download HolidaySmart 假期日常 app
楊千嬅傳已舉家移居上海 Torres讀國際學校一年要35萬 兼同Jasper做同學?!

楊千嬅傳已舉家移居上海 Torres讀國際學校一年要35萬 兼同Jasper做同學?!

娛樂新聞
By Cheryl on 08 Dec 2021
Digital Editor

楊千嬅近年積極往內地發展,參演不少綜藝節目獲得頗高人氣。日前更有傳佢全家已移居上海,有指其9歲兒子丁進諾(Torres)入讀當地學費昂貴嘅頂級名校,兼同陳小春兒子Jasper做同學?!

有傳楊千嬅為方便兼顧內地發展及家庭生活,已舉家移居上海Photo from 楊千嬅微博

楊千嬅轉戰內地市場

47歲楊千嬅最近轉戰內地市場,亮相當地嘅人氣綜藝騷,例如《妻子的浪漫旅行3》、《導演請指教》、《做家務的男人3》、《誰是寶藏歌手》等。佢亦接下不少內地代言及晚會獻唱工作,在當地獲不少關注。

楊千嬅與丁子高夫妻檔齊齊亮相內地綜藝騷搵錢Photo from 《做家務的男人3》

楊千嬅在內地出演不同類型嘅綜藝節目,引起關注度Photo from 楊千嬅微博

楊千嬅被傳已舉家移居上海

由於北上工作行程頻密,加上疫情關係,不少往內地發展嘅香港藝人嘅家庭關係都容易受到影響。有傳千嬅為了方便到內地工作同時兼顧家庭,佢與丈夫丁子高及9歲兒子Torres自今年4月起,已舉家搬遷到上海居住。

有傳楊千嬅與丁子高一家三口已搬到上海住Photo from 丁子高 微博

今年4月,千嬅曾帶埋Torres到內地酒店隔離14日,期間在小紅書拍片,表示自己正在隔離中,及為之後嘅綜藝拍攝做準備,同時分享與兒子隔離時嘅相處點滴。千嬅指,呢段時間令佢多咗機會同兒子相處。

楊千嬅今年中分享過於兒子Torres到內地隔離嘅生活影片Photo from 楊千嬅 小紅書

兒子Torres讀上海名校同Jasper做校友?

據悉,Torres隨家人到上海後入讀「上海耀中國際學校」,該校用雙語及多元文化教學模式,亦有不少名人子女就讀,包括陳小春兒子Jasper,及鄭希怡(Yumiko)女兒浸浸。學校網站顯示,該小學嘅一至四年級每年收費為284400人民幣(約35萬港元),要有一定經濟能力嘅家庭先負擔到。

要讀一流嘅國際名校,上不了付上高昂學費Photo from 上海耀中國際學校 官網

丁子高上載上海生活照

今年5月,丁子高曾在社交平台上載全家福照片,而背景正是上海地標東方明珠塔。

丁子高早前分享過一家三口與上海明珠塔嘅溫馨合照Photo from 丁子高 微博

丁子高亦不時上載跟好友劉嘉玲在上海跑步嘅照片到社交媒體。

丁子高約埋劉嘉玲在上海跑步,認真健康Photo from 丁子高微博

楊千嬅暫住上海

對此,楊千嬅回應傳媒時表示,丈夫丁子高嘅家人都喺上海,而自己嘅內地經理人已為佢安排咗不少工作,所以決定接埋兒子到上海暫住。千嬅都好想念父母,又指佢完成手頭上嘅內地行程後便會返港;而Torres於上海就讀嘅學校亦唔係傳聞中嘅上海耀中國際學校。

楊千嬅表示佢只係同家人暫住上海Photo from 楊千嬅微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel