download HolidaySmart 假期日常 app
梅艷芳電影|陳煒入行後3度扮演梅艷芳 亞視陳年劇突然爆紅! 網民大讚最神似

梅艷芳電影|陳煒入行後3度扮演梅艷芳 亞視陳年劇突然爆紅! 網民大讚最神似

娛樂新聞
By Stephanie on 30 Nov 2021
Digital Content Writer

電影梅艷芳》最近正在熱播中,唔少網民都大讚主演王丹妮(Louise)扮演得唯妙唯肖。不過有網民就似乎唔太認同,反而覺得陳煒喺亞視電視劇《美麗傳說2星願》裡面扮演得最神似!

陳煒過往曾多次扮演梅姐,獲網民大讚扮得最似!Photo from 陳煒IG

# 《梅艷芳》電影令大眾緬懷梅姐傳奇一生!

紀錄「香港女兒」梅艷芳傳奇一生嘅電影《梅艷芳》現正於戲院上映中,電影票房亦非常唔錯,獲得大眾好評!而劇中主演王丹妮(Louise)就被網民大讚無論神髓表情以及服裝等都成功將梅姐神還原,但亦有網民質疑「完全唔似!」

《梅艷芳》傳記電影正在上映中!Photo from 《梅艷芳-歌之女》 MV

由王丹妮飾演「梅艷芳」一角,而網民就對於佢嘅表現有唔同嘅睇法!Photo from 《梅艷芳-歌之女》 MV

# 亞視電視劇《美麗傳說2星願》亦有扮演梅姐角色

日前,有網民就翻找到亞視2005年嘅電視劇《美麗傳說2星願》,當時劇中角色嘅服裝以及外型都同圈內明星十分相似:江欣燕扮演吳君如、黃浩然就疑似扮演劉德華、陳煒就影射梅艷芳等。

亞視2005年所製作嘅電視劇《美麗傳說2星願》就有唔少影射當時當紅明星嘅角色。Photo from 《美麗傳說2星願》

# 劇中講述80年代藝人奮鬥史!

該電視劇主要講述80年代香港藝人們於娛樂圈奮鬥嘅經歷,而唔少圈中嘅傳聞或者大事亦有被翻拍出嚟,引起唔少觀眾熱議。其中一幕就講述劇中嘅3位女藝人被邀約出席飯局,而黃浩然就出面為佢哋解圍,間接影射當年傳得沸沸揚揚嘅「富豪飯局」傳言!

而劇中主要講述80年代時期嘅藝人於娛樂圈奮鬥嘅經歷,仲嘗試將當時圈中唔少傳聞一一翻拍!Photo from 《美麗傳說2星願》

陳煒於《美麗傳說2星願》中嘅角色同梅艷芳非常相似!Photo from 《美麗傳說2星願》

# 陳煒扮演梅艷芳,獲網民大讚超似!

當中陳煒喺劇中嘅服裝以及妝容都同梅姐非常相似,令當時嘅觀眾都覺得非常有代入感。而陳煒嘅表現仲獲網民一面倒大讚「陳煒演梅艷芳真係好出色!」、「扮相比王丹妮更傳神」等,認為陳煒係暫時將梅艷芳扮演得最為神似嘅演員!

陳煒於劇中嘅髮型同梅艷芳過往嘅造型一樣。Photo from 《美麗傳說2星願》

劇中陳煒亦有模仿梅艷芳身前於告別演唱會穿著婚紗表演嘅畫面。Photo from 《美麗傳說2星願》

唔少網民都大讚陳煒扮演嘅梅艷芳最神似,認為佢演技精湛!Photo from YouTube @ATV 亞視數碼媒體

# 陳煒曾多次扮演梅姐!

其實陳煒之後亦多次扮演梅艷芳,於2007年拍攝內地電視劇《梅艷芳菲》,以梅艷芳嘅一生作為藍本,並主要講述佢同張國榮之間嘅真摯友誼。

陳煒入行以來曾多次扮演與梅艷芳相似嘅角色!Photo from 《梅艷芳菲》

陳煒於2007年出演內地電視劇《梅艷芳菲》再次扮演梅艷芳!Photo from 《梅艷芳菲》

後來,陳煒轉投TVB,喺2017年節目《綜藝精彩50年 我愛EYT》中扮演梅艷芳,身穿舞台服裝表演《烈焰紅唇》。

陳煒轉投TVB後亦有扮演過梅艷芳。Photo from 《綜藝精彩50年 我愛EYT》

陳煒於2017年節目《綜藝精彩50年 我愛EYT》中演唱《烈焰紅唇》,邊跳邊唱。Photo from 《綜藝精彩50年 我愛EYT》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

梅艷芳電影|編劇大爆刪走譚詠麟角色原因!80年代兩大巨星只有張國榮登場

29 Nov , 2021

傳記電影《梅艷芳》講述咗已故樂壇巨星梅艷芳(Anita)嘅一生,電影有集中描述梅姐與哥哥張國榮嘅友情,而同為80年代巨星嘅校長譚詠麟卻未有出現,編劇吳煒倫大爆背後原因!

傳記電影《梅艷芳》講述咗已故樂壇巨星梅艷芳(Anita)嘅一生Photo from 《梅艷芳》

電影《梅艷芳》還原梅姐與哥哥張國榮嘅真摯友誼

一代巨星梅艷芳雖然逝世多年,但電影就還原咗佢璀璨嘅傳奇一生。未上映前,電影方曾公開三版象徵「親情」、「友情」、「恩情」嘅海報,分別代表梅姐人生中3位重要人物。

《梅艷芳》電影方曾公開三版象徵「親情」、「友情」、「恩情」嘅海報,分別代表梅姐人生中3位重要人物。Photo from 《梅艷芳》

象徵「友情」嘅重要人物就係哥哥張國榮,電影由劉俊謙飾演張國榮。1988年梅姐同哥哥兩人主演經典電影《胭脂扣》,呢套電影更令梅姐首奪香港金像獎「最佳女主角」。

象徵「友情」嘅重要人物就係哥哥張國榮,電影由劉俊謙飾演張國榮Photo from 《梅艷芳》

1988年梅姐同哥哥兩人主演經典電影《胭脂扣》Photo from 《胭脂扣》

《胭脂扣》令梅姐首奪香港金像獎「最佳女主角」。Photo from 有線電視

梅姐同哥哥關係有如家人,梅姐曾表示佢同哥哥無話不談,甚至連男朋友都會帶畀哥哥過目。而電影更還原梅艷芳出席哥哥嘅告別式一幕。

梅姐同哥哥關係有如家人,梅姐曾表示佢同哥哥無話不談,甚至連男朋友都會帶畀哥哥過目。Photo from 《胭脂扣》

電影更還原梅艷芳出席哥哥嘅告別式一幕。Photo from 《梅艷芳》

校長譚詠麟同為80年代樂壇巨星

其實喺80年代,除咗梅姐、哥哥之外,仲有人稱「校長」嘅譚詠麟亦係紅極一時,佢哋3位可以話係香港樂壇嘅巨星。

喺80年代,除咗梅姐、哥哥之外,仲有人稱「校長」嘅譚詠麟亦係紅極一時Photo from 譚詠麟微博

80年代係譚詠麟歌唱事業嘅巔峰時期,佢推出嘅眾多歌曲都成為經典,喺樂壇頒獎禮更攞獎攞到手軟,喺1988年初嘅十大中文金曲音樂頒獎禮上,譚詠麟勇奪「全年總銷量冠軍大獎」及「IFPI大獎」,但喺頒獎台上佢突然宣布唔再接受具競爭性質嘅音樂獎項。

80年代係譚詠麟歌唱事業嘅巔峰時期,佢推出嘅眾多歌曲都成為經典,喺樂壇頒獎禮更攞獎攞到手軟Photo from 譚詠麟微博

《梅艷芳》編劇吳煒倫爆電影刪走譚詠麟角色原因

而電影《梅艷芳》雖然都有講到80年代香港娛樂圈嘅輝煌,但就未有「譚詠麟」呢個角色出現。原來《梅艷芳》嘅劇本初稿都曾經安排3大巨星同場嘅畫面,但最終電影卻將譚詠麟一角刪走。

電影《梅艷芳》雖然都有講到80年代香港娛樂圈嘅輝煌,但就未有「譚詠麟」呢個角色出現。Photo from 譚詠麟微博

編劇吳煒倫就透露,雖然梅姐好友眾多,但電影畢竟只有短短2個鐘,難以將梅姐完整嘅人生經歷一一提及,唯有忍痛將部分人物刪去。

編劇吳煒倫就透露,雖然梅姐好友眾多,但電影畢竟只有短短2個鐘,難以將梅姐完整嘅人生經歷一一提及Photo from 《梅艷芳》

電影原定會有張進翹(Manson)飾演嘅黃家駒出現

電影原本搵咗張進翹(Manson)飾演黃家駒,而Beyond亦原定會喺電影中出現,但最終都將有關嘅畫面刪走。

Beyond亦原定會喺電影中出現,但最終都將有關嘅畫面刪走。Photo from 滾石唱片 ROCK RECORDS

Manson喺IG公開咗「黃家駒」造型照:「很榮幸有機會參與電影《梅艷芳 ANITA》,還能飾演我的偶像,這是超越夢想的經歷。相信現在的《梅艷芳》,是導演認為在這個階段最適合和最好的版本,我也和很多影迷一樣,希望能夠看到未曝光的片段,讓我們一起期待。這真是一部不可多得的電影,關於香港的傳奇,只要能參與已經感到無限光榮」

Manson喺IG公開咗「黃家駒」造型照Photo from Manson IG

Manson:「很榮幸有機會參與電影《梅艷芳 ANITA》,還能飾演我的偶像,這是超越夢想的經歷。相信現在的《梅艷芳》,是導演認為在這個階段最適合和最好的版本,我也和很多影迷一樣,希望能夠看到未曝光的片段,讓我們一起期待。」Photo from Manson IG

譚詠麟亦係梅艷芳好友之一

梅姐同哥哥張國榮感情昇華到家人,而校長譚詠麟亦係梅姐嘅好友之一,梅姐曾經喺2003年鳳凰衛視嘅節目《名人面對面》中表示屋企3隻狗分別係改名做Eric(曾志偉)、阿叻(陳百祥)、阿倫(譚詠麟)。

梅姐同哥哥張國榮感情昇華到家人Photo from 《胭脂扣》

校長譚詠麟亦係梅姐嘅好友之一Photo from 譚詠麟微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel