download HolidaySmart 假期日常 app
《梅艷芳》電影被梅啟明入稟告!聲稱擁有梅艷芳商標!重溫母子爭產歷程

《梅艷芳》電影被梅啟明入稟告!聲稱擁有梅艷芳商標!重溫母子爭產歷程

電視電影 娛樂新聞
By Jennifer on 03 Dec 2021
Digital Editor

傳記電影《梅艷芳》上映後票房成績唔錯,更令唔少人回顧起梅姐輝煌嘅一生。近日有消息指梅姐胞兄梅啟明入稟高等法院告《梅艷芳》電影公司,佢稱擁有「梅艷芳」商標,電影未經同意下使用佢嘅商標。

傳記電影《梅艷芳》上映後票房成績唔錯,更令唔少人回顧起梅姐輝煌嘅一生

梅啟明自稱持有「梅艷芳」、「Anita Mui」商標,入稟狀指電影宣傳期間嘅用品同電影都無經過梅啟明同意而使用,佢要求法庭禁止電影再用梅艷芳商標。

梅啟明自稱持有「梅艷芳」、「Anita Mui」商標,入稟狀指電影宣傳期間嘅用品同電影都無經過梅啟明同意而使用

另外佢又要求電影方交出所有有關商標嘅嘢,同埋作出賠償,不過佢就未有提及賠償金額。

梅啟明要求電影方交出所有有關商標嘅嘢,同埋作出賠償

早前梅啟明都有入場欣賞電影,但就十分不滿電影無梅媽嘅角色,又稱飾演梅姐嘅女主角王丹妮表現得50分,僅僅合格。佢稱王丹妮唔夠人生經歷,演唔到梅姐嘅神韻。

梅啟明稱飾演梅姐嘅女主角王丹妮表現得50分,僅僅合格。

其實多年嚟梅姐嘅母親同大哥為爭梅艷芳億萬遺產多次上訴!以下重溫梅媽同梅啟明母子爭產嘅歷程:

多年嚟梅姐嘅母親同大哥為爭梅艷芳億萬遺產多次上訴

一代歌后梅艷芳逝世近18年,佢遺下唔少資產,有指梅姐遺產高達$1億元,喺佢離世後,梅媽覃美金同哥哥梅啟明就梅艷芳豐厚嘅遺產展開長達10幾年嘅官司,更因此破產,而梅媽亦多次公開表示生活費「唔夠使」。

一代歌后梅艷芳逝世近18年,佢遺下唔少資產,有指梅姐遺產高達$1億元Photo from TVB

梅艷芳逝世,成立信託基金管理遺產

梅艷芳出道20年嚟喺歌壇、影壇成就輝煌,佢離世遺下價值數千萬港元資產,有指至今已升值至過億!而梅姐喺離世前立下遺囑,成立信託基金管理其遺產。

梅艷芳出道20年嚟喺歌壇、影壇成就輝煌Photo from TVB

梅姐將名下嘅位於倫敦同香港嘅兩處房產贈予好友劉培基,同時亦安排遺產可以令親人得到足夠嘅照顧:

梅姐將名下嘅位於倫敦同香港嘅兩處房產贈予好友劉培基Photo from 有線電視

1. 梅媽每月可領取$7萬港元生活費

2. 安排$170萬教育基金畀二哥同姐姐嘅4名兒女,供佢哋讀書

3. 到梅媽覃美金去世後,所有資產會扣除開支捐畀妙境佛學會。

梅媽每月可領取$7萬港元生活費Photo from TVB

梅媽覃美金同梅啟明多次上訴入稟爭產

有指梅姐決定梅媽每月只可獲$7萬港元生活費係擔心母親理財不善,若將遺產一次過畀晒梅媽,恐怕佢同哥哥梅啟明會喺短時間內就用晒。不過梅媽就明顯唔滿意女兒遺產嘅安排,喺梅姐離世後短短日子,梅媽即入稟要求法庭裁定遺囑無效。

有指梅姐決定梅媽每月只可獲$7萬港元生活費係擔心母親理財不善,若將遺產一次過畀晒梅媽,恐怕佢同哥哥梅啟明會喺短時間內就用晒Photo from 上海電視台

梅媽就明顯唔滿意女兒遺產嘅安排,喺梅姐離世後短短日子,梅媽即入稟要求法庭裁定遺囑無效。Photo from 上海電視台

隨後法庭駁回梅媽嘅「遺囑無效」主張,但梅媽未有放棄,繼續喺2010年同2011年上訴,但先後被駁回。據報道,梅媽喺庭上多次激動「爆粗」,又嬲到用保溫瓶蓋、除鞋掟人。

法庭駁回梅媽嘅「遺囑無效」主張,但梅媽未有放棄,繼續喺2010年同2011年上訴,但先後被駁回Photo from 上海電視台

梅媽同梅啟明申請增加生活費被駁回,兩人先後破產

上訴被駁回後,梅媽又再就佢每月獲得嘅生活費再上法庭,要求攞多啲錢,2012年梅媽生活費上漲至$12萬,但佢仲係唔滿意。梅媽表示佢一個月要支付房租、水電費$4萬元,加上聘請傭人、司機、買補品等開支,連同養6隻狗、兒子梅啟明夫婦等家人嘅費用等,$12萬根本唔夠用。

梅媽表示佢一個月要支付房租、水電費$4萬元,加上聘請傭人、司機、買補品等開支,連同養6隻狗、兒子梅啟明夫婦等家人嘅費用等,$12萬根本唔夠用。Photo from 上海電視台

梅媽同梅啟明多年嚟上訴失敗,令佢哋欠下律師費、訟費,最終梅媽同梅啟明分別喺2012年同2013年被法庭頒令破產。梅媽曾因欠付逾110萬訟費,再度鬧上法庭。連法官都直言:「你身體大不如前,自己保重身體,唔好再搞咁多訴訟!」

梅媽同梅啟明多年嚟上訴失敗,令佢哋欠下律師費、訟費,最終梅媽同梅啟明分別喺2012年同2013年被法庭頒令破產Photo from 上海電視台

生活費提高至$20萬,梅媽自爆唔夠用

喺梅媽破產後法庭判畀佢每月逾$15萬,但其中約$10.4萬用於還錢,而梅媽房租卻高達$4.3萬,於是又申請房租費等但被拒。梅媽稱無3間房住唔到:一間房擺梅姐啲嘢、佢同家傭住一間房、仲有一間房畀侄仔。但因為6個月無交租而被趕走。

梅媽破產後法庭判畀佢每月逾$15萬,但其中約$10.4萬用於還錢,而梅媽房租卻高達$4.3萬,於是又申請房租費等但被拒。梅媽稱無3間房住唔到Photo from 上海電視台

法庭之後再判梅媽每月生活費可提高至$20萬,但梅媽仍覺不足,自爆扣除開支只淨$9萬,根本唔夠使。

法庭之後再判梅媽每月生活費可提高至$20萬,但梅媽仍覺不足,自爆扣除開支只淨$9萬,根本唔夠使。Photo from 上海電視台

梅媽以各種理由申請提取遺產

梅媽仲試過用各種理由攞錢,2009年梅媽就要求喺遺產提取$80萬元,以滿足佢「八十萬環遊世界」嘅想法,當時被法官拒絕佢嘅申請;2017年梅媽要求一次過攞晒梅艷芳的$7,100萬遺產但被拒;2018年梅媽申請$20萬補辦其91歲壽宴被拒;到2019年佢再申請拎$25萬舉辦95歲壽宴成功獲批。

梅媽仲試過用各種理由攞錢,2009年梅媽就要求喺遺產提取$80萬元,以滿足佢「八十萬環遊世界」嘅想法Photo from 上海電視台

梅啟明不滿電影《梅艷芳》無梅媽

梅艷芳因為家境清貧,年僅4歲就已經喺荔園、啟德遊樂場獻唱維生,佢去世後獲譽為「香港的女兒」。近日佢嘅傳記式電影《梅艷芳》上映令唔少網友再度憶起梅姐生前嘅藝術成就,而梅姐嘅大哥梅啟明都有入場欣賞電影,但佢就十分不滿電影無梅媽嘅角色。

梅艷芳因為家境清貧,年僅4歲就已經喺荔園、啟德遊樂場獻唱維生Photo from TVB

梅艷芳去世後獲譽為「香港的女兒」。Photo from TVB

傳記式電影《梅艷芳》上映令唔少網友再度憶起梅姐生前嘅藝術成就Photo from 《梅艷芳》

梅姐嘅大哥梅啟明都有入場欣賞電影,但佢就十分不滿電影無梅媽嘅角色。Photo from 上海電視台

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

梅艷芳生前擁眾多豪宅物業 梅媽獲數千萬遺產 卻竭力爭取更多?!

17 Nov 2021

梅艷芳逝世近18年,影響力未有退卻,日前其傳記電影《梅艷芳》正式上映。作為一代歌后嘅梅艷芳去世後留下不少遺產,當中有唔少豪宅物業,當中一個位於壽山村道嘅故居更在多年前以近1.5億出售予新地郭氏家族!

梅艷芳生前擁多個豪宅物業,當中壽山村道故居以近1.5億售出Photo from ATV

梅艷芳生前擁不少豪宅物業

梅艷芳嘅傳記電影於近日上映,令全城再掀起梅姐熱潮。佢生前除咗有輝煌嘅演藝事業外,亦擁有不少資產,有指梅姐在香港、日本、新加坡、甚至倫敦都持有有物業,但當中最貴嘅相信係位於壽山村道恒安閣嘅故居。

壽山村道恒安閣由梅姐於1993年以公司名義用2,000萬元買入Photo from 正房屋網

壽山村道恒安閣最終出售予新地

據悉,恒安閣屬複式單位,由梅姐於1993年透過公司名義以2,000萬元買入,其面積以約4,069平方呎計,當時呎價只達大約4,915元。單位在梅姐逝世後,物業由遺產管理人托管。到2013年才以1.47億元出售予新地(0016)郭氏家族。

壽山村道8號嘅恒安閣最後出售予新地(0016)郭氏家族Photo from 中原地產

據悉,單位出售後所得嘅大部分款項,都用作支付梅艷芳母親多年以來累積嘅巨額訴訟費和律師費。

單位出售所得款項大部分用作支付梅艷芳母親官司費Photo from 微博

新地郭氏家族成功統一業權

其實恒安閣整個項目有12伙,面積由3,341至4,075平方呎都有,有指郭氏家族早於2007年已開始以8.1億元相繼收購了當中11個單位,只剩梅姐故居未被收購,最終購入後便成功統一業權,整個收購過程長達6年。除此,以收購價計算,單位呎價已升至36,127元。

收購梅姐故居單位後,新地成功統一業權Photo from 網上圖片

而與恆安閣相隔一馬路嘅壽山村道9至19號,則是新地洋房項目SHOUSON PEAK。根據其官網圖片,內有露天泳池,可觀清幽山景,環境愜意。

SHOUSON PEAK海景清幽又豪華Photo from SHOUSON PEAK 官網

梅姐另一物業:跑馬地毓秀大廈頂層

梅姐在香港亦有其他遺產物業,例如跑馬地毓秀大廈頂層單位,實用面積約471平方呎嘅兩房戶,單位連90平方呎嘅露台、440平方呎天台。物業在2012年於拍賣會開價780萬元,雖獲承價至1,040萬元,但因未到底價最終被收回。之後,單位再「翻叮」拍賣,開價900萬元,最後以980萬元成交,以實用面積計,呎價超過兩萬元。

此圖雖不是跑馬地毓秀大廈頂層,但高層單位都可作參考Photo from 中原地產

梅艷芳遺產豐厚,梅媽卻唔夠洗?!

憑著堅毅與輝煌嘅演藝成就,直至2003年病逝前,梅姐名下資產總值已被指達1億元,而在同年12月初,梅姐立下遺囑及成立信託基金,並將遺產委託一家信託公司管理,梅媽每月可獲得超過7萬港元生活費直至去世。

梅艷芳超卓嘅演藝生涯令佢賺到不少金錢Photo from 梅艷芳告別演唱會

不過,梅媽對梅姐遺囑存有質疑,於是便在長子梅啟明陪伴下,在2004年展開多年嘅爭產官司。梅媽不滿每月只有約7萬元生活費,至於點解要月付,係因為梅艷芳擔心母親理財不善,如果一次過將遺產發給梅媽,恐怕佢會在短時間內花光金錢。

梅艷芳早已安排遺產分配給梅媽,但怕佢「一舖清」,所以將錢安排以月分發Photo from TVB

但呢筆月付款項對梅媽嚟講唔夠洗,佢之後再上法庭抗爭,經改判後,佢每月可獲嘅生活費已提升至12萬元。縱使係咁,梅媽表示每月要畀房租及水電費4萬元,再加上傭人、司機及6隻狗嘅開支,以及買補品,養兒子梅啟明夫婦等家人費用等,12萬都唔夠用。於是,梅媽喺2015年要求高等法院下令遺產管理人將15年生活費(共5500萬元)一次性發放畀自己,惟最終被駁回。

梅艷芳母親多年來一直為了梅艷芳遺產打官司Photo from YouTube @Vanessa Wong

每月生活費分別由7萬升至12萬到20萬都不夠梅媽用

之後,梅媽又要求「遺產信託基金」加碼,法庭再判佢每月生活費可提升至20萬元,但梅媽仍不滿意,佢分別於2018年申請20萬元補辦91歲壽宴被拒絕,及於2019年成功申請25萬元舉辦95歲壽宴。除此,梅媽亦曾在2018年欠付逾110萬訟費,搞到又鬧上法庭。當時連法官都向梅媽直指:「你身體大不如前,自己保重身體,唔好再搞咁多訴訟!」

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel