download HolidaySmart 假期日常 app
Celine譚芷昀14歲出繪本!曾被指出騷價達20萬!大個女獲讚有明星相

Celine譚芷昀14歲出繪本!曾被指出騷價達20萬!大個女獲讚有明星相

娛樂新聞
By Jennifer on 06 Dec 2021
Digital Editor

喺《全美一叮》唱《My Heart Will Go On》一鳴驚人嘅「小巨肺」Celine Tam譚芷昀今年已經14歲,近日佢宣佈推出繪本,收益會用作慈善用途。而大個女嘅佢開始染髮、化妝,獲讚似明星!

「小巨肺」Celine Tam譚芷昀今年已經14歲Photo from Celine譚芷昀 Facebook

Celine參加《全美一叮》唱《My Heart Will Go On》一夜成名

2017年,Celine以9歲之齡參加《全美一叮》(America's Got Talent),更憑《My Heart Will Go On》一曲成名,其實喺上《全美一叮》之前,佢已經有唔少演出經驗。

Celine以9歲之齡參加《全美一叮》(America's Got Talent),更憑《My Heart Will Go On》一曲成名Photo from Celine譚芷昀 Facebook

Celine曾經上過內地嘅兒童歌唱節目,當時已獲大讚有潛質,佢爸爸就曾表示女兒年僅3歲已經唱到震音,更安排女兒學唱diva級作品。

Celine曾經上過內地嘅兒童歌唱節目,當時已獲大讚有潛質Photo from Celine譚芷昀 Facebook

曾被指出騷價達20萬

喺《全美一叮》獲「Golden Buzzers」一夜成名後佢獲邀出席唔同活動,曾有報道指佢去新加坡參加《亞洲影藝創意大獎》,擔任嘉賓演唱《How far I’ll go》,其演出費高達$20萬!Celine一家更獲安排入住5星級酒店。

喺《全美一叮》獲「Golden Buzzers」一夜成名後佢獲邀出席唔同活動,曾有報道指佢演出費高達$20萬Photo from Celine譚芷昀 Facebook

Celine自資推繪本,收益作慈善用途

最近Celine宣佈與香港插畫師Peter伍尚豪合作推出繪本,故事靈感來自佢嘅自身經歷,佢曾表示細個喺學校無同學肯同佢玩、同佢傾偈,令佢感到孤獨。

最近Celine宣佈與香港插畫師Peter伍尚豪合作推出繪本Photo from Celine譚芷昀 IG

Celine希望透過繪本帶出反對呢種行為嘅訊息。繪本係用Celine零用錢自資出版,收益喺扣除成本後,將全數捐畀香港聾人子女協會。

繪本係用Celine零用錢自資出版,收益喺扣除成本後,將全數捐畀香港聾人子女協會。Photo from Celine譚芷昀 IG

Celine 14歲大個女,化妝染髮獲讚似kayan9896(吳家忻)

現年14歲嘅Celine大個女,平時都有化妝、染髮,佢新年嗰陣就試過化一個喜氣洋洋嘅妝容,橙紅色眼影似乎有啲重手咗,而佢嘅日常照都有畫濃黑眼線。

現年14歲嘅Celine大個女,平時都有化妝、染髮Photo from Celine譚芷昀 IG

Celine新年嗰陣就試過化一個喜氣洋洋嘅妝容,橙紅色眼影似乎有啲重手咗Photo from Celine譚芷昀 IG

Celine日常照都有畫濃黑眼線。Photo from Celine譚芷昀 IG

女大18變,褪去稚氣嘅少女Celine IG一向有唔少fans留言支持,佢更獲大讚靚女!有網友指依家有啲似kayan9896(吳家忻)。

褪去稚氣嘅少女Celine IG一向有唔少fans留言支持Photo from Celine譚芷昀 IG

有網友指Celine依家有啲似kayan9896(吳家忻)。Photo from kayan9896

唔少網友都話佢大得好快,差啲認唔出,其實Celine素顏都仲有幾分昔日嘅影子~

唔少網友都話Celine大得好快,差啲認唔出Photo from Celine譚芷昀 IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

【東京奧運】童星吳諾弘首度參加奧運表現亮眼 粉絲人數急升 IG大晒女友甜蜜合照!

2 Aug 2021

童星出身嘅吳諾弘(Lawrence)同隊友張家朗、蔡俊彥同張小倫一齊出戰花劍團體賽半準決賽,表現亮眼,令唔少網民大讚!而曾經同佢合作過拍攝電視劇嘅藝人郭可盈、馬國明等人亦有表示支持。

張小倫IGPhoto from 張小倫IG

現年21歲嘅吳諾弘(Lawrence)童星出身,曾有份參與多部電視劇,相信大家見到佢嘅時候都會覺得佢熟口熟面~日前,佢就同隊友張家朗、蔡俊彥同張小倫齊齊出席花劍團體賽嘅半準決賽,對戰俄羅斯奧委會,戰況激烈!

東京奧運Photo from 東京奧運

張家朗IGPhoto from 張家朗IG

據悉,今次係吳諾弘首次參加奧運會,以後備身份比賽,替代張小倫上場。雖然今次係佢第一次登上奧運會嘅比賽,不過佢表現非常亮眼,總共為隊伍追得7分,將同對手俄羅斯奧委會嘅比數拉近咗好多!喺對戰埃及隊伍時,佢帶傷上陣,不過港隊依然成功以45:21嘅比數擊敗對手,以第7名嘅成績完成東京奧運之旅~

東京奧運Photo from 東京奧運

而曾經同佢合作過拍劇嘅演員都有用行動支持佢,其中曾喺《酒店風雲》飾演佢母親嘅郭可盈仲上載咗當年拍攝嘅照片,「我們明早一定會準時09:45欣賞賽事 ! Do your best , 好好享受比賽,加油!」以行動支持「仔仔」!而過去都係童星嘅莊錠欣都有喺微博為昔日嘅拍檔打氣,仲大晒兩人兒時嘅合照。

郭可盈IGPhoto from 郭可盈IG

莊錠欣微博Photo from 莊錠欣微博

吳諾弘喺比賽中精彩嘅表現,成功吸引網民嘅關注,圈粉無數。其中佢IG嘅最新照片,係同一位女仔嘅合照,並寫上「Happy anniversary !Love you xo」,相信相中嘅女仔就係佢女朋友!兩人關係非常好,時不時都會喺IG晒恩愛,十分合襯~

吳諾弘IGPhoto from 吳諾弘IG

吳諾弘IGPhoto from 吳諾弘IG

吳諾弘就曾經話過,佢係由小學3年級開始學習劍擊,並且自己細個嘅夢想就係成為全職運動員,選擇劍擊嘅原因係覺得劍擊嘅衣著同裝備都好有型。仲為咗劍擊放棄就快考到黑帶等級嘅跆拳道,睇嚟佢真係非常熱愛劍擊!

吳諾弘IGPhoto from 吳諾弘IG

學習成績亦非常優異嘅佢就讀拔萃男書院,不過中五嘅時候佢毅然休學,全心全意投入劍擊嘅訓練,並加入港隊,而家人亦十分支持佢嘅決定。成為全職運動員之後,佢經常都會跟隨港隊到唔同嘅地方參加比賽,努力向自己嘅夢想進發!

吳諾弘IGPhoto from 吳諾弘IG

吳諾弘IGPhoto from 吳諾弘IG

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel