【星街小區環保聖誕裝飾】用藤編織出30米長閃爍星河！購物或用餐可享超過30%回贈優惠！

大家今年睇咗聖誕燈飾未呀？小編就覺得聖誕燈飾未必一定要好大陣仗、五光十色、乒鈴嘭唥先叫做精彩，有時簡簡單單，或者背後有特別意思，反而更窩心、更有驚喜！好似今年星街小區嘅聖誕佈置，就從大自然攞靈感，用「藤片」以人手編織成緞帶，製作出別樹一格嘅聖誕裝飾！

#用天然質材編織出30米長聖誕星河

星街小區一直致力於建設可持續發展嘅社區，今年同AaaM Architects合作，用創新嘅環保方式設計聖誕裝置，將小區打造成一個畀城市人唞唞氣嘅休閒勝地。佢哋揀咗既天然又環保嘅「藤」作為今年聖誕裝置嘅主要物料，因為佢堅韌、靈活，又有再生嘅特性，先用人手將藤片編織成為緞帶，再將緞帶捲曲及組合，配上LED燈，演變成唔同嘅聖誕裝飾，包括聖誕樹、聖誕帽，以及最矚目、長達30米轉曲流動嘅星河。七彩耀眼嘅燈飾，加上夢幻嘅氣氛，小編仲以為去咗東京過聖誕呀！

Photo from 星街小區

Photo from 星街小區

# 打卡最啱！6米高聖誕樹、巨型立體聖誕帽

睇聖誕燈飾最重要當然係打卡！小區入面有一棵6米高嘅聖誕樹，同樣係用人手編織嘅藤片製成，形態似一條彩色旋轉舞動緊嘅絲帶，非常獨特！小編覺得人人都喺綠色嘅聖誕樹前面影相，無乜新意，如果你喺IG、FB post同呢棵聖誕樹嘅合照就一定搶fo啦！另一個大型裝置，就係一頂巨型嘅立體聖誕帽，呢個idea真係好少見！最啱就係同一大班同學、朋友齊齊企入去影大合照，出嚟嘅效果應該好開心、好熱鬧，等小編都諗定擺咩甫士先！

Photo from 星街小區

Photo from 星街小區

# 12月限定！星街小區消費，可獲超過30%回贈優惠

除咗聖誕燈飾，星街小區仲預備咗一份聖誕禮物畀大家！喺12月1日至31日期間，只要喺星街小區購物或者食嘢，可以獲得超過30%嘅回贈優惠：

受條款及細則約束。

想睇詳情或參與商戶名單，可以瀏覽：https://bit.ly/3cP9JVF

# 免費拎全新星街小區官方導賞指南

唔知星街小區有乜好食有乜好買？唔緊要！星街小區推出咗新版本嘅官方導賞指南，入面會介紹呢個小社區嘅隱藏小店，由12月13日起，可以喺太古廣場三座同埋小區內嘅店舖免費拎到，記得到時攞返本，跟住去星街小區探索一下啦！

Text: HolidaySmart

Photo source: 星街小區

Featured for: 星街小區

*本文章的圖片均經其本人或其公司授權，其他媒體不得轉載