女子接受「人體冷凍30年」!癡情老公4年後另結新歡:若真的復活很可怕

女子接受「人體冷凍30年」!癡情老公4年後另結新歡:若真的復活很可怕

時事熱話
By Jennifer on 07 Dec 2021
Digital Editor

中國首位冷凍人展文蓮於2017年因重病接受人體冷凍程序,其家人希望將來醫學有突破,可以挽救佢嘅生命令佢解凍復活。近日其丈夫桂軍民公開新戀情,表示自己都係人,有正常嘅欲望。

中國首位冷凍人展文蓮於2017年因重病接受人體冷凍程序Photo from 搜狐

中國首位冷凍人展文蓮

2017年5月,出生於新疆嘅49歲女士展文蓮因為身患肺癌而心跳停止,佢嘅53歲丈夫桂軍民安排佢接受「人體冷凍程序」,放入液態氮中,待未來科技發展,醫學技術可以醫好佢嘅病。

2017年5月,出生於新疆嘅49歲女士展文蓮因為身患肺癌而心跳停止,佢嘅53歲丈夫桂軍民安排佢接受「人體冷凍程序」Photo from 搜狐

當初丈夫桂軍民不捨妻子離佢而去,日日照顧瞓喺病床嘅妻子,令醫院唔少護士、醫生都大為感動,其中醫院病房主任就介紹桂軍民試下以「人體冷凍」技術為妻子留下一線生機。

當初丈夫桂軍民不捨妻子離佢而去,日日照顧瞓喺病床嘅妻子,令醫院唔少護士、醫生都大為感動Photo from 搜狐

最終展文蓮心跳停止後接受長達55個鐘嘅降溫程序,確保細胞仍然存活。並轉移至零下196°C,容量2000升嘅液態氮罐內。展文蓮更成為中國首位「冷凍人」。

展文蓮心跳停止後接受長達55個鐘嘅降溫程序,確保細胞仍然存活。並轉移至零下196°C,容量2000升嘅液態氮罐內Photo from 搜狐

丈夫桂軍民痴情,妻子冷凍後仍為佢著想

當時丈夫桂軍民曾接受傳媒訪問,表示妻子被冷凍等同仍存在喺世間,有時更會去保存妻子嘅液態氮罐嗰度「探望」妻子。

桂軍民有時會去保存妻子嘅液態氮罐嗰度「探望」妻子Photo from 搜狐

人體冷凍嘅合約為30年,預計到2047年展文蓮就會「復活」,雖然全世界仲未有試驗成功嘅先例,但桂軍民就認為冷凍仲有復活嘅希望。呢4年間,佢同展文蓮嘅兒子離家到外地工作,桂軍民亦開始紀錄低每年屋企發生嘅事,希望老婆展文蓮「復活」後可以了解呢30年發生咩事。

人體冷凍嘅合約為30年,預計到2047年展文蓮就會「復活」,桂軍民亦開始紀錄低每年屋企發生嘅事Photo from 搜狐

妻子展文蓮冷凍4年,丈夫桂軍民另有新戀情

桂軍民提到30年後佢已經80幾歲,而妻子若成功甦醒則仍係40幾歲,一諗到展文蓮26年後「復活」,桂軍民坦言:「挺可怕的」。而展文蓮被冷凍後,桂軍民嘅親戚好友都有介紹到女性畀佢認識,而佢亦同其中一位對象(中間)「搭伙過日子」。

一諗到展文蓮26年後「復活」,桂軍民坦言:「挺可怕的」Photo from 搜狐

展文蓮被冷凍後,桂軍民嘅親戚好友都有介紹到女性畀佢認識,而佢亦同其中一位對象(中間)「搭伙過日子」Photo from 搜狐

由於佢2017年作為中國首位冷凍人嘅丈夫備受關注,佢對妻子嘅痴情更一度傳為佳話,所以佢公開承認新戀情後,外界對佢嘅批評變多,甚至有人指佢係「壞男人」。

桂軍民對妻子嘅痴情一度傳為佳話,所以佢公開承認新戀情後,外界對佢嘅批評變多Photo from 搜狐

桂軍民直言應接受現實,「復活」未必成功

桂軍民唔認同呢啲說法,佢稱兒子身處外地照顧唔到佢都支持佢嘅新戀情,又直言依家妻子暫時唔會醒,而佢30年後仲在唔在人世都未知:「我們現在得接受這個現實,我是個人,我有我正常的想法和我正常的欲望」

直言依家妻子暫時唔會醒,而佢30年後仲在唔在人世都未知:「我們現在得接受這個現實」Photo from 搜狐

桂軍民:「我是個人,我有我正常的想法和我正常的欲望」Photo from 搜狐

佢認為唔可能咁傻「看不到任何的結果還在那死守」,但桂軍民亦指希望喺有生之年可以再見到妻子展文蓮。

桂軍民亦指希望喺有生之年可以再見到妻子展文蓮。Photo from 搜狐

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

內地大媽向深圳女仔傳授來港攻略! 長得不難看,乖一點就一定嫁得出!

25 Nov 2021

網絡上嘅資料五花八門,只要你想知道嘅都可以搵到解答。最近,有內地網民喺網上分享「深圳女仔嘅出路如何?」,並附上如何留喺香港嘅方法!其中,該樓主仲建議唔應該嫁俾港男,因為港男比較遲婚,認為深圳女仔們嘅首要目標竟然係「港漂」?!

有內地網民於知乎教導如何去香港長居!Photo from 《拖旅行箱的女人》

# 內地阿姨傳授來港秘訣!

相信唔少人都曾經為自己嘅出路及前途而感到迷惘~日前,有位自稱已經成為阿姨嘅內地網民上載以「深圳普通女孩的出路是什麼?」為題目嘅post,於網上分享如何南下去香港,並長居香港嘅幾個秘訣!

有位自稱係內地阿姨向網民傳授來港秘訣!Photo from TVB

# 申請來港讀碩士非常容易!

首先,「阿姨」就表示深圳嘅女孩們冇必要一齊惡性競爭,認為只要你樣貌唔差,就可以輕易申請去香港嘅大學修讀1年嘅碩士課程,提升自己學歷,仲專登點名城大、理大、教大等,認為呢幾間都非常易就申請!等到完成課程之後,就可以爭取喺1年簽證限期內搵工,主要喺搵香港嘅中資企業、保險公司、國際學校等。

樓主教導內地女生先申請來港就讀1年碩士課程,Photo from 知乎

完成課程後,就要利用1年嘅簽證限期成功搵到工作,留喺香港!Photo from TVB

# 挑選另一半要謹慎!

搵完工作,就當然要順便搵埋另一半啦!然而,「阿姨」就教大家首選嘅目標一定係「港漂」(喺香港工作嘅內地男士),因為呢類型嘅男士同港女有隔膜,多數都難搵到女朋友,內地女孩可能會更加適合佢哋!如果想選擇港男或者外國人作為伴侶都可以,不過就一定要謹慎選擇,因為佢哋多數都鍾意AA制度、遲婚而且唔鍾意買樓,好大機會浪費青春!

樓主建議內地女生挑選「港漂」做另一半,認為港男普遍遲婚會耽誤女生青春!Photo from 知乎

樓主仲直指現時嘅港男大多都唔鍾意冇樓置業!Photo from TVB

# 內地女生長相已經有優勢?!

除此之外,「阿姨」仲認為內地女仔喺長相上面本身就有一定嘅優勢,因為大部分港女都係東南亞長相,而且都係「傻白甜」!佢強調「只要姿態放得夠低,嫁人一定不是問題!」,表示香港男士都唔太著緊內地女生來自邊一個省份。

樓主認為只要將姿態放低就一定嫁得出!Photo from 知乎

樓主仲話港女樣貌普遍都係東南亞長相!Photo from TVB

# 網民為港女平反!

「阿姨」嘅攻略迅速喺連登討論區瘋傳,引起網民們嘅熱議。有網民為港女平反,認為港女東南亞長相嘅講法似乎唔太啱;亦有網民講笑咁話「寫之前又真係有做research!」,認為現時香港人拍拖的確係AA制、遲婚居多。

網民為「港女似東南亞長相」作出平反!Photo from 連登討論區

# 取笑網民經常話「內地女生好單純」嘅講法!

另外,有網民就取消港男認為「內地女仔好純」嘅講法,指內地女生一早就諗好將來嘅路,並且非常著重伴侶嘅經濟能力狀況;而且佢哋設立嘅條件大部分港男都未能夠達到要求!而部份網民就認為內地女仔其實好難喺香港搵到「港漂」,由於香港樓價過高,難以上車,除非對方本身已經財力豐厚,否則好難如「阿姨」所願!

網民取笑港男認為內地女生比較單純嘅講法!Photo from 連登討論區

網民直指其實港女同內地女生一樣都好貪錢!Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel