download HolidaySmart 假期日常 app
amazon創辦人Jeff Bezos規定中國養女每星期須花光39萬!預計將來可繼承數千億財產

amazon創辦人Jeff Bezos規定中國養女每星期須花光39萬!預計將來可繼承數千億財產

時事熱話
By Jennifer on 08 Dec 2021
Digital Editor

57歲嘅亞馬遜(amazon)創辦人貝佐斯(Jeff Bezos)曾經係全球首富,佢有三子一女,女兒係佢於2006年前往中國領養,佢非常疼愛女兒,更規定女兒每星期要使晒啲零用錢,令唔少網民大為羨慕!

亞馬遜(Amazon)創辦人貝佐斯(Jeff Bezos)

亞馬遜創辦人貝佐斯(Jeff Bezos)曾是全球首富

貝佐斯(Jeff Bezos)喺2019年登上全球富豪榜榜首,雖然佢今年宣佈辭去CEO職務,全球首富嘅地位亦被Tesla創辦人馬斯克(Elon Musk)取代,但貝佐斯嘅身家依舊相當可觀,喺2020年貝佐斯嘅個人財富更加達到目前歷史最高2,123億美元。

貝佐斯(Jeff Bezos)喺2019年登上全球富豪榜榜首Photo from Jeff Bezos Twitter

貝佐斯領養中國女兒,養女可繼承數千億財產

貝佐斯與前妻育有3個兒子,佢一直渴望有個女兒,2006年佢去中國領養咗被親生父母遺棄於公園嘅女孩,貝佐斯未有公開養女嘅名字,但就視如己出。

貝佐斯與前妻育有3個兒子,佢一直渴望有個女兒

佢十分疼愛女兒,更讓3個兒子跟女兒學中文,而根據美國《繼承法》,養女同樣擁有繼承權,貝佐斯身家超過1,900億美元,佢嘅養女至少可以繼承480億美元(約港幣$3,700億)財產。

貝佐斯十分疼愛女兒,更讓3個兒子跟女兒學中文

規定女兒每星期須花光39萬

貝佐斯依家坐擁龐大嘅家產,但佢童年時卻非常貧困,幸好獲繼父幫忙先成功創業。佢養女與佢好相似,平日勤儉唔會點使錢,貝佐斯咁錫女兒,更出招「教女」。

貝佐斯依家坐擁龐大嘅家產,但佢童年時卻非常貧困,幸好獲繼父幫忙先成功創業Photo from Jeff Bezos IG

有指貝佐斯為咗改善女兒嘅慳錢習慣,規定女兒每星期必須花光5萬美元零用錢(約港幣$39萬),目的係「培養女兒正確消費觀」,貝佐斯養女嘅年齡大概係10幾歲,呢筆零用錢數目實在令唔少人大為「葡萄」。

有指貝佐斯為咗改善女兒嘅慳錢習慣,規定女兒每星期必須花光5萬美元零用錢(約港幣$39萬)Photo from Jeff Bezos Twitter

網民超葡萄:「契爺,求收養!」

據指貝佐斯更買咗一座島嶼畀女兒去度假,網友紛紛表示獲貝佐斯收養仲好運過中一百次六合彩:「仲收唔收契仔,我一定用得哂」、「可唔可以養埋我」、「用唔晒係咪下星期要用雙倍?!」

網友紛紛表示獲貝佐斯收養仲好運過中一百次六合彩Photo from lihkg

據指貝佐斯更買咗一座島嶼畀女兒去度假

網民超葡萄:「契爺,求收養!」Photo from lihkg

另外有網友認真討論要點先可以一個星期使晒39萬,有人表示學樂器就好快用晒,或者上amazon買嘢,亦有網民稱喺香港住嘅話,一日使$39萬都輕輕鬆鬆。

Jeff Bezos 超錫女兒,令人羨慕!Photo from Jeff Bezos IG

有網友認真討論要點先可以一個星期使晒39萬,有人表示學樂器就好快用晒Photo from lihkg

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港男驚揭公司看更住豪宅戴勞力士!隱形富豪因為一個原因甘願做打工仔!

26 Nov 2021

香港地到處都係隱形富豪,有時就喺你身邊!近日有網友喺討論區發文稱發現公司大廈嘅保安員原來住豪宅樓盤!令佢驚歎「真人不露相」:「交租多過佢份人工」,而對方亦大爆有錢都做打工仔嘅原因!

近日有網友喺討論區發文稱發現公司大廈嘅保安員原來住豪宅樓盤Photo from TVB

港男與公司樓下保安員交談

正所謂「人不可以貌相」,穿金戴銀唔代表係有錢人,而平平無奇嘅亦可能係隱形富豪!近日喺香港討論區就有網友開post「公司大廈看更真人不露相」。

正所謂「人不可以貌相」,穿金戴銀唔代表係有錢人,而平平無奇嘅亦可能係隱形富豪Photo from TVB

樓主表示佢公司大廈有個看更十分健談,咩都可以講一餐,佢都好樂意同看更交談,兩人傾下傾下都熟絡唔少。

樓主表示佢公司大廈有個看更十分健談,咩都可以講一餐,佢都好樂意同看更交談Photo from TVB

看更自爆住附近豪宅樓盤,平時戴勞力士返工

有日看更就提到佢每日都係行路返工,樓主一時好奇,就問佢住邊可以行返工咁好,估唔到看更竟然表示佢就住喺公司附近嘅豪宅樓盤,令樓主大為吃驚。

有日看更就提到佢每日都係行路返工,樓主一時好奇,就問佢住邊可以行返工咁好Photo from TVB

看更竟然表示佢就住喺公司附近嘅豪宅樓盤,令樓主大為吃驚。Photo from TVB

除咗住豪宅,樓主亦發現看更平時戴名錶返工,佢更曾懷疑係贗品:「之前仲懷疑佢隻勞係假嘢,睇嚟應該係真嘢!」

除咗住豪宅,樓主亦發現看更平時戴名錶返工,樓主更曾懷疑係贗品Photo from TVB

為方便返工,搬出巿區租樓住,看更揭做打工仔原因

咁都未算,樓主以為看更住得豪宅都唔優做,應該係順便喺屋企附近搵份工,返工唔使咁辛苦。但原來看更本身都住得好遠,只係唔想個仔日日車佢返工咁辛苦,所以先特登搬出巿區租間屋,方便返工。

原來看更本身都住得好遠,只係唔想個仔日日車佢返工咁辛苦,所以先特登搬出巿區租間屋,方便返工。Photo from TVB

原來看更住豪宅只為方便返工,貧窮真係限制想象!看更又透露佢有家底都仲甘願做打工仔嘅原因,其真佢返工只不過係因為太悶,想搵人吹下水。

看更又透露佢有家底都仲甘願做打工仔嘅原因,其真佢返工只不過係因為太悶,想搵人吹下水。Photo from ViuTV

樓主得知內情後大感震驚:「佢交個租仲多過佢份人工,呢啲咪叫真人不露相,有錢冇掟洗......」

樓主得知內情後大感震驚:「佢交個租仲多過佢份人工,呢啲咪叫真人不露相,有錢冇掟洗......」Photo from TVB

網友稱唔好睇小身邊嘅老人家

有網友都指唔好睇小保安員:「隨時有錢過你,人地悶唔想坐公園咋。」,更稱曾見過有保安揸保時捷、寶馬等名車返工,有網民表示認同:「唔係講笑,好多做保安其實有幾層樓收緊租」

有網友都指唔好睇小保安員:「隨時有錢過你,人地悶唔想坐公園咋。」Photo from 香港討論區

有網民表示認同:「唔係講笑,好多做保安其實有幾層樓收緊租」Photo from TVB

唔少網友稱身邊嘅老人家可能都深藏不露:「茶記阿叔隨時有幾間鋪收緊租」、「執紙皮阿婆可能有幾層樓」、「街邊掃街嘅可能都有幾千萬身家」。

唔少網友稱身邊嘅老人家可能都深藏不露Photo from 香港討論區

網友:「街邊掃街嘅可能都有幾千萬身家」。Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel