download HolidaySmart 假期日常 app
雞排妹鄭家純驗樓驗足3小時！列超長改善清單！網友：太多餘

雞排妹鄭家純驗樓驗足3小時！列超長改善清單！網友：太多餘

娛樂新聞
By Jennifer on 06 Dec 2021
Digital Editor

雞排妹鄭家純向來敢言，即使受網友留言批評都會正面回應。最近佢以6,000萬新台幣（約港幣$1,690萬）購入新樓，佢分享自己驗樓3個鐘嘅情況，表示「處女座驗屋是建商的惡夢」，引起網友熱議。

雞排妹鄭家純向來敢言Photo from 鄭家純Facebook

鄭家純捲入「第三者」風波

現年28歲嘅台灣藝人鄭家純（雞排妹）經常引起熱話，早前被指介入保時捷男同其女友之間做第三者，後來雞排妹澄清指保時捷男係佢嘅男性友人，事件最終由保時捷男女朋友A發聲明道歉。

鄭家純早前被指介入保時捷男同其女友之間做第三者，後來雞排妹澄清指保時捷男係佢嘅男性友人Photo from 鄭家純Facebook

事件雖告一段落，但仍有唔少網友批評佢，一向敢言嘅雞排妹更提告30名網民，又霸氣指唔接受和解金：「幾十萬官司費是我在付，不用假好心替我擔憂。」

有唔少網友批評佢，一向敢言嘅雞排妹更提告30名網民，又霸氣指唔接受和解金Photo from 鄭家純Facebook

雞排妹月均收入達50萬新台幣，斥資買豪宅

近年淡出電視圈嘅雞排妹轉戰直播、商演活動等，有指佢每月平均收入達50萬新台幣（約港幣$14萬），佢喺台灣斥資6,000萬新台幣（約港幣$1,690萬）買樓，據知單位面積約1,000呎，可見雞排妹積蓄都有唔少。

近年淡出電視圈嘅雞排妹轉戰直播、商演活動等，有指佢每月平均收入達50萬新台幣（約港幣$14萬）Photo from 鄭家純Facebook

自爆驗樓3個鐘，列超仔細改善清單

雖然買得起豪宅，但係都係辛苦錢，日前佢去驗樓，仲自爆驗咗3個鐘！雞排妹自言：「處女座驗屋是建商的惡夢」，之後又公開超長又仔細嘅驗樓清單。

日前鄭家純去驗樓，仲自爆驗咗3個鐘！雞排妹自言：「處女座驗屋是建商的惡夢」Photo from 鄭家純Facebook

鄭家純公開超長又仔細嘅驗樓清單。Photo from 鄭家純Facebook

雞排妹有喺IG Story分享佢一啲驗樓細節，佢稱搵咗做餐飲集團裝修嘅朋友一齊驗樓，自己只負責睇小重點，包括刮痕、門把瑕疵等。

雞排妹有喺IG Story分享佢一啲驗樓細節Photo from 鄭家純Facebook

雞排妹稱搵咗做餐飲集團裝修嘅朋友一齊驗樓，自己只負責睇小重點Photo from 鄭家純Facebook

網友直言雞排妹吹毛求疵

唔少網友都留言指佢吹毛求疵、雞蛋裡挑骨頭：「要不要整間屋子都包膜？」、「太多餘了」、「你這標準，全世界沒有一間符合的」

唔少網友都留言指雞排妹吹毛求疵Photo from 鄭家純Facebook

網友：「要不要整間屋子都包膜？」Photo from 鄭家純Facebook

網民：「你這標準，全世界沒有一間符合的」Photo from 鄭家純Facebook

鄭家純驗樓十分仔細Photo from 鄭家純Facebook

甚至有網友指如果佢係地產商，會將啲錢遠返畀雞排妹：「不會做你的生意」，又有人將件事連到去佢嘅另一半：「想像到你未來老公的日子」

有網友指如果佢係地產商，會將啲錢遠返畀雞排妹：「不會做你的生意」Photo from 鄭家純Facebook

有人將件事連到去雞排妹嘅另一半：「想像到你未來老公的日子」Photo from 鄭家純Facebook

雞排妹正面回應網民批評

雞排妹當然有正面回應，佢表示對於一坪市價破百萬台幣嘅單位當然有要求：「我不覺得看很仔細是太過份啦。」，佢又指發文只係覺得驗屋3小時有趣，順便提醒要買樓嘅人關於驗屋嘅注意事項。

鄭家純表示對於一坪市價破百萬台幣嘅單位當然有要求：「我不覺得看很仔細是太過份啦。」Photo from 鄭家純Facebook

佢之後又反擊稱網友以為佢突登搵啲肉眼睇唔出嘅地方有咩不足之處，雞排妹表示佢拎水平尺量電箱只係因為用肉眼望落歪咗先會度：「30坪空間誰想驗屋驗三小時」

雞排妹表示佢拎水平尺量電箱只係因為用肉眼望落歪咗先會度：「30坪空間誰想驗屋驗三小時」Photo from 鄭家純Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港爸住半山豪宅出$40時薪請補習老師！列9大要求：唔貪錢/24小時WhatsApp問功課

23 Nov 2021

近日喺Facebook流傳一則招聘補習老師嘅貼文，當中列明工作地點位於半山豪宅，但待遇就唔算優厚，時薪僅得$40，而且仲有9大要求，包括唔貪錢、需24小時候命，引起網民熱議。

近日喺Facebook流傳一則招聘補習老師嘅貼文，當中列明工作地點位於半山豪宅Photo from TVB

港爸為就讀國際學校中五子女聘請IB全科補習老師

依家競爭咁大，為咗唔好「輸在起跑線上」，好多家長都會安排仔女補習，務求喺學業方面有好嘅成績。近日喺Facebook嘅「補習老師/家長/托兒配對」群組有網友發文，掀起熱議。

為咗唔好「輸在起跑線上」，好多家長都會安排仔女補習，務求喺學業方面有好嘅成績。Photo from TVB

呢位港爸為就讀國際學校中五嘅仔女徵IB全科補習老師，時間為逢星期一至五4:00pm～6:00pm，一日兩個鐘。

港爸為就讀國際學校中五嘅仔女徵IB全科補習老師Photo from 上流寄生族

住半山豪宅僅付$40時薪被狠批

另一個引起關注嘅係工作地區係「半山區獨立屋」，相信呢位就讀國際學校嘅中五生家境相當殷實，照計薪資應該都唔錯，但實際上待遇就唔係好優厚。

引起關注嘅係工作地區係「半山區獨立屋」，相信呢位就讀國際學校嘅中五生家境相當殷實Photo from TVB

港爸畀嘅時薪為$40，更列明如果表現好同守時，可以喺半山區獨立屋食埋飯先走，並可獲贈$5獎勵。

港爸畀嘅時薪為$40，更列明如果表現好同守時，可以喺半山區獨立屋食埋飯先走，並可獲贈$5獎勵。Photo from 上流寄生族

唔少網友認為$40時薪比市面上嘅價錢更低：「補IB，最起碼$400～$600/小時」，而且「食埋飯先走」同「$5獎勵」亦一啲都唔吸引：「5年前我同小學生補都要收人70元粒鐘啦！冇錢就唔好請人補，自己同佢補飽佢！」

唔少網友認為$40時薪比市面上嘅價錢更低：「補IB，最起碼$400～$600/小時」Photo from Facebook

網友：「5年前我同小學生補都要收人70元粒鐘啦！冇錢就唔好請人補，自己同佢補飽佢！」Photo from Facebook

列9大要求：唔貪錢、24小時WhatsApp問功課等

呢位港爸更列出9大要求：有教學熱誠、唔貪錢、大學畢業、全英教學、守時、提供練習、24小時WhatsApp問功課，並指現職教師優先，大學未畢業免問。

港爸更列出9大要求：有教學熱誠、唔貪錢、大學畢業、全英教學、守時、提供練習、24小時WhatsApp問功課，並指現職教師優先，大學未畢業免問。Photo from Facebook

$40時薪仲要包埋24小時WhatsApp問功課，令網民認為「40蚊而家食個餐都唔夠畀」，而且港男似乎十分著重補習老師要達到「唔貪錢」呢個要求，因為佢喺貼文一開始就強調：「只接受有教學熱誠的導師，只顧學費多少的拜金主義者免問」

$40時薪仲要包埋24小時WhatsApp問功課，令網民認為「40蚊而家食個餐都唔夠畀」Photo from TVB

網友怒轟港爸離地Photo from Facebook

現時相關貼文已被刪除，但有網民就搵到疑似港爸帳號喺部分補習廣告貼文下留言問可唔可以「免費試堂」，有網友直言：「佢同乞衣有咩分別」

有網民就搵到疑似港爸帳號喺部分補習廣告貼文下留言問可唔可以「免費試堂」Photo from Facebook

有網友直言：「佢同乞衣有咩分別」Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel

娛樂新聞【Hohoholiday聖誕節2021】雞排妹鄭家純