內地推出新職業凶宅試睡員！24小時直播試瞓確保安全！成功以157萬售出凶宅

生活熱話

By Stephanie on 03 Dec 2021

Digital Content Writer

相信唔少人喺買樓之前，都一定會確認單位過往有冇出現大問題，一旦發現係凶宅大多數嘅人都會立刻唔買！最近，有內地平台就推出嶄新嘅凶宅銷售方式，專程聘請「凶宅試睡員」於單位24小時直播瞓覺，仲成功將其中一個凶宅賣出㗎！

Photo from 微博

# 內地新職業-凶宅試睡員！

買樓之前大家都最想知道單位係咪凶宅，好多時凶宅都因此而經常「滯銷」。近排，內地就嘗試採用一個新方法去推銷凶宅，邀請「凶宅試睡員」於凶宅內24小時直播，仲好成功咁將其中一間凶宅成功售出，引起熱議！

Photo from 微博

# 直播凶宅大約888呎

據內地媒體報導，成功售出嘅凶宅位於於江蘇蘇州吳江區，面積係大約888呎。原本嘅屋主因為欠債，最終決定了結自己嘅生命，並由其妻子及兒子繼承房屋。後來，債主向法院要求由繼承人償還債務，最終凶宅將會成為拍賣嘅物品之一。

Photo from 微博

# 試睡員會24小時開直播，確保單位冇任何問題！

為咗順利令凶宅售出，當地嘅拍賣平台就諗咗一個新穎嘅方法銷售單位，邀請咗一名「凶宅試睡員」24小時於網上直播，希望可以令各位買家釋除疑慮。直播期間，試睡員仲會帶領大家參觀單位內部，一邊回答觀眾嘅問題，亦會喺屋內做運動以及瞓覺以確保單位安全無誤！

Photo from 微博

# 凶宅第二次拍賣時售出！

該單位嘅起拍價為120萬人民幣（約港幣147萬），保證金係24萬人民幣（約港幣$29.4萬）。而當日嘅直播影片成功吸引近5.2萬人觀看，雖然大家都對凶宅非常好奇，不過就一直都未有人出價，因此第1次拍賣被視為「流拍」！隨後，凶宅喺降價後再一次進行拍賣，並成功以128.5萬人民幣（約港幣157萬）售出。

Photo from 微博

# 凶宅試睡員薪水高？！

今次嘅直播令唔少網民都對於「凶宅試睡員」呢個職業非常好奇！有3年從業經驗嘅張先生就表示「一般晚上7點開始入住，直到第二日7點」工作12小時，平均一次就賺取1,400人民幣（約港幣1,700）；亦可以按照時間計算一分鐘1蚊，但絕對唔可以低過1,400元，而交通費都係由業主提供！

Photo from 微博

# 工作大要及必需品！

張先生就話自己每一次開工都會帶住行李箱，會自備被子、衣服、牙刷等，而電筒就係其中一個必備嘅物品！因為有部份業主會要求唔開屋內嘅燈巡視單位，「面積較大嘅單位就比較唔方便，所以要開電筒看，有時候業主會半夜1點要求巡視，所以不能夠睡太熟！」

Photo from 微博

# 好多人都因為害怕而無法繼續工作！

好多人就咁聽都認為「凶宅試睡員」係超級好嘅工作，不過張先生就話有苦自己知，好多時候都需要應付唔同業主嘅奇特要求，例如：唔開燈睇床底等。而且，呢項工作並非人人承受得住，因為人嘅恐懼心理係天生嘅，未必能夠接受留喺凶宅，有好多人首次接單嘅人最終都逃走咗！

Photo from 微博

相關文章：內地大媽向深圳女仔傳授來港攻略！長得不難看，乖一點就一定嫁得出！

相關文章：內地「6大名媛派系」大檢閱層出不窮cosplay背後隱藏帶貨商機？！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

王力宏哥哥係醫學博士/吳偉豪大哥係消防隊長　位位都勁猛料！盤點 7 位藝人兄弟姊妹職業

28 May , 2021

繼早前陳瀅曝光咗家姐 ling 後，近日台灣歌王王力宏就喺網上上傳咗哥哥王力德做科研的照片恭喜對方得到加州政府重要撥款作科學研究能拯救更多的腦瘤病童，因而曝光其猛料背景！而喺娛圈中除咗王力宏嘅哥哥被稱為「神一般的存在」外，仲有唔少藝人的兄弟姊妹嘅職業都好勁㗎！

Photo from wangleehom/IG

王力宏哥哥：王力德

唔少人都知王力宏身為圈中學霸，先後擁有威廉士學院（Williams College）學士、伯克利音樂學院（Berklee College of Music）碩士。喺 2016 年，佢更再獲得依兩間學校所頒發嘅榮譽博士。

Photo from 王力宏/weibo

但佢就曾指自己係家中最弱嘅，因為佢奶奶許留芬係早期知名嘅清華人，曾出版《會計學原理》等書籍，舅公就係中研院院士許倬雲，爸爸王大中就係台灣大學醫學系畢業嘅醫生；母親則係政治大學高材生，而其細佬及弟媳就係麻省理工碩士，真係全家都係勁人嚟呀！

Photo from wangleehom/IG

而今次王力宏上傳嘅相中，其哥哥王力德就係耶魯大學醫學博士，係兒科血液學家兼腫瘤學家嚟。王力德從事研究和治療工作嘅地方正正就係被美國授予國家癌症研究所最高榮譽——綜合癌症中心「希望之城」，更被評為「美國最好的癌症醫院之一」。

Photo from 王力宏/weibo

麥明詩哥哥：麥明山

Photo from louisa_mak/IG

會考十優嘅麥明詩係圈中出名嘅學霸，畢業於英國劍橋大學法律系，早前更成功考獲美國執業律師牌！而比麥明詩大三歲嘅哥哥麥明山（Vincent）2013 年喺香港中文大學醫學院畢業，現時係一名醫生。

Photo from louisa_mak/IG

陳瀅家姐：Ling

Photo from missjni/IG

陳瀅（Jeannie）早前返加拿大時就 post 出同家姐 Ling 嘅合照，相中嘅 Ling 同樣眼大大、鼻高高之外，仲有比陳瑩多咗份混血兒嘅感覺，當時唔少網民仲大讚佢哋兩姊妹同樣係靚女嚟！而 Ling 現時係一名會計師嚟，2013 年時已正式成為人妻，並喺 2019 年誕下仔仔Nathan，而佢不時仲會喺其 IG 上載溫馨家庭照同旅行度假嘅靚相。