download HolidaySmart 假期日常 app
梅艷芳電影|編劇大爆刪走譚詠麟角色原因!80年代兩大巨星只有張國榮登場

梅艷芳電影|編劇大爆刪走譚詠麟角色原因!80年代兩大巨星只有張國榮登場

電視電影 娛樂新聞
By Jennifer on 29 Nov 2021
Digital Editor

傳記電影《梅艷芳》講述咗已故樂壇巨星梅艷芳(Anita)嘅一生,電影有集中描述梅姐與哥哥張國榮嘅友情,而同為80年代巨星嘅校長譚詠麟卻未有出現,編劇吳煒倫大爆背後原因!

傳記電影《梅艷芳》講述咗已故樂壇巨星梅艷芳(Anita)嘅一生Photo from 《梅艷芳》

電影《梅艷芳》還原梅姐與哥哥張國榮嘅真摯友誼

一代巨星梅艷芳雖然逝世多年,但電影就還原咗佢璀璨嘅傳奇一生。未上映前,電影方曾公開三版象徵「親情」、「友情」、「恩情」嘅海報,分別代表梅姐人生中3位重要人物。

《梅艷芳》電影方曾公開三版象徵「親情」、「友情」、「恩情」嘅海報,分別代表梅姐人生中3位重要人物。Photo from 《梅艷芳》

象徵「友情」嘅重要人物就係哥哥張國榮,電影由劉俊謙飾演張國榮。1988年梅姐同哥哥兩人主演經典電影《胭脂扣》,呢套電影更令梅姐首奪香港金像獎「最佳女主角」。

象徵「友情」嘅重要人物就係哥哥張國榮,電影由劉俊謙飾演張國榮Photo from 《梅艷芳》

1988年梅姐同哥哥兩人主演經典電影《胭脂扣》Photo from 《胭脂扣》

《胭脂扣》令梅姐首奪香港金像獎「最佳女主角」。Photo from 有線電視

梅姐同哥哥關係有如家人,梅姐曾表示佢同哥哥無話不談,甚至連男朋友都會帶畀哥哥過目。而電影更還原梅艷芳出席哥哥嘅告別式一幕。

梅姐同哥哥關係有如家人,梅姐曾表示佢同哥哥無話不談,甚至連男朋友都會帶畀哥哥過目。Photo from 《胭脂扣》

電影更還原梅艷芳出席哥哥嘅告別式一幕。Photo from 《梅艷芳》

校長譚詠麟同為80年代樂壇巨星

其實喺80年代,除咗梅姐、哥哥之外,仲有人稱「校長」嘅譚詠麟亦係紅極一時,佢哋3位可以話係香港樂壇嘅巨星。

喺80年代,除咗梅姐、哥哥之外,仲有人稱「校長」嘅譚詠麟亦係紅極一時Photo from 譚詠麟微博

80年代係譚詠麟歌唱事業嘅巔峰時期,佢推出嘅眾多歌曲都成為經典,喺樂壇頒獎禮更攞獎攞到手軟,喺1988年初嘅十大中文金曲音樂頒獎禮上,譚詠麟勇奪「全年總銷量冠軍大獎」及「IFPI大獎」,但喺頒獎台上佢突然宣布唔再接受具競爭性質嘅音樂獎項。

80年代係譚詠麟歌唱事業嘅巔峰時期,佢推出嘅眾多歌曲都成為經典,喺樂壇頒獎禮更攞獎攞到手軟Photo from 譚詠麟微博

《梅艷芳》編劇吳煒倫爆電影刪走譚詠麟角色原因

而電影《梅艷芳》雖然都有講到80年代香港娛樂圈嘅輝煌,但就未有「譚詠麟」呢個角色出現。原來《梅艷芳》嘅劇本初稿都曾經安排3大巨星同場嘅畫面,但最終電影卻將譚詠麟一角刪走。

電影《梅艷芳》雖然都有講到80年代香港娛樂圈嘅輝煌,但就未有「譚詠麟」呢個角色出現。Photo from 譚詠麟微博

編劇吳煒倫就透露,雖然梅姐好友眾多,但電影畢竟只有短短2個鐘,難以將梅姐完整嘅人生經歷一一提及,唯有忍痛將部分人物刪去。

編劇吳煒倫就透露,雖然梅姐好友眾多,但電影畢竟只有短短2個鐘,難以將梅姐完整嘅人生經歷一一提及Photo from 《梅艷芳》

電影原定會有張進翹(Manson)飾演嘅黃家駒出現

電影原本搵咗張進翹(Manson)飾演黃家駒,而Beyond亦原定會喺電影中出現,但最終都將有關嘅畫面刪走。

Beyond亦原定會喺電影中出現,但最終都將有關嘅畫面刪走。Photo from 滾石唱片 ROCK RECORDS

Manson喺IG公開咗「黃家駒」造型照:「很榮幸有機會參與電影《梅艷芳 ANITA》,還能飾演我的偶像,這是超越夢想的經歷。相信現在的《梅艷芳》,是導演認為在這個階段最適合和最好的版本,我也和很多影迷一樣,希望能夠看到未曝光的片段,讓我們一起期待。這真是一部不可多得的電影,關於香港的傳奇,只要能參與已經感到無限光榮」

Manson喺IG公開咗「黃家駒」造型照Photo from Manson IG

Manson:「很榮幸有機會參與電影《梅艷芳 ANITA》,還能飾演我的偶像,這是超越夢想的經歷。相信現在的《梅艷芳》,是導演認為在這個階段最適合和最好的版本,我也和很多影迷一樣,希望能夠看到未曝光的片段,讓我們一起期待。」Photo from Manson IG

譚詠麟亦係梅艷芳好友之一

梅姐同哥哥張國榮感情昇華到家人,而校長譚詠麟亦係梅姐嘅好友之一,梅姐曾經喺2003年鳳凰衛視嘅節目《名人面對面》中表示屋企3隻狗分別係改名做Eric(曾志偉)、阿叻(陳百祥)、阿倫(譚詠麟)。

梅姐同哥哥張國榮感情昇華到家人Photo from 《胭脂扣》

校長譚詠麟亦係梅姐嘅好友之一Photo from 譚詠麟微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

梅艷芳過去9段情史一覽!曾表示遺憾未能結婚生子!只對一個男人有虧欠

17 Nov 2021

電影《梅艷芳》最近上映,講述梅艷芳(梅姐)生前嘅經歷,令唔少網民都表示十分懷念!當中電影裡面亦提及佢過往嘅2段情,可惜兩段情最終都分手收場。據悉,梅姐曾經有過9段感情史,情路可以稱得上係波折重重!

有傳,梅艷芳生前曾經有過9段情!Photo from 《梅艷芳》預告片

梅艷芳(梅姐)於1982年參加「第一屆新秀歌唱比賽」脫穎而出,並正式入行,曾推出多首經典歌曲,包括:《女人花》、《似水流年》等,係大家耳熟能詳嘅歌曲!其後,佢亦憑電影《胭脂扣》》榮獲香港電影金像獎、金馬獎以及亞太影展嘅「最佳女主角」殊榮,才華洋溢,被大家稱為「香港的女兒」~

梅艷芳1982年出道,曾推出多首經典歌曲!Photo from 「百變梅艷芳1991告別舞台演唱會」

梅艷芳演技亦非常厲害,曾榮獲香港電影金像獎「最佳女主角」!Photo from TVB

據悉,40歲嘅梅艷芳感情生活亦非常多波折,佢曾經表示最遺憾嘅就係未能夠結婚生子,而佢生前就一共有9段感情。可惜都因為種種原因,而導致未能夠開花結果,而家就等我哋睇下梅姐嘅感情史啦!

# 苗僑偉

梅艷芳於1984年首度挑戰拍攝電視劇《香江花月夜》,並於劇中男主角苗僑偉傳出戀情,可惜兩人關係僅僅維持非常短嘅時間就結束。後來,苗僑偉就喺1990年與戚美珍結婚直到而家。

梅艷芳因為拍攝電視劇《香江花月夜》而認識苗僑偉!Photo from 《香江花月夜》

梅艷芳曾經於苗僑偉傳出戀情。Photo from 《香江花月夜》

# 富二代鄒世龍

據悉,梅艷芳係透過張國榮嘅介紹而認識鄒世龍。兩人於1984年戀愛,不過關係只係維持咗1年就結束,梅艷芳曾表示兩人當時年紀輕輕,脾氣都比較硬,而導致經常吵架。後來佢哋喺1989年復合,不過只係維持咗2個月嘅時間。

有傳,梅艷芳係因為張國榮,所以先認識鄒世龍!Photo from 《胭脂扣》

# 日本混血模特兒 高橋雅宏

有傳,梅艷芳1985年於日本認識咗一位混血模特兒高橋雅宏,兩人擦出愛火。可惜兩人經常分隔兩地,難以維繫關係,最終選擇分手。

梅艷芳於1985年認識日本模特兒高橋雅宏,兩人戀情短暫!Photo from TVB

# 近藤真彥

日本歌手近藤真彥同梅艷芳於1985年因為參加舞會而認識,兩人因此而一見鍾情!梅艷芳仲曾經一年到訪日本8次,並陪伴男方到北海道開演唱會。但係兩人依然敵不過異地戀,加上有傳近藤真彥同前女友中森明菜藕斷絲連,而男方亦因此而被冠上「日本第一渣男」之名!而剛剛上映嘅電影《梅艷芳》亦有紀錄呢段戀情~

梅艷芳曾經同近藤真彥於「第五屆新秀歌唱大賽」表演!Photo from TVB

近藤真彥同梅艷芳交往期間,依然與前女友中森明菜有聯繫?!Photo from 《愛・旅立ち》

# 劉米高

梅艷芳喺1988年拍攝手錶廣告嘅時候,認識中澳混血兒劉米高,兩人戲假情真,並短暫交往過。兩人後來和平分手,關係依然唔錯,梅姐亦有邀請男方拍攝《夏日戀人》以及《傷心教堂》嘅MV!

梅艷芳與劉米高1988年因拍攝手錶廣告而認識!Photo from 《夏日的戀人》

兩人分手後亦是朋友,梅姐亦有邀請對方出演MV!Photo from 《夏日的戀人》

# 圈外人Paul

1990年,傳媒爆出梅艷芳正與一名就讀劍橋大學嘅圈外人Paul熱戀中,兩人甜蜜約會嘅照片經常都被傳媒捕捉到,有指《親密愛人》係一首關於佢哋兩個嘅歌。然而,兩人嘅關係僅僅維持咗1年多,就因為性格不合,而且Paul 亦要返英國讀書而分手收場!後來,梅艷芳接受訪問嘅時候話「我畢生冇欠過男人,只欠Paul一個!」,因為佢哋曾經論及婚嫁,不過佢最終選擇逃婚!

梅艷芳於1990年於圈外男友Paul相戀,而佢曾經話「呢生只欠Paul一個男人!」Photo from TVB

# 林國斌

梅艷芳1991年戀上武師林國斌,兩人感情甜蜜並且同居。不過兩人都因為性格不合而決定分手,戀情維持咗大約3年!而林國斌最近亦有為電影《梅艷芳》拍片送上祝福,相信兩人當時應該係和平分手。

梅艷芳曾於武師林國斌交往接近3年時間!Photo from 《梅艷芳》宣傳片

# 趙文卓

1995年,傳媒拍到梅艷芳同比佢少9年嘅趙文卓喺沙巴拍拖嘅畫面,而導致戀情曝光!由於當時梅姐人氣非常高,唔少人都認為趙文卓係留用梅姐炒作,大眾都似乎唔太睇好兩人嘅關係,佢哋嘅戀情只係維持咗1年多就結束!

梅艷芳1995年被拍到於小9年嘅趙文卓於沙巴拍拖!Photo from TVB

趙文卓曾接受節目訪問表示非常珍惜同梅姐嘅戀情!Photo from 微博

# 中泰混血兒Shum Shum

2001年,梅艷芳於泰國遇上26歲嘅中泰混血兒Shum Shum,兩人相戀!而Shum Shum仲為咗慶祝梅姐38歲生日而特地飛來香港,陪傳媒拍下唔少照片。不過梅姐就一直否認兩人係情侶關係,未知係咪因為想保護戀情而絕口不提~

梅艷芳於2001年被拍到於中泰混血兒Shum Shum疑似拍拖,不過佢一直都未有承認戀情!Photo from 亞視

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel