download HolidaySmart 假期日常 app
爸爸罕有姓「屎」自細被笑!幫女兒改名勁頭痕 嫲嫲神提議獲全家讚好!

爸爸罕有姓「屎」自細被笑!幫女兒改名勁頭痕 嫲嫲神提議獲全家讚好!

生活熱話
By Cheryl on 06 Dec 2021
Digital Editor

父母為子女改名向來都係一門學問。內地就有名新手爸爸姓「屎」,不僅自細被取笑,生咗女兒更係唔知點改名好!好彩,家中嫲嫲一個提議即扭轉劣勢,更獲全家一致讚好!

一名新手爸爸罕見姓「屎」,想幫女兒改名好煩惱!Photo from TVB

罕有姓「屎」自細被笑

據內媒報道,內地一名新手爸爸姓屎,由細到大因為呢個罕有姓氏被取笑。有指屎姓源自壯族,擁有呢個姓氏嘅人唔多,只有不足千人。據傳,明代一名瑤族人原名牛嘉軍,之後因某些原因憤然表示「姓屎姓尿也不姓牛」,自此改名成「屎嘉軍」,而後人都因此姓屎。但唔少後人都無法接受如此獨特嘅姓氏,所以相繼改名,而上述嘅新手爸爸算係少數遵從本姓嘅人。

相傳一名古代人由「牛」轉做「屎」姓Photo from TVB

新手「屎姓」爸爸為改名好煩惱

新手爸爸得悉妻子懷孕後,就開始為寶寶改名一事煩惱,因為佢唔想女兒跟自己一樣被取笑。但絞盡腦汁都諗唔到一個較好名字,於是佢上網咨詢網民意見。但回覆一係玩嘢,一係唔啱爸爸心水,始終都解決唔到問題。

爸爸問網民意見但無乜用Photo from TVB

正當爸爸陷入苦惱之際,孩子嫲嫲一個提議燃點了希望!

家中嫲嫲靈機一觸,改寫女兒命運!Photo from TVB

「屎舒」與「史書」

嫲嫲忽然脫口而出,「不然叫屎舒好了」,因為「屎舒」諧音係「史書」,令名字瞬間充滿書卷味;而「舒」字亦有安然、從容不迫之意,兩字合體後可以令人先想起「史書」,減輕了原名「屎舒」嘅突出感。

全家都認為嫲嫲主意很好Photo from TVB

由於嫲嫲嘅提議超神,全家人一致通過同意女兒取「屎舒」之名,爸爸亦終於放下心頭大石!唔知大家又覺得嫲嫲嘅建議好唔好,還是有其他更好提議?

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel