download HolidaySmart 假期日常 app
【邊度都有陰謀】荷李活電影含大量光明會資訊? 迪士尼經典卡通隱藏重要訊息

【邊度都有陰謀】荷李活電影含大量光明會資訊? 迪士尼經典卡通隱藏重要訊息

生活熱話 電視電影
By Stephanie on 03 Dec 2021
Digital Content Writer

一直以來都有唔少關於陰謀論嘅傳聞,唔知大家又聽過幾多呢?最近,TVB邊度都有陰謀》繼上次同大家探討國際巨星以及神秘組織「光明會」嘅關聯後,就揭露原來連電影同書本都藏有唔少光明會嘅訊息,而且仲列舉咗幾個迪士尼卡通裡面嘅隱藏資訊!

迪士尼嘅卡通片裡面亦被傳藏有大量陰謀?!Photo from pinterest

# 探討電影/書本同光明會嘅關係!

喺陰謀論嘅世界裡面,神秘組織光明會經常都會透過唔同嘅媒介去灌輸佢哋嘅觀念俾大眾,其中音樂、電影等就係非常重要嘅方法。上一次,《邊度都有陰謀》就同大家研究光明會同音樂嘅關係。今次,節目就同大家探討電影以及書本同光明會嘅關聯,而作家George Orwell 就曾經有一句名言「Big Brother is watching you.」,似乎係想暗示俾世人聽幕後嘅種種陰謀!

盛傳神秘組織光明會一直都透過唔同嘅媒介向大眾傳輸佢哋嘅觀念!Photo from 《邊度都有陰謀》

當中電影以及書籍都係非常重要嘅一環。Photo from 《邊度都有陰謀》

# 《Now You See Me》電影海報明目張膽遮蓋右眼?

其實電影嘅影響力非同凡響,當某一類型嘅電影突然流行嘅時候,該段時間大家嘅話題都會圍繞住該電影嘅主題。2013年電影《Now You See Me》(非常盜)係一部科幻魔術電影,當中電影裡面嘅海報以及場面都有唔少光明會嘅隱藏訊息,包括:用撲克牌遮蓋右眼等。

電影嘅影響力其實比想象中大,成功嘅電影仲會引起一陣風潮!Photo from 《邊度都有陰謀》

電影《Now You See Me》海報就有遮蓋右眼嘅姿勢。Photo from 《邊度都有陰謀》

# 片中4騎士代表人類種族!

而電影嘅海報中嘅4位騎士就係代表唔同種族;而電影名稱《Now You See Me》就代表「以前佢係隱藏喺裡面,不過而家就光明正大俾你見到」,直接表達想明目張膽控制別人嘅心態。

當中電影裡面嘅4騎士就代表唔同嘅種族。Photo from 《邊度都有陰謀》

電影嘅名字亦有另類嘅解讀方法!Photo from 《邊度都有陰謀》

# 美國作家Dan Brown 寫下多本有關光明會嘅書!

美國作家Dan Brown就因為寫《天使與魔鬼》、《達文西密碼》、《大騙局》等書本而聲名大噪,而以上成名作嘅內容都係講述天主教以及光明會之間嘅關係,並首度向大眾揭露唔少不為人知嘅秘密內幕!而主持人們就解釋「當你見到有關光明會訊息嘅時候,會忍唔住俾佢吸引並轉移目光」,以上都係達文西密碼嘅力量!

美國作家Dan Brown曾經寫咗唔少關於天主教以及光明會嘅書本。Photo from 《邊度都有陰謀》

當中唔少都係揭露天主家嘅陰暗面!Photo from 《邊度都有陰謀》

唔少人都認為呢啲書籍係用作宣傳光明會。Photo from 《邊度都有陰謀》

# 傳知名男演員Tom Hanks以及佢兒子都係光明會成員?!

而呢啲書本都因為非常出名而被改拍成電影,不過最奇怪嘅就係咁多套電影都係由Tom Hanks(湯漢斯)擔任男主角!而坊間亦盛傳Tom Hanks嘅兒子身上嘅紋身有大量光明會嘅標記,例如:全視之眼、扭曲十字架、蛇等,因此大家都認為佢哋兩父子都係光明會嘅「代言人」!

Tom Hanks 擔任所有由Dan Brown書本所改編嘅電影,令大家都覺得好奇怪!Photo from 《達文西密碼》

演員Tom Hanks嘅兒子身上有唔少有關光明會訊息嘅紋身!Photo from 《邊度都有陰謀》

# 迪士尼卡通內其實藏有好多陰謀!

除咗電影之外,其實有唔少迪士尼卡通片都被傳有隱藏光明會資訊,從而向小朋友灌輸新嘅觀念。其中喺唐老鴨卡通裡面,就藏有一個海報寫住「問有關光明會嘅資訊」,嘗試向小朋友介紹光明會嘅存在?!

主持人表示其實迪士尼所製作嘅卡通裡面都隱藏好多陰謀論!Photo from 《邊度都有陰謀》

唐老鴨卡通裡面就有一個海報,上面非常清晰咁寫住有關光明會嘅嘢!Photo from 《邊度都有陰謀》

# 隱藏資訊遍佈海報以及卡通背景裡!

主持人就尋找咗唔少迪士尼嘅隱藏訊息,包括:《美人魚》海報中嘅城堡係由男性嘅重要部位所組成、卡通片內嘅門上印有「共濟會」嘅標誌、《獅子王》海報藏有女士背影等,以上嘅方式就稱為「思想植入」。

《美人魚》海報嘅城堡中就隱藏咗男性嘅特徵,大家又見唔見到呢?!Photo from 《邊度都有陰謀》

卡通嘅背景裡面亦不時隱藏共濟會嘅標誌!Photo from 《邊度都有陰謀》

迪士尼卡通仲隱藏好多陰謀論!Photo from 《邊度都有陰謀》

《獅子王》嘅海報中仔思睇會發現有女士嘅背影?!Photo from 《邊度都有陰謀》

將不良資訊藏入卡通片嘅主要原因並非想直接宣傳有關光明會嘅資訊,反而係想嘗試將小朋友嘅思想潛而默化,並令佢哋認為觀看類似嘅資訊係非常正常嘅事!

主持人解釋於卡通片裡面隱藏不良訊息嘅原因。Photo from 《邊度都有陰謀》

希望借住潛而默化嘅力量,令小朋友不知不覺中受到影響?!Photo from 《邊度都有陰謀》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【邊度都有陰謀】傳聞指8位國際巨星都與光明會有關? MJ依然在生/ JB出道前已加入組織?!

25 Nov , 2021

相信大家都曾經聽聞過「光明會」呢個組織,然而呢個組織向來都非常神秘,坊間一直都有唔少嘅傳聞。最近,TVB節目《邊度都有陰謀》就探討咗幾位國際巨星同光明會嘅各種陰謀論!

陰謀論研究者Adam表示光明會利用音樂去操控大眾嘅思想,令人潛而默化咁被洗腦!Photo from 《邊度都有陰謀》

由鄭子誠、陸永以及陰謀論研究者Adam所主持嘅節目《邊度都有陰謀》最近就提及「光明會」呢個神秘組織,仲將佢哋同幾位國際巨星混為一談!喺陰謀論嘅世界觀而言,呢個神秘組織嘅勢力非常強大,會利用各種方式去操控人嘅思想,有傳佢哋最鍾意利用有權利或者有名氣嘅人去影響大眾!

《邊度都有陰謀》同大家探討唔少坊間傳聞。Photo from 《邊度都有陰謀》

其中有幾集就提及到光明會以及國際巨星們嘅關係。Photo from 《邊度都有陰謀》

其中著名歌手Michael Jackson(MJ)就係被大家瘋傳係「光明會」成員嘅名人喇!唔少網民都表示佢於1991年發佈嘅專輯《Dangerous》封面內含有大量有關組織嘅隱藏訊息,希望可以向大眾揭露佢長期活於苦痛之中嘅辛酸。佢生前曾經同家人透露「想要逃離但做唔到」,極力嘗試反抗光明會嘅操控。其中封面裡面嘅猴子喺光明會裡面係代表被操控嘅傀儡;而圖中唔少嘅動物都有象徵惡魔嘅標誌:彎曲羊角、蒼蠅等。

陰謀論學者們都認為《Dangerous》專輯封面藏有大量關於光明會嘅訊息!Photo from 《Dangerous》

MJ喺2009年6月25日被發現喺美國住所猝逝,享年50歲。然而直到而家,唔少人都對於MJ嘅死因存疑,其中大部分人都認為係藥物導致嘅。不過唔少陰謀論嘅人就認為事件可能同光明會有關,甚至認為MJ其實並未離世,只係故意製造事件隱姓埋名咁生活!

MJ嘅死因到而家都依然受到唔少網民嘅猜測!Photo from 《邊度都有陰謀》

部份網民認為MJ可能依然在生,只係過著隱姓埋名嘅生活。Photo from MJ

而MJ離世後所發表嘅專輯《This Is It》中嘅歌曲仲隱藏秘密,有網民嘗試將成首歌曲倒轉播放,而歌詞就出現「I'm not dead(我沒死)」、「Miss me?(想念我嗎??)」、「I'm alive(我依然在生)」等字句,令大家不寒而慄,猜測係MJ身前想同大家講嘅最後話語!

MJ 於2009年離開後發佈最後嘅專輯,其中歌曲卻被發現隱藏訊息?!Photo from This is it專輯

而有網民仲曾經表示於美國偶遇過一位外型極似MJ嘅人,其中佢囡囡Paris Jackson喺2016年時曾經上載一張自拍照,而車後座嘅人係一位帶著帽嘅長髮男生,並慵懶咁癱坐喺座位上,行為同外型上都同MJ有幾分相似,令MJ依然在世嘅傳聞變得沸沸揚揚!另外,有網民就表示與2017年見過MJ喬裝成伯伯出席侄仔嘅婚禮,仲將MJ以前於《Ghosts》MV中嘅老伯伯形象作出對比!

MJ 囡囡Paris Jackson曾經於2016年上載自拍照,而唔少網民都認為車後座嘅人極似MJ!Photo from Paris Jackson IG

有外國網民表示見到MJ於2017年喬裝打扮出席侄仔婚禮!Photo from Twitter

而MJ亦曾經喺《Ghosts》MV中打扮成老伯伯,形象的確有幾分相似!Photo from 《Ghosts》MV

除咗MJ之外,有唔少依然活躍嘅國際巨星都被盛傳係光明會嘅一員,即刻睇下有邊幾位啦:

1. Justin Bieber

Justin Bieber出道嘅時候,身上就已經有貓頭鷹嘅圖案,而光明會旗下嘅其中一個組織「Bohemian Grove」就係信奉白色貓頭鷹;而且佢嘅手臂上亦紋有「全視之眼」嘅圖案以及「Believe」嘅字句,表示對光明會嘅信任,因此主持人Adam認為佢喺出道前就已經加入光明會!

Justin Bieber左手臂上有貓頭鷹紋身!Photo from 《邊度都有陰謀》

Justin Bieber身上嘅紋身圖案令主持人認為佢出道前就已經加入光明會!Photo from 《邊度都有陰謀》

2. Beyoncé

Beyoncé曾經喺專輯上面畫上蝴蝶眼妝,而喺光明會裡面蝴蝶係象徵祭祀;另外佢亦嘗試身穿山羊頭設計嘅服裝,而該服裝嘅設計亦非常似一隻魔鬼!

Beyoncé曾經畫過蝴蝶眼妝,而蝴蝶於光明會中象徵祭祀。Photo from 《邊度都有陰謀》

山羊頭就係代表魔鬼嘅意思。Photo from 《邊度都有陰謀》

3. Rapper JAY-Z

Beyoncé老公JAY-Z係一位饒舌歌手,但兩夫婦經常都會於公開活動中做無厘頭嘅三角形手勢;而JAY-Z開show嘅時候亦一定會用手擺出三角形手勢!有指三角形手勢代表「共心力」,當好多人一齊擺出呢個手勢時就有凝聚神秘力量嘅效果。

Beyoncé同老公JAY-Z經常都於公開活動中擺出奇怪手勢!Photo from 《邊度都有陰謀》

JAY-Z表演嘅時候仲一定會擺上三角形手勢。Photo from 《邊度都有陰謀》

傳聞指大家一齊擺三角形手勢可以聚集神秘力量!Photo from 《邊度都有陰謀》

4. 麥當娜

麥當娜亦多次身穿山羊頭嘅服裝表演,仲戴上埋山羊頭飾;另外佢喺演唱會上曾經以「折斷翅膀嘅天使」作為表演主題,而折翼天使就係代表惡魔撒旦!

麥當娜曾多次身穿山羊服裝以及頭飾表演。Photo from 《邊度都有陰謀》

而麥當娜仲喺演唱會上以折翼天使做表演。Photo from 《邊度都有陰謀》

5. Britney Spears +Lady Gaga

兩人都曾經喺專輯中擺出「OK」手勢,並利用手勢遮蓋右眼嘅動作;而做呢個動作嘅時候就會呈現出3個「6」,亦即係歌頌撒旦嘅意思!

Britney Spears以及Lady Gaga都曾經擺出OK手勢並用佢遮蓋右眼!Photo from 《邊度都有陰謀》

三個6嘅手勢代表歌頌撒旦。Photo from 《邊度都有陰謀》

6. 韓國巨星PSY

當時PSY嘅《江南Style》紅遍全球,大人細路都識唱,然而歌曲當中卻隱藏住洗腦嘅旋律 ?!據聞,有人將歌曲頭10秒播放俾小朋友聽,佢哋就可以輕易哼出成首歌,並且令人極度興奮;相反播放俾精神病患者聽嘅時候,就會變得異常平靜!

PSY《江南Style》被指利用洗腦旋律操控人!Photo from 《邊度都有陰謀》

不過呢啲都只係坊間嘅傳聞,究竟係咪真嘅就要靠大家自行判斷喇~

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel