download HolidaySmart 假期日常 app
25歲女花10萬整容嫁富二代! 最終離婚收場! 成為網紅獨力撫養女兒

25歲女花10萬整容嫁富二代! 最終離婚收場! 成為網紅獨力撫養女兒

生活熱話
By Stephanie on 25 Nov 2022
Digital Content Writer

現今唔少女士都會因為唔滿意自己嘅外表而決定整容,增加自信心。最近,越南一位媽媽就表示自己4年前花約10萬港幣整容,成功結識富二代並結婚生子。可惜,兩人好快就離婚,令佢大受打擊!然而,而家嘅佢已經再次組織新家庭,仲令佢明白咗「樣貌並非一切」嘅道理。

越南女子嘗試透過整容改變自己嘅未來?!Photo from FB@Quách Phượng

# 越南女子整容後有所感悟!

隨住醫學美容嘅技術變得越來越先進,唔少對於自己外表有不滿嘅人都會選擇整容,解決佢哋一直以來嘅心結。喺越南,有位單親媽媽就有相似嘅經歷,不過佢反而喺整容後先明白「樣貌並唔係最重要」呢個道理!

一位越南媽媽透過整容認識前夫,卻依然遭拋棄?!Photo from FB@Quách Phượng

# 自細就因為外表而缺乏自信!

根據外國媒體報導,25歲嘅越南女子郭金鳳(Quách Kim Phuong)出生於平凡嘅家庭,不過佢自細就因為厚嘴唇、哨牙等外表問題,而遭到同學嘲笑;長大後喺職場亦處處遇到困難,令佢一直都對自己嘅外表非常冇自信!

郭金鳳自小就因為厚嘴唇等外貌問題,而導致難以認識朋友!Photo from FB@Quách Phượng

而佢亦因為童年嘅種種經歷,而導致自信心下降。Photo from FB@Quách Phượng

# 父母多次安排相親都失敗!

而郭金鳳多年來一直都缺乏異性緣,所以父母就為佢安排相親,仲表示如果兩人合眼緣,可以直接結婚,男方仲唔需要支付禮金。然而,相親嘅過程都令佢屢受挫敗,唔少男士一見到佢嘅外貌就評頭品足,成為心中嘅傷痕!

父母安排郭金鳳去相親,但每次都失敗而回!Photo from FB@Quách Phượng

# 決定豪花10萬整容!

直到2017年,郭金鳳忍無可忍向父母借取3億越南盾(約$10萬港幣),一共經歷3次嘅手術:矯正牙齒、修正下顎及鼻子等部位,手術後嘅佢就好似脫胎換骨一樣!

直到2017年,郭金鳳終於下定決心要靠整容改變命運?!Photo from FB@Quách Phượng

郭金鳳花大約10萬港幣整容。Photo from FB@Quách Phượng

# 變靚後立刻認識富二代!

外表上嘅「升級」亦成功令郭金鳳透過相親認識到一位富二代,兩人好快就情投意合,交往半年就奉子成婚。可惜好景不常,佢發現丈夫婚後多次出軌,二人喺佢誕下女兒後就正式離婚,婚姻僅僅維持咗5個月!

郭金鳳於2017年認識富二代,並立刻閃婚誕下女兒!Photo from FB@Quách Phượng

# 但慘遭丈夫拋棄!

離婚後,郭金鳳傷心欲絕放棄自己,並暴飲暴食至60公斤。好彩,佢好快就成功走出離婚嘅陰影,並努力運動減至約50公斤,仲透過FB向大家分享減肥心得。佢強大嘅意志以及波折重重嘅人生成功吸引唔少網民關注,獲得好大迴響,而家嘅佢仲成為咗一位網紅!

郭金鳳離婚後一度情緒低落,體重增加至60公斤!Photo from FB@Quách Phượng

後來,佢下定決心減肥,仲喺FB分享減肥心得。Photo from FB@Quách Phượng

# 現在成為網紅,獨自照顧女兒!

郭金鳳成為單親媽媽後,非常努力工作獨自照顧女兒。佢亦憑著自己嘅努力獲得唔少廣告代言,仲喺接受訪問時坦承「現時賺到嘅錢已經足以令當時整容嘅費用回本」,成為一位女強人兼好媽媽!

離婚後嘅郭金鳳獨自撫養女兒,仲機緣巧合下成為網紅!Photo from FB@Quách Phượng

佢曾經表示自己現時所賺到嘅錢已經多過佢整容所花嘅費用!Photo from FB@Quách Phượng

# 去年宣佈再婚!

去年,郭金鳳就於FB上宣布再婚嘅消息,表示兩人透過交友網站認識,不過就冇公開丈夫嘅容貌。佢仲話丈夫完全介意佢過往嘅外貌以及婚姻,對佢照顧有加,並且愛屋及烏疼愛佢女兒,令佢十分感動!佢之後更為丈夫誕下兒子,一家四口非常幸福~

郭金鳳與現任丈夫過住非常幸福嘅生活。Photo from FB@Quách Phượng

今年7月,郭金鳳為丈夫誕下兒子。Photo from FB@Quách Phượng

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地網紅直播期間不慎關掉美顏濾鏡 網民爆曾整容/被富二代王思聰追求4年

13 Aug , 2021

唔少網紅喺開直播嘅時候都會用濾鏡,務求將自己最靚嘅一面展示俾大眾。最近,內地知名網紅孫一寧開直播嘅時候,唔小心將美顏濾鏡關咗,真實面貌令網民感到驚訝,有網民仲大爆其實佢曾經整容?!

微博Photo from 微博

科技日新月異,大家影相嘅時候都可以輕易利用濾鏡去令自己變得更加上鏡。日前,內地知名網紅孫一寧就於網路直播嘅時候,唔小心關掉美顏濾鏡,令自己嘅「真面目」完全曝光,引發熱議!

微博Photo from 微博

氣質清純嘅孫一寧因為仙氣美貌,而被內地網民形容為頂級網紅,仲一度被封為「足以艷壓演藝圈」嘅美女,成功吸引大量粉絲追蹤!日前,佢喺抖音開直播嘅時候,就不慎關掉美顏濾鏡。只見本來受到高強度打光嘅佢,因為關濾鏡而瞬間令畫面變暗,而佢嘅真面目就顯露喺大家面前。

孫一寧抖音Photo from 孫一寧抖音

孫一寧抖音Photo from 孫一寧抖音

其實關掉濾鏡後嘅佢並唔算有太大嘅分別,不過就睇落比較憔悴,反而變得更加真實!而喺濾鏡消失嘅瞬間,孫一寧都顯得有啲驚慌失措,但都立刻調整好繼續直播。

微博Photo from 微博

微博Photo from 微博

其實以前就曾經有內地網民大爆孫一寧曾經整容,並表示自己當時佢哋同一日於整容醫院做手術,聲稱佢鼻子同眼睛都有整過!由照片中所見,素顏嘅孫一寧其實都五官清秀,不過相對地比較平凡,眼袋比較明顯,容貌亦好似比真實年齡年長,同大家而家所形容嘅「美若天仙」有所差別。

微博Photo from 微博

微博Photo from 微博

而孫一寧最近亦引起咗唔少風波,據悉有「千億富少」之稱的王思聰被爆瘋狂追求孫一寧,苦戀足足4年。孫一寧仲將兩人私下嘅對話曝光,表示王思聰經常纏繞以及騷擾佢,事件引起網民熱議,佢亦因此而人氣急升!

微博Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel