download HolidaySmart 假期日常 app
新人擺40圍婚宴後走數 原因極牽強!網民:冇錢就唔好結婚!

新人擺40圍婚宴後走數 原因極牽強!網民:冇錢就唔好結婚!

生活熱話
By Stephanie on 07 Dec 2021
Digital Content Writer

相信大家都唔太鍾意「走數」呢個行為,因為咁做好冇責任心之餘亦會影響彼此嘅感情。最近,內地河南一對新人居然喺舉辦婚宴後「走數」,荒謬行為就連酒店職員都表示「做了10年!從來沒有遇過這樣的新人!」,引起網民熱議!

內地湖南一對新人居然喺辦婚宴後走數?!Photo from 微博@ 小莉幫忙

# 內地新人擺40圍婚宴!

可能大家都曾經聽過唔少「走數」嘅事件,但大家又有冇諗過原來辦婚宴都竟然可以「走數」呢?日前,內地河南一對結婚嘅新人就喺酒店舉行結婚午宴,足足擺咗40圍酒席,而一圍大約係700人民幣(約港幣860),總共係2.8萬人民幣(約3.4萬港元)!

內地湖南一對新人辦40圍結婚午宴。Photo from 微博@ 小莉幫忙

# 已預先支付3000訂金!

呢對新人喺辦婚宴錢就已經事先支付3,000人民幣(約港幣3,600)作為訂金。擺酒席當日,新郎就多次用各種方法避開「找數」,強調要等所有賓客都離開先再付全款。而酒店職員亦冇懷疑對方,繼續安排婚宴。

呢對新人事件支付咗3000訂金。Photo from 微博@ 小莉幫忙

# 婚宴當天不停拖延付尾數時間

直到下午2點酒席已經去到尾聲,職員再一次催促新人付尾數,然而新郎爸爸就出面表示「2樓尚有客人在吃飯,再等等吧」,一直唔願意付錢。到咗下午4點,職員突然發現所以賓客都已經離開,新郎就話手機支付嘅限額已經過咗,所以叫爸爸返屋企攞錢,自己會留下來。隨後,新郎趁職員不為意嘅時候逃離酒店!

婚宴當天,新郎用唔同嘅藉口拖延找數時間。Photo from 微博@ 小莉幫忙

隨後,新郎表示手機限額過咗,所以父親要回家攞錢。Photo from 微博@ 小莉幫忙

# 從酒店逃走後失去聯繫!

酒店職員隨即「奪命追魂call」新郎為求收返筆錢,新郎轉帳5,000人民幣(約港幣6,120)予酒店,並承諾會第二日還清餘下嘅2萬尾數。果然不出所料!新郎並冇遵守承諾,再一次「走數」!酒店職員表示一直都無法聯繫呢對新人,就算上門去搵佢哋都冇人回應,過份行為激怒佢哋「做了10幾年的婚宴,從來沒有見過這樣的新人!」

新郎逃走後,有轉帳人民幣5000俾酒店,並承諾第二日會還清款項!Photo from 微博@ 小莉幫忙

酒店職員表示事件十分荒謬!Photo from 微博@ 小莉幫忙

# 新郎好朋友解釋事件來龍去脈!

酒店一方迫於無奈,唯有尋求內地媒體嘅協助,隨後一位自稱係新郎好朋友「高先生」就向酒店解釋情況。高先生就話自己本身認識酒店老闆嘅兒子「小東」,由於對方欠佢錢,所以就曾經同對方傾過辦酒席去償還部份債務。

新娘隨後提供一個陌生電話號碼俾內地媒體。Photo from 微博@ 小莉幫忙

一位自稱新郎朋友嘅「高先生」接聽電話,解釋事件來龍去脈。Photo from 微博@ 小莉幫忙

# 「小東」係關鍵人物?!

然而經過深入調查後,內地媒體發現「小東」只係老闆嘅外甥,而佢媽媽係酒店職員。「小東」媽媽就解釋兒子現時被拘留所以未能還錢,不過就話肯定兒子會還錢,「現時最大問題是他們沒有付錢,我只是在這裏打工的。」認為唔應該將兩件事混為一談!

經內地媒體證實,「小東」並非老闆兒子,不過佢媽媽亦係酒店員工。Photo from 微博@ 小莉幫忙

# 網民覺得事件不可理喻!

唔少網民睇到呢個新聞後,都覺得好驚訝,冇諗過辦婚宴都竟然會有人「走數」:「沒有錢就不要辦婚宴」、「也太寒酸了吧!」、「只是700元一圍!太丟人了!」等留言。

唔少網民都知道呢對新人嘅走數行為後,都感到好驚訝!Photo from 微博

網民都認為兩件事唔應該混為一談,應該先支付婚宴費用!Photo from 微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

內地「6大名媛派系」大檢閱 層出不窮cosplay背後 隱藏帶貨商機?!

26 Nov , 2021

內地網紅界近期掀起不同派系嘅名媛風,早前就有「病媛」、「佛媛」,近日又出現「菜媛」,以下會為大家簡介現時較知名嘅六大X媛派別,佢哋嘅打扮同名稱都富有創意,但「華麗」造型背後卻是一門帶貨生意?!

#1 佛媛

內地早前整頓娛樂圈、網上直播、粉絲圈等平台風氣,為咗減低炫富、奢華生活帶來嘅俗氣,有網紅開始轉投「佛系」生活。有別於一般網紅去酒店歎high tea、買名牌嘅生活,「佛媛」會到寺廟進行品茶、拜佛、茹素,甚至抄佛經嘅活動。

到寺廟打卡Photo from 微博

內地早前出現大堆佛媛Photo from 微博

不過,「佛媛」嘅裝扮卻被不少網民直斥敗壞風氣,因為當中有不少人打扮性感,在寺廟穿著低胸、或露背等服飾。除此,有唔少「佛媛」藉此在網上賣貨賺錢,售賣同款佛珠、茶葉等,有借佛賺錢之嫌。

穿著清涼~Photo from 微博

佛界網紅被不少網民批評Photo from 小紅書

#2 幼兒媛

據內媒報道,早前在浙江杭州一間幼兒園門口,出現了一名身穿短裙、黑絲襪、黑色露肩連衣裙嘅妙齡女子,佢手拿未撕標籤嘅兒童卡通書包,喺門口等待接孩子。

內地早前出現打扮清涼嘅女士「接放學」Photo from 微博

但被人質疑佢只係想打卡Photo from 微博

不過,上載照片嘅現場人士稱,該打扮清涼嘅「幼兒媛」在幼兒園門前拍照拍了幾個小時後,終被其他家長勸誡離去,惟並無帶任何孩子走,令眾人懷疑佢根本唔係一名家長。事後亦有網民指該名「幼兒媛」係一名擁有近40萬粉絲嘅網紅,但帳戶內容已被清空。

幼兒媛真身又係網紅?!Photo from 網上圖片

幼兒媛被一些網民批評造作Photo from 微博

#3 病媛

「病媛」指一班聲稱自己身患惡疾要入院開刀嘅網紅,佢哋會發佈自己一臉精緻妝容睡在病床嘅照片,並於帖文稱自己原本患有甲狀腺疾病、乳腺癌等病要進行手術。

連生病都可以打造成一門品牌?Photo from 微博

但經過數天後又會自稱已經復原,然後開始向網民介紹各種保健產品。

病好後開始宣傳產品Photo from 微博

快速病愈後,帖文開始出現保健產品Photo from 小紅書

#4 農媛

「農媛」顧名思義跟農場有關,就係一班自稱會務農嘅「名媛」,但佢哋都在農地、泥地等原始環境化上亮眼妝容,又穿上一啲睇落唔太適合做農作嘅服飾落田。佢哋會再帖文中宣揚自力更生、正能量訊息,例如稱自己有多麼努力務農以改善父母生活。

名媛都要務農?!Photo from 微博

「農媛」下田工作Photo from 微博

有網民觀察完「農媛」工作嘅影片認為佢哋只係「做騷」,因為佢哋並無像一班農夫般頭髮凌亂、滿頭大汗,皮膚又能保持白淨。網民指出,農媛們實際都無真正「幹活」,直言佢哋打完卡就會離開。而「農媛」亦不限於女性,有網友稱見過男生成為「男農媛」。

「農媛」故事往往都好好勵志Photo from 微博

「農媛」好上妝Photo from 微博

#5 菜媛

早前,內地一間超市出現了一名頭戴遮臉大帽、身穿紅色開高衩禮服嘅高挑女士。佢手拿一袋青蔥,先係做一個華麗轉身,再用極誇張行catwalk嘅走路方式步向鏡頭,簡直將超市當成時裝走秀舞台,旁邊嘅顧客都睇到呆咗。

紅裙「菜媛」在超市catwalk1Photo from 微博

紅裙「菜媛」甚有氣勢Photo from 微博

有網民其後發現呢名「菜媛」係一名網名叫「童大人」嘅網紅,佢喺簡介亦自稱長腿女神。

有網民發現紅裙「菜媛」係網紅一名Photo from 微博

菜媛「童大人」嘅短片專頁Photo from 微博

影片引熱議後,相繼有其他網紅模仿。有網民認為呢班「菜媛」會為真正買菜嘅客人帶來不便,亦有網民稱自己曾目擊有「菜媛」拍完片就將剛買個菜丟進垃圾桶,對食物造成浪費。

有網民目擊「菜媛」打完卡就蔬菜掉去垃圾桶Photo from 微博

#6 離媛

單看名稱會較難理解「離媛」意思,其實,當中嘅「離」字解作「離婚」,「離媛」係指一班在網絡公開自己剛離婚不久嘅名媛,佢哋會曬出離婚證,以自強、獨立女性作賣點,以帶妝造型表示自己從婚姻中解脫。

原來離婚都可以造就「離媛」Photo from 微博

當中不少「離媛」分享了多則「離婚後日常」嘅帖文後,就會開始以生活所迫、要養孩子等理由開始宣傳售賣產品,亦即「帶貨」。

「離媛」通常一自強嘅獨力女性見稱Photo from 微博

「離媛」都愛秀出離婚證Photo from 微博

「媛」本指出身名門,富有貴氣、大方得體嘅女生,但對上述出現嘅各種「名媛」而言,X媛睇嚟只係一個賺取點擊率、人氣、以及商品宣傳嘅渠道。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel