download HolidaySmart 假期日常 app
保錡@ERROR翻唱陶大宇版《倒轉地球》網民大讚眼神到位 但太啱Beat!

保錡@ERROR翻唱陶大宇版《倒轉地球》網民大讚眼神到位 但太啱Beat!

娛樂新聞
By Cheryl on 30 Nov 2021
Digital Editor

「師奶殺手」陶大宇近年轉到內地發展演藝事業,同時參與不少商演獻唱掘金,佢翻唱劉德華嘅《倒轉地球》更成為了網絡熱話,連ERROR成員保錡都忍唔住扮佢,被唔少網民讚佢誠意十足,眼神到位!

保錡日前上載自己cover陶大宇版本嘅《倒轉地球》Photo from 保錡 IG、陶大宇微博

陶大宇內地唱《倒轉地球》成熱話

58歲陶大宇同唔少香港藝人一樣,近年北上掘金,佢登台商演時常唱劉德華嘅《倒轉地球》及《愛我一萬年》。雖然佢不時走音及甩beat,但演唱過程成功保持堅定眼神,好多網民被佢嘅「魔音」與台風迷倒,成為了內地網絡熱話,其演唱片段更達數以億計。

陶大宇翻唱劉德華《倒轉地球》成內地熱話Photo from YouTube截圖

陶大宇歌喉與台風都備受網民討論Photo from YouTube截圖

陶大宇近年經常登台商演Photo from 微博

網民想推陶大宇上春晚

有不少內地網民更集氣希望陶大宇可以上春晚表演,更封佢做「2021年度廣東省最受歡迎男歌手」,並希望佢參加《披荊斬棘的哥哥》第二季。

內地網民想推陶大宇上春晚及《披荊斬棘的哥哥》第二季Photo from 微博

內地網民封陶大宇成最受歡迎男歌手Photo from 微博

除咗內地節目,仲有網民惡搞陶大宇成2021年度叱吒樂壇流行榜頒獎典禮中嘅「我最喜愛男歌手」之一,以惡搞圖表示自己已投陶大宇一票。

有網民將陶大宇惡搞成今年叱吒我最喜愛男歌手之一Photo from 微博

連杜汶澤都頂唔順!

現時在YouTube搜尋《倒轉地球》,陶大宇嘅翻唱版排名比原版劉德華更高,成為第一個搜尋結果,傳播度認真高。杜汶澤因此更在FB出post,跪求大家唔好再轉發陶嘅《倒轉地球》,「再咁搞法,下一代會以為佢至係原唱者!」

杜汶澤出po叫大家唔好再轉發陶大宇嘅《倒轉地球》翻唱片Photo from 杜汶澤 FB

保錡@ERROR翻唱陶大宇版《倒轉地球》

ERROR成員之一保錡同樣被陶大宇嘅表演感染到,日前於IG上載了自己演繹陶大宇版《倒轉地球》影片,並表示自己最近大愛此歌,所以不得不重唱一次,佢為咗將表情同語氣表現得最好,更將陶大宇嘅演唱片段重複睇咗100次!片中,可見佢將燈光set好,眼神跟原版一樣帶點空洞,帖文同時設有保錡獨唱版及佢同陶大宇嘅編輯「合唱版」。

保錡拍了自己翻唱陶大宇嘅《倒轉地球》,眼神學到足Photo from 保錡 IG

不少朋友及網民都被保錡翻唱片笑爆,歌手小肥都留言指:「X你真係拍出嚟!」,不過亦有網民認為保錡唱得太啱beat,唔夠陶大宇咁甩,ViuTV藝人陳安立亦有留言認為保錡欠缺了陶大宇嘅水撥手勢:「水撥式呢?」而保錡都有回覆,話自己已學習動作,只係未跳出嚟。

網民讚保錡模仿眼神到位Photo from 保錡 IG

亦有網民嫌保錡唱得太啱beatPhoto from 保錡 IG

小肥同陳安立都有留言Photo from 保錡 IG

以下即睇保錡嘅翻唱片,留言分享講下佢同陶大宇似唔似!


View this post on Instagram

A post shared by PØK1 吳保錡 (@k_p0k1)

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel