download HolidaySmart 假期日常 app
網民呻「女仔搵伴侶易好多」列男人7大原因難識女:男仔慘咁多!

網民呻「女仔搵伴侶易好多」列男人7大原因難識女:男仔慘咁多!

生活熱話
By Cheryl on 02 Dec 2021
Digital Editor

你認為結識異性困難嗎?近日,一名網民到網上討論區發文,大呻女人搵伴侶比男人容易得多,並提出多項論點,引起網民熱議,唔知你又同唔同意呢?

樓主在連登討論區發文,指女仔搵另一半比男仔容易得多Photo from 《愛回家之開心速遞》 TVB

樓主列男人7大原因難搵伴侶

最近,一名網民(下稱樓主)到連登討論區以「點解女仔搵另一半易咁多」為題發文,分別為男性及女性提出論點作支持。佢認為男性要認識異性,就要在多方面身體力行,例如(一)對住女仔必定要大膽主動,(二)又要不斷參加社交活動擴闊圈子,(三)打開話題後,亦要保持內容有營養,令對方有興趣聽你講嘢。

樓主表示男生要令女生對自己保持興趣,要讓對話內容有營養Photo from 《愛情食物鏈》 TVB

樓主:男仔要絞盡腦汁識女仔

樓主假設男方在活動中成功拿取女方聯絡方法,然後又開始要運用腦力(四)「返到屋企要主動Whatsapp對方,又要諗話題」,(五)約對方食第一餐飯亦要細心安排。埋單時,(六)男方請食飯唔保證會令女方產生好感,但唔請就好大鑊!

樓主覺得男仔追女好艱難Photo from 《智能愛人》TVB

至於最後一個原因,樓主稱雙方相識一段時間後,若果男生鼓起勇氣表白,但失敗收場,又要由頭嚟過,重回「參加社交活動」嘅第一步。

樓主認為男生在追求女生過程中容易「中地雷」Photo from 《愛情食物鏈》 TVB

樓主:女仔做少少嘢都大把人溝!

女生方面,樓主認為女士們要結識另一半嘅方法簡易得多,並列出三點:「IG post靚相,大把人溝;上網話自己單身,大把人溝;參加任何社交活動,大把人溝」。

樓主覺得女仔po張相上IG已經吸引好多男人追求Photo from 《愛回家之開心速遞》 TVB

樓主列出佢認為女仔易識伴侶嘅3大原因Photo from 連登討論區

最後樓主總結,表示:「女士搵另一半真係易好多,又可以係追求者到慢慢揀;女士做被動角色等仔溝已成功左一半;男仔就慘咁多,要搞咁多野,仲要未必溝到。」

樓主覺得要成功結識伴侶,男生比女生要付出得多Photo from 《愛回家之開心速遞》 TVB

網民:港男做壞市/樣嘅問題?

對此,網民都有不同意見,有網民認為「根本就係港男自己做壞市」,佢認為太多港男主動向女生獻殷勤,出現大量「觀音兵/狗公」,拉高了男生付出嘅標準,所以佢覺得責任終究都在港男身上。

有網民覺得港男難識伴侶都係自己造成Photo from 連登討論區

另外,有唔少人都係嗰句:「樣嘅問題」,有網民指出並唔係每個女仔都有足夠顏值po靚相,並直言樓主所述嘅論點只適用於「毒男 vs IG女」。

有網民認為樓主嘅論點條件唔相對Photo from 連登討論區

有網民認為講到底都係「樣嘅問題」Photo from 連登討論區

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel