download HolidaySmart 假期日常 app
鄭融自爆與外籍男友分手原因! 坦承現時偏愛港男:見過最細嘅係外國人!

鄭融自爆與外籍男友分手原因! 坦承現時偏愛港男:見過最細嘅係外國人!

娛樂新聞
By Stephanie on 08 Dec 2021
Digital Content Writer

最近,鄭融就獲邀上網絡節目《絲打圍爐》同大家一齊探討外國男士同香港男士嘅分別,而佢仲首度自爆與拍拖8年嘅外籍男友Martin分手嘅真正原因,仲話以後都應該唔會再同外國人拍拖!

鄭融做網絡節目嘉賓,探討外國同香港男士嘅不同之處!Photo from 鄭融IG

# 節目中大談外國男士同港男分別!

由楊詩敏(蝦頭)同連詩雅所主持嘅網絡節目《絲打圍爐》最近一集就邀請咗鄭融做嘉賓,喺節目中大談外國同香港男士嘅不同之處。其實鄭融入行以來甚少傳出緋聞,不過佢就曾經公開與外籍男友Martin嘅戀情,兩人交往8年,而佢亦視對方為結婚對象,可惜今年初卻宣佈分手消息。

鄭融獲邀成為網絡節目《絲打圍爐》嘅嘉賓。Photo from YouTube @ChillGOOD TV

鄭融今年初宣佈與交往8年嘅外籍男友Martin分手!Photo from 鄭融IG

# 認為較少機會撒嬌!

鄭融表示同外國人拍拖嘅時候,比較少機會撒嬌,一方面係因為語言問題「就算講完疊字,佢都未必明」,不過佢就笑言自己會繼續用疊字,之後再向對方解釋意思。另一方面,鄭融認為外國人士好多時都係直接表達自己「佢哋係冇撒嬌呢一回事」,令身旁嘅蝦頭以及連詩雅都非常驚訝!

鄭融指同外國人拍拖最大分別應該係好少撒嬌!Photo from YouTube @ChillGOOD TV

佢認為外國人大多數都係有話直說。Photo from YouTube @ ChillGOOD TV

# 鄭融否認偏愛外國男士!

蝦頭就詢問鄭融「係咪偏愛外國男士?」,不過佢回應過往嘅男友中其實都係香港男仔比較多,而且自己係抱持住「佛系戀愛」心態,並唔會因為男方嘅國籍而有偏愛。

鄭融過往嘅戀愛對象大部分都係香港人!Photo from YouTube @ChillGOOD TV

鄭融話自己其實並專登選擇外國男士作為另一半。Photo from YouTube @ChillGOOD TV

# 首度披露與前男友Martin分手原因!

當被問到有關前外籍男友Martin嘅問題時,鄭融就話同男方係中學同學,仲首度披露同男友分手嘅原因「因為文化真係好唔同,溝通上點都會差啲,上一段感情努力溝通過,但最終大家都放棄咗」。而鄭融坦承現時嘅佢可能會選擇返香港男仔做伴侶,認為有相似嘅語言同文化更加容易磨合,仲話「如果有外國追求者,應該99%都係會拒絕!」

原來佢同前男友係中學同學!Photo from YouTube @ChillGOOD TV

鄭融曝光與前外籍男友Martin分手原因!Photo from YouTube @ChillGOOD TV

鄭融表示上一段戀情,雙方都付出過唔少努力,唯獨最終都未能走到最後!Photo from YouTube @ChillGOOD TV

# 外國男士身形上有優勢?!

講到親密行為嘅話題時,蝦頭就表示好多女仔都普遍認為外國人身體基因較好,而偏愛外國男士。鄭融隨即大爆「我朋友見過最細嘅係外國人!」,不過就話「外國人大嘅機率可能會比較大,命中率高啲」,引發爆笑。

蝦頭表示唔少女士都因為外國男士體型上嘅優勢,而鍾情於外國男士!Photo from YouTube @ChillGOOD TV

鄭融隨即大爆朋友過往同外國男士交往嘅經歷。Photo from YouTube @ChillGOOD TV

鄭融就話可能外國男士身體上可能會有較大優勢!Photo from YouTube @ChillGOOD TV

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

周柏豪鄭融獻唱《一事無成》予失業人士 網民:聽完仲灰 仲有佢哋都揀錯歌?

31 May , 2021

各慈善騷經常邀請歌手上台唱熱門歌曲,增加善款,但無因應場合主題揀歌,除時出現反效果。日前,無線舉行《萬眾同心公益金2021》,邀來歌手周柏豪、鄭融合作演唱經典K歌《一事無成》。但由於歌曲獻唱畀一眾失業家庭,所以二人被指贈興,引發公關災難。其實,仲有唔少歌手都曾經「揀錯歌」,佢哋又係邊個呢?

周柏豪 微博Photo from 周柏豪 微博

周柏豪自表忠成為「愛國歌手」後,風評一落千丈。今次又引起熱議,事緣佢近日為《萬眾同心公益金2021》獻聲,希望為失業家庭打氣。不過,唔知係節目組定其他人為佢哋揀歌,佢同鄭融合唱《一事無成》,當中歌詞包括:「好想好好的打拚 可惜得到只有劣評」。

TVBPhoto from TVB

歌詞咁「灰」,難怪有網民認為係「不對的場合唱不對的歌」,指佢哋唔係打氣,而係踩多腳 「係咪笑緊失業人士一事無成?」

連登評論Photo from 連登評論

TVB Youtube 評論Photo from TVB Youtube 評論

其實,《一事無成》係2008年首發,一推出即成大熱。所以,依首歌以後就變咗鄭融及周柏豪出騷必唱曲目。但因為咁,令《一事無成》偶爾出事。鄭融同周柏豪曾於2008年8月3日出席一個放榜活動,在放榜前夕為考生打氣,當時佢哋向學生獻唱《一事無成》:「假如凡事都失敗 也許得愛戀先可以得勝」,真係唔知在場考生有咩感受。下圖係二人於上年為某抗疫慈善音樂會獻唱該熱門曲,可見其經典程度。

Sshins Music CornerPhoto from Sshins Music Corner

當晚亦有令一「應景」曲目出現,不過,佢嘅環節未如周柏豪及泳兒般尷尬。因為,節目播出獨居長者受訪片段後,到蕭正楠、區永權演出,再進行支票頒發環節,才到泳兒出場獻唱新歌《孤毒》,中間有其他間場,令「應景」效果無咁明顯,當中歌詞包括:「離不開 叫孤獨」。

TVBPhoto from TVB

其實,唔只以上歌手,陳偉霆亦都曾經喺為考生打氣嘅放榜活動上獻唱《今天終於知道錯》,歌詞包括:「明明很想開口認錯 明明清楚早惹禍」,歌名同歌詞都咁悲,現場考生聽到真係百感交集。

陳偉霆 微博Photo from 陳偉霆 微博

有網民表示,佢仲記得Kary吳雨霏曾於某籌款節目大唱《分手要狠》,當中歌詞包括:「說再見不要坐近 別扶助病困」,真係好「溫暖」。

吳雨霏 FBPhoto from 吳雨霏 FB

有其他網友表示,張敬軒曾為日本地震關愛慈善騷獻唱歌曲《餘震》,歌詞包括:「天地淪陷 餘震是痛苦中 一絲興奮」,未免太過應景。

張敬軒 FBPhoto from 張敬軒 FB

另有網民指,藍奕邦曾為某慈善節目表演,節目同時邀請咗法師觀賞,藍奕邦當時獻唱歌曲《晚晚禮拜六》,當中歌詞有:「晚晚也是禮拜六 哪個守齋不食肉」雖不至公關災難,但有網民好奇在場法師聽完係咩心情。

fafaflowers YoutubePhoto from fafaflowers Youtube

其實,唔只以上歌手,連四大天王之一黎明都曾經差啲唱出不合場合嘅歌,佢本人曾表示,多年前去做慈善活動,探訪患智障小朋友,大會本來想佢唱當時大熱歌曲《傻癡癡》,但黎明有感當時場合及人員唔適合出現呢首歌,為咗唔想惹起誤會,佢最後婉拒提議。有網民指,黎天王果然功架十足,醒目非常,所以得佢一個倖免公關災難。

Angus Chow FBPhoto from Angus Chow FB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel