download HolidaySmart 假期日常 app
鍾培生2萬呎5層高豪宅曝光!全屋落地玻璃 擁天台擂台+無敵海景

鍾培生2萬呎5層高豪宅曝光!全屋落地玻璃 擁天台擂台+無敵海景

娛樂新聞
By Cheryl on 03 Dec 2021
Digital Editor

富三代鍾培生(Derek)早前自己拍片公開豪宅中嘅5個雪櫃,近日佢受邀上開電視綜藝《星宅大曝光》畀觀眾參觀佢5層高嘅豪宅,空間大到無論內部、車房或天台都令主持們驚歎!

鍾培生受邀上《星宅大曝光》公開其豪宅環境Photo from 《星宅大曝光》開電視

《星宅大曝光》到鍾培生淺水灣豪宅參觀

開電視節目《星宅大曝光》由郭偉亮 Erick Kwok 及黃芳雯主持,每集都會帶大家睇不同名人嘅大屋。今次,佢哋就去咗富三代鍾培生 Derek 位於淺水灣嘅住宅。

鍾培生帶大家參觀其落地玻璃豪宅Photo from 《星宅大曝光》開電視

約2萬呎、5層高

Derek嘅豪宅由地庫到天台計共5層高,連花園總面積約2萬平方呎。主持們一到步就見到車房嘅兩部靚跑車,Derek雖擁過百萬名車,但唔算狂熱愛車之人。

《星宅大曝光》公開鍾培生豪宅平面圖Photo from 《星宅大曝光》開電視

車房當然有靚車Photo from 《星宅大曝光》開電視

全屋落地玻璃

Derek豪宅由佢爺爺於60年代購入,有指係全港第一間有落地玻璃嘅豪宅,仲可以飽覽無敵大海景!不過Derek就話自己鐘意山多啲,將來希望可以搬入一間更大,可欣賞整個維港景嘅住宅,並不排除在半山區置業。

落地玻璃透光度十足,亦可以將電動窗簾關上Photo from 《星宅大曝光》開電視

天台飽覽無敵大海景Photo from 《星宅大曝光》開電視

白色簡約裝修

進入豪宅,即見一條寬闊全白樓梯連接大廳,空間極大,裝修以白色簡約風為主。Derek表示,傢私大部分由意大利運來,茶几與椅子都別具典雅氣質。

《星宅大曝光》開電視Photo from 《星宅大曝光》開電視

白色客廳空間感好大Photo from 《星宅大曝光》開電視

茶几都好靚Photo from 《星宅大曝光》開電視

傢私大部分由意大利買Photo from 《星宅大曝光》開電視

天台有擂台

講起鍾培生便不得不提起打拳,Derek承認佢係全港首個屋企有擂台嘅人,連運費計算,擂台花費不過3萬港元,若果買外國名牌就至少要50萬港元。

天台有擂台!3萬港元唔洗就有Photo from 《星宅大曝光》開電視

打拳裝備房

主持們亦發現Derek有一間放滿拳套、沙包嘅房間,並好奇全屋得佢一個打拳下要咁多裝備做咩,相信係佢不時約人上嚟切磋拳術嘅所需物資。

仲有沙包,周圍亦有足夠活動空間Photo from 《星宅大曝光》開電視

好多拳套Photo from 《星宅大曝光》開電視

直播房

節目亦有參觀Derek平時拍片用嘅房間,入面放有一部屬於其攝影師爸爸嘅巨型打印機,亦放有有同樣屬於爸爸嘅音響設備,Derek形容佢爸爸係一個藝術家。

支持深入鍾培生直播房參觀Photo from 《星宅大曝光》開電視

直播房內有大型printerPhoto from 《星宅大曝光》開電視

好多音響,不過唔係畀對音樂零興趣嘅鍾培生用,而係佢嘅爸爸Photo from 《星宅大曝光》開電視

睡房樸素、多比卡超

進入Derek睡房,主持發現入面設備比想象中簡約得多,有「香港電競之父」之稱嘅Derek並未放有炫目嘅電競電腦與椅子,相反佢舊電腦更係用了8-9年,到上年才砌一步新。

睡房簡潔Photo from 《星宅大曝光》開電視

鍾培生睡房出奇地樸素Photo from 《星宅大曝光》開電視

Derek嘅睡床上放有7隻大大小小嘅比卡超公仔,全部都係其他人送嘅禮物,當中有兩隻更係灰色特別版,格外受歡迎。Derek更指,佢總共收過40-50隻比卡超公仔,好多收藏~

好多可愛比卡超公仔Photo from 《星宅大曝光》開電視

另一半要靚女

兩位主持同Derek訪談時提及到家庭,Derek希望擁有一個大家庭,更想至少有4個小孩。佢同時表示,佢認為伴侶應門當戶對,直言自己只會揀靚女:「我有我嘅條件,我梗係揀個靚女,唔會揀個豬扒架啦。我唔係唔尊重豬扒,但佢唔需要擁有我。」

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

 

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel