download HolidaySmart 假期日常 app
CEO Vishal Garg開線上會議豪炒900人!疑不滿冗員過多:每日只做2小時工作

CEO Vishal Garg開線上會議豪炒900人!疑不滿冗員過多:每日只做2小時工作

生活熱話
By Cheryl on 08 Dec 2021
Digital Editor

疫情下不少公司會開源節流,減少人手,但一次過炒近千人又聽過未?美國一間公司最近召900名員工開線上會議,公司CEO更即席解僱所有會議參與者!據悉,其CEO早就不滿公司冗員過多,所以為在業界求存只能「大派信封」。

美國一間公司因業績不佳,公司面對嚴峻挑戰而大規模裁員Photo from TVB

CEO邀900員工開Zoom會議

據外媒報道,美國一間網上按揭公司「Better.com」嘅CEO Vishal Garg於上周三(1/12)用Zoom展開線上會議,並邀請了900名員工在家出席。

Better.com 嘅行政總裁 Vishal Garg在Zoom會議上即場宣佈大規模裁員Photo from Power of Banana @YouTube

即場炒魷

期間,身為行政總裁嘅Garg向所有參與者宣佈一個震撼消息:「我哋決定裁減公司約15%人手。如果你正參與此會議,即代表你就係「不幸群組」嘅一份子,你嘅聘任期結束,即時生效。」

Better.com 行政總裁 Vishal Garg在Linkedin嘅個人檔案Photo from Vishal Garg Linkedin

CEO:我上次炒人喊咗

線上會議片段疑被其中一名員工錄低上載YouTube。片中,行政總裁Garg向員工投下「震撼彈」同時表示今次係自己第二次進行大裁員,上一次佢更流下眼淚。Garg坦言公司正面臨重大挑戰,業務不如理想,所以唯有縮減人手以求生存。

該CEO表示自己上次大規模炒人時難過得流下眼淚Photo from TVB

Garg同時補充,被炒員工將會獲得4星期工資嘅遣散費、2個月保險金及1個月嘅全額福利。其後佢更正今次裁員人數係全公司嘅9%。

員工意見不同

相信係被裁員工之一嘅影片上傳者,於錄影會議時忍不住對著熒幕哀叫:「唔係真嘅!我無法相信...」亦有被裁員工認為會議片段被放上網猶如在自己傷口上灑鹽。不過,亦有指部分員工不滿同事表現,並慶幸無需再與相關同事合作。

不少員工感到難過與生氣Photo from TVB

網民:老細真係識揀時機炒人

對於會議內容,不少網民替被炒員工感難過,又直斥CEO Garg於聖誕前炒人嘅行為無情。其他網民表示,事件反映員工不應對公司過度忠誠,而管理層亦應檢討自己,不應將業績不佳只歸咎於員工。

有網民認為CEO Garg真係「好識」揀時機炒人Photo from YouTube 評論

有網民認為對公司唔洗咁忠誠,將心力放在家人更好Photo from YouTube 評論

有外媒報道,Garg以往曾批評被裁員工嘅工作效率,直指佢哋每日實際工作時數只有2小時,又指Garg曾與社交網匿名發文,狠批部分員工懶惰又欠缺生產力,亦曾在公司內部電郵形容員工為「笨海豚」。

有報道指CEO Garg曾批評公司有太多冗員Photo from TVB

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel