download HolidaySmart 假期日常 app
「香港人英文名特別奇怪?」掀起熱議!主要分為5大類別!大家又聽過未?

「香港人英文名特別奇怪?」掀起熱議!主要分為5大類別!大家又聽過未?

生活熱話
By Stephanie on 30 Nov 2021
Digital Content Writer

俗語有話「唔怕生命,最怕改壞名」,然而唔少人嘅英文名都冇寫落身分證上,所以可以隨時更改英文名!最近,有網民就喺討論區表示自己見過唔少奇怪嘅英文名,仲集思廣益向網民收集罕見特別嘅英文名~

網民於討論區表示喺香港見過好多奇特英文名,唔少網民都紛紛分享自己嘅所見所聞。Photo from TVB

改英文名往往都係一門學問,相信有唔少人都試過喺讀書時期,為自己更改無數個英文名!根據外國網站《CafeMom》嘅數據顯示,「Olivia」 同「Liam」係今年最多人改嘅男女英文名,而「Noah」、「Oliver」、「Emma」、「Ava」等都係今年嘅大熱英文名。不過,香港人經常都抱持住創新嘅思維,並唔會被固有嘅英文名字所侷限,而家就即刻睇下網民遇過「最奇特嘅英文名」啦~

大自然+食物類

相信大家都應該聽過Apple、Lemon、Ice、Fire、Oxygen、Sushi等以食物同大自然為主題嘅英文名,有網民就話曾經send email俾一位叫做Banana嘅客人,而客人仲自己喺下款寫上「蕉」作為自己嘅簽名,令佢忍唔住爆笑!另外,有網民就話見過有人改名叫「Kitkat」,相信佢一定係一位朱古力愛好者喇~

網民分享曾經見過用食物名做英文名嘅搞笑經歷。Photo from 連登討論區

相信改叫食物名嘅朋友一定好鍾意食嘢喇~Photo from TVB

名牌類

唔少人都會想改一個比較高貴嘅英文名,令自己睇落更加有霸氣,其中名牌Chanel、Gucci等就成為咗常見嘅英文名之一;除此之外,網民仲見過以Cash、Money、Gold等做英文名嘅人!

有人亦會選擇改比較高貴嘅英文名?!Photo from 連登討論區

唔少人就直接用名牌品牌做自己英文名!Photo from TVB

動物類

小動物咁得意,應該好多人都好鍾意~不過將自己嘅英文名改做同動物一樣,大家又有冇見過呢?其中網民表示最奇怪嘅就係聽過 「Dolphine」同埋「Mosquito」呢兩個名!

有人仲會以動物名為自己嘅英文名,呢兩個就真係最奇怪喇!Photo from 連登討論區

中文直譯類

為求方便,部分人可能會選擇用中文名直接翻譯做英文。網民就話見過「穎彤」叫「Ringtone」、「家偉」改做「Kawaii」、「祖文」叫「Joman」等。

唔少人亦會貪方便,直接將自己嘅中文名翻譯做英文。Photo from 連登討論區

有網民就表示見過最奇特嘅改名原因!Photo from 連登討論區

其他類別

唔知大家係咪想透過英文名,令自己顯得霸氣外露,網民都表示見過Boss、Owner、Amazing等令人大開眼界嘅名字!除此之外,有人亦可能會用自己喜愛嘅卡通人物或者球隊命名,包括有Keroro、Arsenal、Neway等,惹起網民爆笑~

而網民仲見過好多無厘頭嘅英文名!Photo from 連登討論區

網民所見過嘅英文名字都好特別,令好多網民都話好搞笑同有創意!Photo from TVB

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

香港人英文差惹人發笑!串錯字/唔識讀鬧笑話!港式英語令打工仔聽錯老闆指示

23 Nov , 2021

最近有教育機構為全球超過110個母語非英文嘅國家或地區嘅英語能力作排名,而香港位於32位。喺討論區有網友分享自己見過英文最差嘅事,唔少人嘅經歷都惹人發笑,其中串錯字、會錯意、港式英語引起好多網民共鳴。

有教育機構為全球超過110個母語非英文嘅國家或地區嘅英語能力作排名,而香港位於32位。Photo from TVB

經常串錯字鬧出笑話

英文就有26個英文字母,但組合成一個詞都唔係咁簡單。唔少網友都話試過因為串錯字而鬧出笑話,例如將「form」串錯做「from」、「Snack」、「Snake」調轉等。

唔少網友都話試過因為串錯字而鬧出笑話,例如將「form」串錯做「from」、「Snack」、「Snake」調轉等。Photo from lihkg

甚至有人將英文名「Brian」串錯做大腦「brain」。但最尷尬嘅實係錯將花生過敏「Peanuts allergy」搞錯!

有人將英文名「Brian」串錯做大腦「brain」Photo from TVB

相似嘅串法好易搞錯Photo from lihkg

最尷尬嘅實係錯將花生過敏「Peanuts allergy」搞錯!Photo from lihkg

跟住讀都出事,差啲去唔到洗手間

有網友就分享細個上英文堂,有同學想去廁所,既然係英文堂老師當然要求佢講英文:「Speak in english」,但可能當時太細個,同學仔唔識講。

有網友就分享細個上英文堂,有同學想去廁所,既然係英文堂老師當然要求佢講英文:「Speak in english」Photo from TVB

咁老師都係為難佢,而係親切教導:「say Can I go to toilet!」,點知同學仔竟照住講:「Say Can I go to toilet!」

老師親切教導:「say Can I go to toilet!」,點知同學仔竟照住講:「Say Can I go to toilet!」Photo from TVB

另一位網友就指試過有同學同樣問可唔可以去廁所,老師話:「go ahead.」,但同學仔完全唔明,呢位網友就表示:「去你個頭咁解」,結果同學仔坐返低無去到。

另一位網友就指試過有同學同樣問可唔可以去廁所,老師話:「go ahead.」Photo from TVB

同學仔完全唔明,呢位網友就表示:「去你個頭咁解」,結果同學仔坐返低無去到。Photo from lihkg

又試過有網民分享老師叫其中一個同學起身讀課文:「xxx, please read aloud.」,但同學仔就讀:「aloud.」,令人哭笑不得。

有網民分享老師叫其中一個同學起身讀課文:「xxx, please read aloud.」,但同學仔就讀:「aloud.」,令人哭笑不得。Photo from lihkg

英文Oral大展港式英語

有網友稱佢考公開考試英文oral,其他4位組員都唔出聲,有人好奇:「連 I 滔滔ly agree with you都唔講?」

有網友稱佢考公開考試英文oral,其他4位組員都唔出聲Photo from TVB

呢位網民就表示自己英文水平都唔好,平時小組討論都唔會做開頭嗰個,但估唔到一計時開始全場静咗10秒,佢焗住要講先,其他小組組員淨係「Yes」、「agree with you」,更有人講足幾次 「agree with you」講到笑埋出聲。

呢位網民就表示自己英文水平都唔好,平時小組討論都唔會做開頭嗰個,但估唔到一計時開始全場静咗10秒,佢焗住要講先Photo from lihkg

網友有更誇張嘅事,佢指當年放榜之後去港大面試,interview講明首先每人用英文一分鐘自我介紹,之後討論就用返廣東話,但其中一個面試者一開始就話:「我英文唔係咁好,都係用番中文自介啦」,面試官即刻打斷佢話:「請用英文試下」,令呢位旁觀嘅網友大感尷尬!

interview講明首先每人用英文一分鐘自我介紹,之後討論就用返廣東話,但其中一個面試者一開始就話:「我英文唔係咁好,都係用番中文自介啦」Photo from TVB

聽錯老闆指示極尷尬

除咗喺讀書時期英文差之外,喺職場英文出事都會好尷尬。有網友分享佢開會時老闆叫佢哋打開份文件高呼一下,呢位網民即刻跟住老細指示大嗌:「嘩!!!」

除咗喺讀書時期英文差之外,喺職場英文出事都會好尷尬。Photo from TVB

有網友分享佢開會時老闆叫佢哋打開份文件高呼一下,呢位網民即刻跟住老細指示大嗌:「嘩!!!」Photo from TVB

成個會議室都靜晒,企佢隔離嘅同事更忍唔住細細聲問佢:「你做乜嘢事?」,佢答:「老闆唔係叫我高呼一下咩?」,同事回:「老闆係叫我哋Go Through一下份文件!」

成個會議室都靜晒,企佢隔離嘅同事更忍唔住細細聲問佢:「你做乜嘢事?」,佢答:「老闆唔係叫我高呼一下咩?」Photo from TVB

同事回:「老闆係叫我哋Go Through一下份文件!」Photo from lihkg

Angel 放假(Angel方加)

有網友就提名和記環球電訊同一位外國人對話嘅錄音,錄音中外國人想搵Angel,但由於Angel唔喺度,接線生即表示:「Angel方加,渠聽日番來!」

有網友就提名和記環球電訊同一位外國人對話嘅錄音,錄音中外國人想搵Angel,但由於Angel唔喺度,接線生即表示:「Angel方加,渠聽日番來!」Photo from ViuTV

其「半鹹淡廣東話」成為經典,唔少網友表示個post有聲!

「半鹹淡廣東話」成為經典,唔少網友表示個post有聲!Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel