居住於南灣嘉麟閣約2,200呎豪宅!Photo from 陳茵媺IG

# 無敵大海景超吸睛!

佢哋嘅溫馨豪宅就主要以白色為主調,客廳擺放咗超級大嘅白色沙發,可以容納好多人;牆上仲貼有一家五口嘅家庭照,並且提供一個角落俾小朋友放置玩具。最引人注目嘅就一定係客廳嘅落地大玻璃,一下子就可以飽覽出面嘅無敵大海景,非常chill~

陳茵媺經常都會上載同子女們喺家中玩嘅照片!Photo from 陳茵媺IG

陳茵媺同陳豪豪宅嘅其中一大亮點就係超靚嘅海景!Photo from 陳茵媺IG

# 飯廳設計簡約大方

而客廳隔離嘅飯廳就擺放咗一張白色雲石紋理嘅圓枱,就算邀請朋友去聚會都一定冇問題啦~新年嘅時候,佢哋仲會擺放全盒、花朵等,令成個飯廳都變得超有氣氛。

飯廳內擺放超大嘅圓桌,可以同時容納好多人!Photo from 陳茵媺IG

飯廳後面仲有一個櫃子,擺放林林總總嘅玻璃杯、茶具等。Photo from 陳茵媺IG

# 陳豪不時於廚房展現廚藝!

本身就鍾意下廚嘅陳茵媺,廚房亦應有盡有,已經有唔同嘅醬料以及廚房用品,為丈夫同子女炮製出美食,有時候陳豪亦會大顯身手幫手煮飯。而佢哋嘅廚房就當然唔少得有咖啡機啦,陳豪鍾意飲咖啡就唔少人都知道,估唔到連陳茵媺都同佢嘅口味越來越似!

陳豪偶爾以會幫手下廚,為陳茵媺分擔家務!Photo from 陳茵媺IG

超級鍾意飲咖啡嘅陳豪都買咗一部咖啡機喺屋企!Photo from 陳茵媺IG

# 陳豪投資有道!

其實陳豪一直都有投資唔同嘅房地產,好早期就已經擁有調景嶺都會駅嘅物業,後來結婚後仲買下比華利山4千呎大型別墅,一家五口一齊住!雖然佢哋一家人而家為咗小朋友返學而搬出嚟「 捱貴租」,但有傳陳豪上年成功以3000萬續約TVB,而且佢嘅咖啡店以及甜品店亦有唔錯嘅法發展,所以對佢嚟講絕對唔成問題啊!

陳豪本身亦有至少2個物業。Photo from 陳豪IG

陳豪現時家庭事業兩得意,據悉佢上年以3000萬高價續約TVB!Photo from 陳豪IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

陳豪台慶一個舉動被網民讚係「已婚男藝人榜樣」過去曾為陳茵媺堅持戴口罩!

24 Nov , 2021

TVB台慶於上週五(19/11)播出,一班男女藝員都載歌載舞賣力演出。雖然陳豪未有參與大型表演,但佢喺「思密Party」環節中講嘅幾句說話同樣搶鏡,更獲不少觀眾稱讚係好男人!

陳豪台慶問答被觀眾讚,指睇得出佢係有分寸嘅已婚男藝人Photo from 陳豪 IG

陳豪唔識答邊個女藝人最恨嫁

當晚「思密Party」有藝人問答環節,陳豪帶領藝人隊玩遊戲。李思捷要求陳豪回答「最想結婚嘅TVB女藝人」,陳豪聽罷立即說出妻子名字「陳茵媺」,卻被李思捷反駁:「結咗婚喇喎?」陳豪就問:「下?唔算咩?」

陳豪即答妻子陳茵媺,可惜不受理Photo from TVB

李思捷解釋問題指最想/最恨嫁嘅女藝人,然後畀多次機會陳豪答,雖然陳豪還是一頭霧水,表示「我唔知喎」,幸得其他藝人高呼「湯洛雯」作提示並成功作答。

對於邊個花旦最想結婚,陳豪睇落豪無頭緒,直指自己唔知道Photo from TVB

其他藝人在最後關頭以在場嘅湯洛雯做提示Photo from TVB

最後成功答題Photo from TVB

回答模樣被觀眾欣賞「有分寸」

有網民認為,從陳豪答案可看出,即使佢同過不少TVB女演員合作,佢私下都無同花旦們有太多交流,對於邊個恨嫁佢毫無頭緒,心中亦只有妻子陳茵媺,代表佢會會跟其他女藝員保持距離。

陳豪同過不少TVB花旦合作,例如Ali 李佳芯Photo from TVB

已婚男藝人榜樣

陳豪與陳茵媺結婚後生活幸福,並育有三名孩子,相信陳茵媺從丈夫身上獲得了充裕安全感,令佢願意當全職太太,放棄在演藝事業更上一層樓,爭取當TVB一線花旦嘅機會。

陳豪與陳茵媺非常恩愛Photo from 陳茵媺 FB

陳豪一家住在月租約10萬元嘅2,200呎南灣豪宅,又不時會送Hermès手袋畀妻子,非常寵妻。不少觀眾認為陳豪係已婚男藝人嘅榜樣,因為佢會避忌,防止引起緋聞,將工作與生活分配好,成為讓太太安心嘅家庭支柱。

不少觀眾都欣賞陳豪與陳茵媺嘅夫妻關係Photo from 陳茵媺 FB

陳豪曾為妻兒健康堅持戴醫用口罩

另外,於上年嘅TVB台慶騷,陳豪係全場唯一一個堅持戴醫用口罩嘅出席藝人。當時疫情肆虐,但為了讓藝人「見樣」,全部藝人都戴上了防護性唔高嘅透明口罩。但唯獨陳豪,佢由行紅地氈開始就已經戴上醫用口罩,而頒獎禮進行時,佢無論上台或坐台下做觀眾時都一樣戴實醫用口罩,所以佢喺一班佩戴透明口罩,甚至無戴口罩嘅藝人群組中非常搶眼。

陳豪於《萬千星輝頒獎典禮2020》堅持戴醫用口罩被讚Photo from TVB

坐台下一樣戴實口罩,其他藝人都戴透明罩或無戴Photo from TVB

陳豪事後表示當時因要確保妻兒安全所以咁做,而防疫並非一人之事,確診會有連帶性,所以佢寧願犧牲樣貌換取安全,同時呼籲大家唔好掉以輕心。對妻兒及公共安全有咁高嘅關懷意識,陳豪果然抵讚!

陳豪由行紅地氈開始都戴住口罩Photo from TVB

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel