download HolidaySmart 假期日常 app
港女自覺應服侍男友!主動煮飯洗碗/無異性朋友!被男友鬧爆,網友力撐係好男人

港女自覺應服侍男友!主動煮飯洗碗/無異性朋友!被男友鬧爆,網友力撐係好男人

時事熱話
By Jennifer on 08 Dec 2021
Digital Editor

喺一段關係中雙方都要付出先會長久,近日喺討論區有網友發文指佢想做個好女友,自覺要上男友屋企幫手煮飯洗碗、唔應該有異性朋友、唔可以抽煙飲酒,佢傷心指被男友鬧,但網友就力撐男友。

近日喺討論區有網友發文指佢想做個好女友Photo from TVB

同男友約會,10點前回家

現今社會講求「男女平等」,以前「三從四德」、「出嫁從夫」嘅思想已唔再係主流。不過仍有唔少例外,有男士仲係覺得妻子應該要「服侍」佢哋,但抱有呢種思想嘅女性已係少數。

有男士仲係覺得妻子應該要「服侍」佢哋Photo from 戀上黑天使

少數亦唔代表無,最近喺Dcard有網民開post,佢指同男友約會,10點就要返屋企,平時亦會拒絕出街飲酒,因為覺得好危險。

有網民開post,佢指同男友約會,10點就要返屋企,平時亦會拒絕出街飲酒Photo from TVB

為做好女友,網民自覺應服侍男友

樓主想做個好女友,會諗辦法氹好男友父母,上男友屋企又會幫手煮飯洗碗。樓主稱家人由細到大都教佢要幫長輩手、為老公煮飯洗衫,打理家頭細務等。

樓主想做個好女友,會諗辦法氹好男友父母,上男友屋企又會幫手煮飯洗碗Photo from TVB

樓主稱家人由細到大都教佢要為老公煮飯洗衫,打理家頭細務Photo from TVB

從樓主所述可見佢家人管教甚嚴,唔單止唔准食煙飲酒、男女關係混亂,除左伴侶外更唔可以有異性朋友,要潔身自好。坦白講樓主呢種想法喺香港女性中算係罕有,但應該係唔少男士夢寐嫁求嘅「老婆特質」。

從樓主所述可見佢家人管教甚嚴,除左伴侶外唔可以有異性朋友,要潔身自好Photo from TVB

男友斥樓主思想落後

雖然樓主自覺要「服侍」好伴侶,但佢男友就唔係咁諗,反而話佢思想好落後。樓主上男友屋企會幫手煮飯洗碗,反而男友話唔畀佢咁:「好麻煩咩年代!」

雖然樓主自覺要「服侍」好伴侶,但佢男友就唔係咁諗,反而話佢思想好落後。Photo from TVB

樓主男友認為佢觀念守舊,認為佢唔使做到佢家人所講咁樣:「做人應該自由啲,唔好限制自己係女仔就要做啲咩。」,樓主表示佢唔明點解男友咁嬲佢嘅行為。

樓主男友認為佢觀念守舊,認為佢唔使做到佢家人所講咁樣Photo from TVB

網友大讚男友好男人,指樓主太守舊

大部分網友都認同樓主係個好女仔,又指只要佢覺得舒服,幫男友父母做家務係無問題,不過亦有人認同樓主男友指佢太守舊:「點解女人一定要係屋企做家務?男人唔洗做?」、「好似生活係古代啲男尊女卑嘅時代」

大部分網友都認同樓主係個好女仔,又指只要佢覺得舒服,幫男友父母做家務係無問題Photo from Dcard

不過亦有人認同樓主男友指佢太守舊Photo from Dcard

網友各有睇法!Photo from Dcard

有唔少網民都力撐男友,大讚佢係難得嘅好男人。雖然樓主主動做家務,但男友拒絕都係因為錫佢:「你男朋友係錫你先咁話你」、「你男朋友係好男朋友」、「佢應該都係怕樓主辛苦啫」

男友獲網民大讚!Photo from TVB

唔少網民都力撐男友,大讚佢係難得嘅好男人Photo from Dcard

網友:「你男朋友係錫你先咁話你」、「你男朋友係好男朋友」Photo from Dcard

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

男友一日僅回2、3個訊息!港女唔懷疑有第三者:全日唔覆都無問題

2 Dec 2021

情侶相處嚟講,「信任」真係好重要,近日有網友喺討論區表示男友一日只會覆2至3個message,但佢表示應該信任男友,更籲女生唔好懷疑另一半偷食先,對方可能真係有嘢做。

情侶相處嚟講,「信任」真係好重要

男友一日僅覆2至3個訊息

有女生喺Dcard以「覺得自己好痴線」為題開post,佢表示就算男友成日都唔搵佢,佢都唔會唔開心,反而好期待。

有女生表示就算男友成日都唔搵佢,佢都唔會唔開心,反而好期待。

樓主指男友平日其實都好少覆佢:「一日最多2~3個msg」,又話好期待男友會全日都唔覆佢,但佢亦稱對方唔搵自己亦唔需要咁煩惱,輕鬆面對即可。

樓主指男友平日其實都好少覆佢:「一日最多2~3個msg」

網友質疑咁都叫拍拖?!港女解釋男友工作忙

不過有網友就質疑:「一日最多兩三個message??樓主你真係拍緊拖?忙我都理解,但真係忙到咁咩」

網友質疑咁都叫拍拖?!Photo from Dcard

樓主解釋男友工作極忙,經常要ot到11、12點,有時放假都仲要返工做嘢,所以佢認為男友唔應機都正常:「體諒下佢,返工都好辛苦啦,唔通仲投訴佢唔覆msg咩」

樓主解釋男友工作極忙,經常要ot到11、12點

女生認為男友唔應機都正常:「體諒下佢,返工都好辛苦啦,唔通仲投訴佢唔覆msg咩」

樓主籲不必懷疑有第三者,最緊要對自己有自信

樓主指佢唔會第一時間懷疑男友有外遇:「如果真係去到懷疑個一步,我相信感情一早出現問題」,佢教路最好喺平時面對面溝通嘅時間內雙方好好溝通。

樓主指佢唔會第一時間懷疑男友有外遇

樓主教路最好喺平時面對面溝通嘅時間內雙方好好溝通。

佢呼籲女生要對自己有自信:「無咩事做咩要懷疑對方」,佢指要自信自己條件咁好,男友唔會無啦啦瞞住佢偷食。

樓主呼籲女生要對自己有自信:「無咩事做咩要懷疑對方」

樓主表示好多情侶遇到另一半唔覆嘅時候,會好不安、無晒自信,佢指要相信自己:「好多時候學下幽默,放鬆下心情,可能對方真係忙緊呢」

樓主表示好多情侶遇到另一半唔覆嘅時候,會好不安、無晒自信,佢指要相信自己

網友笑言:自我安慰?

不過網友就唔係好buy佢嘅睇法:「其實原po係咪自我安慰緊自己」、「一日2-3個msg..係咪真係拍緊拖,不過樓主開心就好啦」、「單身開心啲喎」,有網民就指即使係一個忙人,點都會去廁所:「我好多時去廁所就會帶埋電話覆」

網友就唔係好buy佢嘅睇法:「其實原po係咪自我安慰緊自己」Photo from Dcard

有網民就指即使係一個忙人,點都會去廁所:「我好多時去廁所就會帶埋電話覆」Photo from Dcard

唔少網友表示難以理解Photo from Dcard

樓主表示相信男友Photo from Dcard

但亦有人認同樓主:「呢樣嘢都真係講個信字」、「有時返工忙起上嚟,真係未必有時間睇電話覆message,最緊要自己feel good。」

有人認同樓主:「呢樣嘢都真係講個信字」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel