download HolidaySmart 假期日常 app
譚詠麟桃色風波後首度開腔! 受傳聞帶挈?表演片段一日內6千萬瀏覽!

譚詠麟桃色風波後首度開腔! 受傳聞帶挈?表演片段一日內6千萬瀏覽!

娛樂新聞
By Stephanie on 01 Dec 2021
Digital Content Writer

譚詠麟(校長)上星期就被內地網民大爆疑似「偷食粉絲」而陷入桃色風波。最近,譚詠麟就喺風波後首度發文讚揚節目《時光音樂會》,一律避談傳聞;而佢於節目中表演嘅影片仲竟然一日內有逾6千萬人觀看?!

譚詠麟於風波後首度於微博發文,而佢嘅表演片段中獲得超高點擊率?!Photo from 譚詠麟微博

# 譚詠麟疑似陷入桃色風波!

現年71歲嘅譚詠麟(校長)上星期就被內地男網民大爆「偷食粉絲」,而爆料者所曝光嘅照片背影有的確同校長有啲相似,隨即引起網民們嘅討論。儘管譚詠麟所屬嘅經紀公司已經發出聲明否認,但唔少眼利嘅網民就立刻將爆料照片以及譚校長微博嘅照片作對比,並搵出相同之處,令事實變得更加撲朔迷離!

內地男網民大爆女友同某愛國香港男歌手疑似跨越友情關係,並附上幾張爆料圖片!Photo from 微博@「悲傷牛肉麵_」

根據爆料者所提供嘅資料,唔少網民都立刻推測到係講緊譚詠麟!Photo from 譚詠麟微博

# 網民好奇譚詠麟會否於節目中「被消失」?

事件醞釀多日,爆料者已經冇再提供更多嘅資訊,相信傳聞將會不了了之。由於內地最近正在嚴格管理演藝人員嘅個人品格,唔少網民都好關注譚校長會唔會因為今次事件而導致「被消失」呢?!

唔少網民都猜測譚詠麟會唔會因此而於節目上被打格?!Photo from 譚詠麟微博

# 預告片只剩下剪影片段?!

早前,譚詠麟有份參與嘅節目《時光音樂會》就釋出預告片,當時網民就發現貴為大前輩嘅佢只剩下背影以及剪影嘅畫面,真係唔認真睇都發現唔到佢!

《時光音樂會》預告中並未有幫譚詠麟打上格仔!Photo from 《時光音樂會》預告

不過預告片中就只係得譚詠麟嘅背影剪影等,未能夠清楚見到樣貌。Photo from 《時光音樂會》預告

# 節目最終如常播放,一日內衝破6千萬人觀看!

不過《時光音樂會》播出當日,譚詠麟嘅表演最終亦照常播放,並演唱《勿忘心安》。未知係咪因為傳聞帶挈當日節目居然一反常態,登上微博熱搜榜,而譚校長嘅演出片段觀看量數量驚人,一日就已經有逾6千萬人觀看!

《時光音樂會》播出當日,譚詠麟表演片段照常播放。Photo from 《時光音樂會》

譚詠麟嘅表演片段仲喺一日內獲得逾6千萬點擊率!Photo from 《時光音樂會》

# 譚詠麟首度微博發文

隨後,譚詠麟就首度於微博公開發文,絕口不提近日傳聞,而係大讚內地節目好「時光音樂會是一個令人感覺舒適的音樂節目,每次拍攝都帶比我們好多不一樣的回憶。 ​​​」,似乎係向各位內地嘅粉絲大派定心丸,會繼續出演節目。

譚詠麟於風波後首度於微博發文。Photo from 譚詠麟微博

譚詠麟讚揚內地節目《時光音樂會》能夠提供足夠嘅平台俾歌手發揮。Photo from 譚詠麟微博

# 網民不停於街上偶遇譚詠麟?!

自從風波傳聞後,譚詠麟至今都未有出席公開活動現身露面,不過就有唔少網民野生捕獲譚詠麟於內地商場逛街,而照片大多都係深圳或者上海拍攝,所以推測有可能都係風波前拍攝嘅。然而,其中一位女粉絲所上載嘅合照就引起網民討論,因為照片中嘅校長突然增高咗,令網民都忍唔住笑言「有這麼高嗎?」、「拍攝技巧真厲害!」等,比較相信係女粉絲嘅濾鏡或者P圖技巧令譚校長身形變得更加修長!

有內地網民就於商場野生捕獲譚詠麟,不過佢修長嘅雙腿就令網民爆笑。Photo from 小紅書

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

71歲譚詠麟陷入桃色風波?! 被爆偷食23歲粉絲?網民搜集2大有力證據

25 Nov , 2021

譚詠麟近年頻頻於內地接job,將演藝事業嘅重心放咗返內地。昨日(23日),有一名叫「悲傷牛肉麵_」嘅內地網民就大爆「香港愛國男歌手和我女朋友搞在一起」,當中爆料文章內唔少線索都將矛頭指向譚詠麟,瞬間引起網民熱議!隨後,譚詠麟經紀公司亦立刻發聲明撇清關係,不過就似乎冇咩說服力喇。

譚詠麟被內地網民爆料,陷入桃色風波!Photo from 譚詠麟微博

# 內地男網民大爆「香港愛國男歌手」與女友發展地下情?!

現年71歲嘅譚詠麟(譚校長)昨日(23日)就被一名內地網民「悲傷牛肉麵_」於微博爆料,指「香港愛國男歌手」居然同佢23歲嘅女友發展超越友誼嘅關係,而文章內嘅種種線索都將矛頭指向譚詠麟,令貼文迅速登上微博熱搜榜!

一名內地男網民「悲傷牛肉麵_」大爆「香港愛國男歌手和我女朋友搞在一起」!Photo from 微博

爆料文章嘅線索都指向譚詠麟,並迅速引起網民熱議!Photo from 微博

# 兩人多數於上海約會!

根據爆料者所講,佢年輕嘅女朋友本身就係譚詠麟嘅粉絲,係一位名副其實嘅追星族。直到有一日,佢突然發現女友手機內嘅照片以及短訊,發現女友遠赴上海只為與偶像「約會」;而且女友一直都欺騙佢利用微信同偶像聯絡,令佢非常憤怒!

男網民表示女友假裝同歌迷微信號聯絡,其實實質係同譚詠麟通訊?!Photo from 微博

# 迅速引起網民熱議

貼文好快就登上微博熱搜,不過唔少網民都表示唔相信爆料男網民,所以佢隨即上載咗一張男方背影照,並聲稱自己手上尚有唔少有力證據!從照片中所見,該男士嘅身形以及頭髮色都同校長有啲相似,然而唔少粉絲都依然堅信譚校長唔會做咁嘅事。

唔少粉絲都對於爆料文半信半疑,認為爆料者只係亂講!Photo from 微博

爆料者立刻上載男方背影照作為證據。Photo from 微博

# 譚詠麟公司隨即發聲明!

隨後,譚詠麟所屬嘅經紀公司就立刻於微博發表聲明,否認相中人係譚詠麟,而且會採取適當嘅法律行動,為此撇清關係。

譚詠麟所屬經紀公司立刻發表聲明,否認事件!Photo from 微博@香港藝能製作

# 爆料男再上載新照片!

然而,呢個舉動就立刻令爆料男網民更加憤怒,並上載新相,誓要同對方對抗。雖然新相都依然係背面照,不過就拍攝到男子嘅身形以及房間內部,而該男子亦有配戴眼鏡!然而男子好快就將照片刪除。

爆料男子見到聲明後更加憤怒,並上載新爆料照片!Photo from 微博

爆料男子嘅行動似乎係想男星公開承認傳聞!Photo from 微博

# 網民發現運動鞋+酒店房間2大證據!

有內地網民就迅速從爆料照片中尋找線索,有網民發現譚詠麟有同款式嘅運動鞋,而且小腿亦有啲肌肉,同平常愛運動嘅譚校長真係有幾分相似!而且,網民亦發現爆料照片中嘅房間圖片,與譚詠麟於微博上載嘅背景一模一樣,令唔少網民都對今次嘅爆料變得更加有說服力!

譚詠麟亦有同款運動鞋!Photo from 譚詠麟微博

內地網民迅速搜集證據,發現爆料照中嘅房間同譚詠麟嘅非常相似!Photo from 微博

# 網民表示難以置信!

唔少網民喺睇完照片後,都認為事件確實非常荒謬「71歲跟23歲也太誇張了吧!」、「其實一直都有很多花邊新聞啊」等留言,其中有網民就話佢而家嘅太太其實當年亦係佢嘅粉絲?!

唔少網民都開始認同爆料者所講嘅!Photo from 微博

# 譚詠麟現時嘅太太本身都係粉絲?!

譚詠麟係「溫拿五虎」嘅主唱,於音樂以及電影事業都有唔錯嘅發展。佢喺1981年與圈外人楊潔薇秘密註冊結婚,之後一直對外聲稱單身,直到岳父離世先令人夫身分曝光!然而,佢喺1991年認識咗比佢小22歲嘅朱穎婷,其後兩人亦發展稱情侶關係。1996年,朱詠婷更為對方誕下兒子,令元配大受打擊!

譚詠麟感情生活豐富,於1981年與圈外人楊潔薇秘密結婚!Photo from 譚詠麟微博

譚詠麟遠赴美國參加兒子譚曉風嘅畢業典禮!Photo from 譚詠麟微博

# 2006年公開承認與朱穎婷關係!

直到2006年,譚詠麟因為父親離世先公開承認朱穎婷同兒子譚曉風嘅身分,而佢亦曾經喺接受媒體訪問時表示當年全因「想要後代」、「一己私慾」導致感情關係變得複雜,並對兩位太太感到抱歉!

直到2006年,譚詠麟公開承認朱穎婷同兒子譚曉風身分!Photo from 譚詠麟微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel