download HolidaySmart 假期日常 app
打工仔幫上司買嘢卻被走數 苦惱應否索回金錢! 網民反應兩極

打工仔幫上司買嘢卻被走數 苦惱應否索回金錢! 網民反應兩極

生活熱話
By Stephanie on 06 Dec 2021
Digital Content Writer

大家又有冇試過幫人買嘢後,卻收唔返對方嘅錢呢?!最近,有位打工仔就喺討論區大呻幫上司買嘢後,對方卻冇咗回事,直到第二日都未有俾返錢佢嘅意思,令佢好糾結應唔應該主動詢問對方攞返錢。

打工仔被上司拜託買嘢後,上司卻冇俾錢佢,令佢好苦惱!Photo from TVB

# 打工仔放工後幫上司買零食

相信大家都一定有試過幫朋友或者家人買嘢嘅經驗~日前,有位打工仔就收到上司嘅訊息,希望佢可以幫手買盒零食「因為唔係度度有得買」,所以打工仔就放工後幫佢順手買。

打工仔大呻幫上司買完零食後嘅困擾!Photo from 香港討論區

# 卻收唔返零食錢?!

第二日,打工仔返工嘅時候就立刻將零食俾上司。不過,對方就只係講咗聲「唔該」,並示意佢放喺枱面,完全冇詢問過佢零食幾多錢,好似冇咗回事咁!

打工仔第二日就將零食俾上司,不過對方就只係叫佢擺喺枱面先。Photo from TVB

# 打工仔苦惱應否取回金錢!

打工仔表示雖然零食本身嘅價錢並唔算好昂貴,只係幾十蚊,不過覺得就咁送俾上司「好似有啲蝕底」,但又唔知道應該點樣開口問佢攞返,所以就詢問廣大網民嘅意見!

打工仔苦惱應否詢問上司攞返零食錢?!Photo from TVB

# 大部分網民贊成向上司攞返錢!

大部分網民都贊成打工仔應該去問上司攞返錢,畢竟對方係請求佢幫手買。網民們就開始絞盡腦汁幫樓主諗辦法,提議「將張單擺喺佢枱面」、「叫佢payme你」、「屈佢請返你食飯」等奇特嘅招數;亦有網民分享同打工仔類似嘅經歷,認為向上司攞返錢的確好有難度!

唔少網民認為打工仔一定要向上司攞返錢!Photo from 香港討論區

有網民認為上司可能忙碌而忘記,只要提醒一下就會還返錢!Photo from TVB

# 有網民就覺得應該「豪俾佢」?!

不過,部份網民就反而覺得打工仔好小器,只係區區幾十蚊都要同上司計;亦有網民覺得問咗可能會令上司對打工仔嘅印象唔好,所以就當今次「豪俾佢」,下不為例!

但亦有網民認為打工仔咁都想收返錢,非常小器?!Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男驚揭公司看更住豪宅戴勞力士!隱形富豪因為一個原因甘願做打工仔!

26 Nov , 2021

香港地到處都係隱形富豪,有時就喺你身邊!近日有網友喺討論區發文稱發現公司大廈嘅保安員原來住豪宅樓盤!令佢驚歎「真人不露相」:「交租多過佢份人工」,而對方亦大爆有錢都做打工仔嘅原因!

近日有網友喺討論區發文稱發現公司大廈嘅保安員原來住豪宅樓盤Photo from TVB

港男與公司樓下保安員交談

正所謂「人不可以貌相」,穿金戴銀唔代表係有錢人,而平平無奇嘅亦可能係隱形富豪!近日喺香港討論區就有網友開post「公司大廈看更真人不露相」。

正所謂「人不可以貌相」,穿金戴銀唔代表係有錢人,而平平無奇嘅亦可能係隱形富豪Photo from TVB

樓主表示佢公司大廈有個看更十分健談,咩都可以講一餐,佢都好樂意同看更交談,兩人傾下傾下都熟絡唔少。

樓主表示佢公司大廈有個看更十分健談,咩都可以講一餐,佢都好樂意同看更交談Photo from TVB

看更自爆住附近豪宅樓盤,平時戴勞力士返工

有日看更就提到佢每日都係行路返工,樓主一時好奇,就問佢住邊可以行返工咁好,估唔到看更竟然表示佢就住喺公司附近嘅豪宅樓盤,令樓主大為吃驚。

有日看更就提到佢每日都係行路返工,樓主一時好奇,就問佢住邊可以行返工咁好Photo from TVB

看更竟然表示佢就住喺公司附近嘅豪宅樓盤,令樓主大為吃驚。Photo from TVB

除咗住豪宅,樓主亦發現看更平時戴名錶返工,佢更曾懷疑係贗品:「之前仲懷疑佢隻勞係假嘢,睇嚟應該係真嘢!」

除咗住豪宅,樓主亦發現看更平時戴名錶返工,樓主更曾懷疑係贗品Photo from TVB

為方便返工,搬出巿區租樓住,看更揭做打工仔原因

咁都未算,樓主以為看更住得豪宅都唔優做,應該係順便喺屋企附近搵份工,返工唔使咁辛苦。但原來看更本身都住得好遠,只係唔想個仔日日車佢返工咁辛苦,所以先特登搬出巿區租間屋,方便返工。

原來看更本身都住得好遠,只係唔想個仔日日車佢返工咁辛苦,所以先特登搬出巿區租間屋,方便返工。Photo from TVB

原來看更住豪宅只為方便返工,貧窮真係限制想象!看更又透露佢有家底都仲甘願做打工仔嘅原因,其真佢返工只不過係因為太悶,想搵人吹下水。

看更又透露佢有家底都仲甘願做打工仔嘅原因,其真佢返工只不過係因為太悶,想搵人吹下水。Photo from ViuTV

樓主得知內情後大感震驚:「佢交個租仲多過佢份人工,呢啲咪叫真人不露相,有錢冇掟洗......」

樓主得知內情後大感震驚:「佢交個租仲多過佢份人工,呢啲咪叫真人不露相,有錢冇掟洗......」Photo from TVB

網友稱唔好睇小身邊嘅老人家

有網友都指唔好睇小保安員:「隨時有錢過你,人地悶唔想坐公園咋。」,更稱曾見過有保安揸保時捷、寶馬等名車返工,有網民表示認同:「唔係講笑,好多做保安其實有幾層樓收緊租」

有網友都指唔好睇小保安員:「隨時有錢過你,人地悶唔想坐公園咋。」Photo from 香港討論區

有網民表示認同:「唔係講笑,好多做保安其實有幾層樓收緊租」Photo from TVB

唔少網友稱身邊嘅老人家可能都深藏不露:「茶記阿叔隨時有幾間鋪收緊租」、「執紙皮阿婆可能有幾層樓」、「街邊掃街嘅可能都有幾千萬身家」。

唔少網友稱身邊嘅老人家可能都深藏不露Photo from 香港討論區

網友:「街邊掃街嘅可能都有幾千萬身家」。Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel