download HolidaySmart 假期日常 app
鍾嘉欣獲網民力推做今年視后!過往獲提名10次!已經帶同仔仔秘密返港攞獎?

鍾嘉欣獲網民力推做今年視后!過往獲提名10次!已經帶同仔仔秘密返港攞獎?

娛樂新聞
By Stephanie on 02 Dec 2021
Digital Content Writer

TVB《萬千星輝頒獎典禮2021》嘅提名名單早前已經公開,當中喺台慶劇《星空下的仁醫》中表現亮眼嘅鍾嘉欣就成為唔少網民心目中嘅視后大熱人選!原來鍾嘉欣過去已經喺頒獎典禮中多次陪跑,並失落視后寶座,令唔少網民都直呼可惜!

鍾嘉欣於《星空下的仁醫》有出色表演,令唔少網民力推佢成為今年視后!Photo from 鍾嘉欣IG

# 鍾嘉欣透過參加選美比賽入行!

現年37歲嘅鍾嘉欣於2003年參選《溫哥華華裔小姐競選》榮奪冠軍,其後於2004年參加《國際華裔小姐》,並簽約成為TVB藝人,可以話係備受力捧。同年,佢就因電視劇《皆大歡喜》而受到唔少觀眾喜歡,之後亦有份參與多部電視劇,包括:《溏心風暴》嘅「常在心」、《飛虎II》嘅「鍾韋恩」等,成為當紅花旦!

鍾嘉欣因為參選選美比賽而入行。Photo from 鍾嘉欣IG

鍾嘉欣曾經出演多部經典電視劇,其中以《溏心風暴》「常在心」一角而為人熟悉。Photo from TVB

# 失落視后獎項高達10次!

其實鍾嘉欣嘅演戲多年,演技已經獲得唔少網民嘅肯定。不過佢卻竟然尚未奪得過香港嘅《萬千星輝頒獎典禮》「最佳女主角」殊榮,而過去佢已經足足陪跑咗10次咁多,每次都同「視后」獎座擦肩而過,令唔少網民都覺得非常可惜!

原來鍾嘉欣從未於香港萬千星輝頒獎典禮中榮獲視后!Photo from TVB

# 每次都敗給當年勁敵!

喺2013年,鍾嘉欣憑著《巨輪》於馬拉西亞頒獎典禮中獲得雙料視后殊榮,當時一度傳出佢已經加簽10年長約,不過依然輸俾同劇嘅田蕊妮;2015年,佢以《華麗轉身》嘅拜金港女「司徒迪迪」一角而受到網民讚賞,但依然敗俾《鬼同你OT》嘅胡定欣。雖然佢曾多次成為網民票選「視后」,然而未能喺香港頒獎典禮中獲得獎項,似乎就有啲可惜!

鍾嘉欣曾經憑《巨輪》於馬來西亞奪得視后!Photo from TVB

鍾嘉欣於2015年憑《華麗轉身》入圍,不過敗俾勁敵胡定欣!Photo from TVB

# 結婚後甚少出演電視劇,直到今年出演《星空下的仁醫》

而鍾嘉欣2016年同脊醫丈夫Jeremy結婚並誕下一對子女,長居加拿大,之後佢嘅電視劇作品數目就已經大大減少。直到最近,佢就返港拍攝台慶劇《星空下的仁醫》飾演「章以芯」一角,人氣再度回升!而佢喺劇中嘅爆喊演技仲獲得網民大讚,認為佢嘅演技有明顯嘅進步,力撐鍾嘉欣今年必定可以登上「視后」寶座啊!

鍾嘉欣2016年與從事脊醫嘅Jeremy結婚,並長居加拿大。Photo from 鍾嘉欣IG

鍾嘉欣結婚後已經甚少主演電視劇,直到今年出演《星空下的仁醫》!Photo from 鍾嘉欣IG

# 已經秘密回港為攞獎?!

今年,鍾嘉欣獲提名「最佳女主角」以及「最受歡迎電視女角色」2個獎項。而佢近日就帶同仔仔Jared返港,現正於酒店隔離中。由於過往唔少人都覺得TVB嘅頒獎典禮有「分豬肉」嘅嫌疑,而且當日冇到場嘅候選人都冇得攞獎,所以唔少網民就猜測佢大費周章回港好有可能係為咗「攞獎」!

鍾嘉欣已經秘密返港,並正在接受隔離中。Photo from 鍾嘉欣IG

今次鍾嘉欣回港仲帶埋仔仔Jared一齊!Photo from 鍾嘉欣IG

# 傳今次片酬有300萬!

鍾嘉欣上年回港拍攝《星空下的仁醫》時要同家人分開2至3個月,當時佢就已經表示非常想念子女,揚言「下一次返香港拍戲可能係10年後!」據悉,佢今次電視劇拍攝嘅酬勞非常高「本身酬勞已經好高,足足有300萬!係佢以前拍攝嘅幾倍咁多」,而佢亦因為能夠同馬明以及鄭嘉穎合作毅然決定接拍!

鍾嘉欣上年拍攝時就已經表示頂唔順同子女分開咁耐!Photo from 鍾嘉欣IG

有傳鍾嘉欣今年嘅酬勞高達300萬!Photo from 鍾嘉欣IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

星空下的仁醫|鄭嘉穎鍾嘉欣喊功演技!痛失愛兒超心酸!網民推做視帝視后

16 Nov , 2021

TVB台慶劇《星空下的仁醫》口碑唔錯,即將迎嚟大結局,劇情開始發展至高潮。鍾嘉欣飾演嘅章以芯突然肚痛,鄭嘉穎雖然落力救佢但仍未能挽回鍾嘉欣兒子Heman嘅生命,而兩人演技亦獲網友大讚。

鍾嘉欣飾演嘅章以芯突然肚痛,鄭嘉穎雖然落力救佢但仍未能挽回鍾嘉欣兒子Heman嘅生命Photo from TVB

鄭嘉穎救鍾嘉欣兒子成全集高潮

《星空下的仁醫》進入結局篇,鍾嘉欣飾演嘅章以芯懷孕後仍繼續醫生工作,更因同染有第五病嘅病人接觸而確診感染病毒。

《星空下的仁醫》進入結局篇,鍾嘉欣飾演嘅章以芯懷孕後仍繼續醫生工作Photo from TVB

新一集鍾嘉欣突然感到不適,似乎係胎兒出現問題,需要做緊急手術,而中意佢嘅鄭嘉穎亦落力拯救鍾嘉欣兒子Heman,手術過程鍾嘉欣更一度心跳停頓,成為全劇緊張時刻。

新一集鍾嘉欣突然感到不適Photo from TVB

胎兒出現問題,鍾嘉欣需要做緊急手術

鄭嘉穎承諾會全力拯救Photo from TVB

鄭嘉穎亦落力拯救鍾嘉欣兒子

手術過程鍾嘉欣更一度心跳停頓Photo from TVB

鄭嘉穎大騷喊功,逼真道具BB造價不菲

可惜最終仍未能挽回鍾嘉欣兒子生命,鄭嘉穎更激動落淚:「對唔住.....叔叔救你唔到...」,令觀眾都大感心酸。

最終仍未能挽回鍾嘉欣兒子生命Photo from TVB

鄭嘉穎更激動落淚Photo from TVB

鄭嘉穎:「對唔住.....叔叔救你唔到...」,令觀眾都大感心酸。Photo from TVB

成個手術過程都非常逼真,連道具初生兒BB都好似啱啱出世咁!有指呢個逼真嘅道具BB造價不菲,高達5位數,肌膚、臍帶同毛髮都似足初生胎兒。

成個手術過程都非常逼真,連道具初生兒BB都好似啱啱出世咁Photo from TVB

有指呢個逼真嘅道具BB造價不菲,高達5位數,肌膚、臍帶同毛髮都似足初生胎兒。Photo from TVB

鍾嘉欣演繹失子之痛,演技大獲好評

而鍾嘉欣醒返之後得知兒子夭折亦十分悲傷,喺劇中有唔少喊戲嘅鍾嘉欣喊得非常有感染力,更獲大讚係視后級演技,佢痛失愛兒一幕亦有唔少網民相當心痛。鄭嘉穎嘅自責表現同樣大獲好評,兩人嘅對手戲有火花之餘更獲網民推舉做視帝視后。

鍾嘉欣醒返之後得知兒子夭折亦十分悲傷Photo from TVB

鍾嘉欣喊得非常有感染力Photo from TVB

鍾嘉欣與兒子相見一幕獲大讚係視后級演技Photo from TVB

鍾嘉欣痛失愛兒亦有唔少網民相當心痛Photo from TVB

鄭嘉穎嘅自責表現同樣大獲好評Photo from TVB

兩人嘅對手戲有火花之餘更獲網民推舉做視帝視后。

鄭嘉穎、鍾嘉欣、何依婷三角戀感情線引關注

《星空下的仁醫》劇情已去到高潮,除咗馬國明嘅權鬥線、羅子溢嘅食藥線外,鍾嘉欣、鄭嘉穎同何依婷嘅三角戀算係最引人關注嘅感情線。

鍾嘉欣、鄭嘉穎同何依婷嘅三角戀算係最引人關注嘅感情線。Photo from TVB

對比起馬國明同周家怡嘅感情線,鍾嘉欣同鄭嘉穎喺劇中係一對歡喜冤家,平時對話都互相窒嚟窒去,網友都覺得佢哋好有火花,雖然鄭嘉穎示愛被拒絕,但之後都發現咗鍾嘉欣已動心,兩人關係明朗化。

鍾嘉欣同鄭嘉穎喺劇中係一對歡喜冤家Photo from TVB

雖然鄭嘉穎示愛被拒絕,但之後都發現咗鍾嘉欣已動心,兩人關係明朗化。Photo from TVB

不過仲有何依婷飾演嘅Esther,佢因為失救而下肢失去知覺要坐輪椅,一直暗戀鄭嘉穎,鍾嘉欣更出手撮合佢哋!但可惜神女有心,襄王無夢,鄭嘉穎另有所愛,而鍾嘉欣亦發現自己都係中意對方,最終大結局鍾嘉欣、鄭嘉穎成為情侶。

何依婷飾演嘅Esther,,一直暗戀鄭嘉穎Photo from TVB

鍾嘉欣更出手撮合佢哋Photo from TVB

可惜神女有心,襄王無夢,鄭嘉穎另有所愛Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel