新移民請教同時排2間公屋方法 網民：好多香港人一間都未排到啊!

香港地少人多，住屋問題變得越來越嚴重！最近，有位新移民嘅女網民於「小紅書」上表示爸爸打算為一家五口申請公屋，然而佢因為同家人關係唔好，所以希望再自行申請多一間公屋。佢嘅一番言論卻瞬間引起網民不滿！

Photo from TVB

# 香港公屋平均輪候時間創下22年新高！

香港樓價越來越高，令現今唔少人都難以上車，因此唔少人都會考慮排公屋，可惜資源永遠都供不應求。根據房委會今年嘅調查，一般申請人平均輪候時間係5.9年；而長者嘅平均輪候時間為3.8年，刷新22年新高！

Photo from TVB

# 新移民一家五口打算申請公屋！

日前，有位新移民就喺「小紅書」訴苦，指嫲嫲本身係香港永久居民，而爸爸就喺3年前移民香港，自己同繼母、弟妹就今年8月先到港。佢哋一家現時亦面臨住唔少香港人煩惱嘅住屋問題，所以爸爸就提議以一家五口嘅名義申請公屋！

Photo from TVB

# 3大原因想申請多一個公屋單位

不過女事主因為同繼母關係差，並唔想同對方朝夕相對，所以一直都對爸爸嘅決定有所保留。佢仲列明咗3點嘅原因：「第一，我不喜歡後媽；第二，既然我要交生活費，倒不如自己擁有一個公屋，爭執也會比較少；第三，後媽不喜歡我爸對我太好」，睇得出佢哋之間嘅關係緊張！

Photo from TVB

Photo from TVB

# 收集廣大網民意見

由於女事主嘅爸爸預計將於幾年後成功獲取香港永久居民身分證，所以可以提前遞交公屋申請表格。不過，女事主就對於公屋申請政策存有疑問，唔清楚自己可唔可以一人申請公屋；又擔心一家人申請咗公屋後，會增加自己公屋輪候時間等，詢問網民意見。

Photo from TVB

# 網民建議：結婚生子就好快排到！

網民就為女事主解除心中種種疑問，認為佢真係「太天真」，完全低估咗喺香港排公屋嘅時間，覺得家人輪候公屋嘅時間一定比個人名義快，而且一家五口仲好有可能獲排面積較大嘅單位！另外，有網民就提供秘訣俾事主「結婚生子會快啲，仲可以選擇住邊區」，似乎對申請公屋瞭如指掌？！

Photo from TVB

# 瞬間引起網民怒火！

不過呢個post亦引起唔少網民嘅不滿，好多網民都覺得事主一家人都仲未係永久居民，卻竟然想申請2個公屋單位，怒斥「本地人根本就唔會同到你哋鬥！」、「我出世到而家都冇自己嘅房，你竟然話要多個單位？」、「簡直就係癌細胞分裂擴散咁！」等留言！

Photo from TVB

相關文章：公屋仔去富家女友屋企感自卑「廚房大過我間房」擔心遲早被分手！

相關文章：媽媽想將公屋傳畀兒子 要求回收女兒房間！細佬中學零用錢多10倍！港女：當我係垃圾

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

公屋住戶半夜煮咖哩慘遭鄰居投訴！ 眼利網民發現通告錯漏百出！ 慨嘆：連食宵夜都唔得！

29 Nov , 2021

香港地少人多，相信唔少人都曾經嘗試被鄰居嘅行為騷擾到！最近，有網民就於「公務員Secret」中上載一張張貼於公屋村內嘅通告，內容大致係講述有住戶因為半夜煮咖哩而被鄰居投訴，管理處因此發出通告提醒住戶注重自身行為，引起網民熱議！

Photo from TVB

# 網民於FB Group上載投訴通告！

天氣變得越來越凍，相信大家都因此而變得更加容易肚餓，半夜時分煮嘢食都係人之常情。日前，有網民就於FB group「公務員Secret」上載咗一張公屋大廈嘅投訴通知「深夜煮咖哩都比人投訴」，隨即引起網民熱議！

Photo from TVB

# 因為凌晨住咖哩而被鄰居投訴？！

通告上嘅內容大致上係講有住戶因為半夜煮咖哩，而導致被鄰居投訴擾人清夢。管理處發出通告呼籲住戶必須注重公德，避免深夜煮濃味食物，影響其他住戶入睡！

Photo from 「公務員Secret」FB

# 網民：咁小事都投訴......

唔少網民睇完都認為投訴嘅住戶太過大驚小怪，只不過係半夜煮嘢食都要投訴人，未免太難應付；有網民就猜測呢位住戶好有可能經常都投訴人，搞到管理處被迫出通告，而且上面亦寫明「此通告張貼至另行通知」，令網民忍唔住講笑話「睇下一次有咩菜色」！

Photo from 「公務員Secret」FB

# 眼利網民發現英文多錯處！

另外，網民仲講重點擺咗攞英文版嘅通告上面，發現裡面錯漏百出！例如：利用「Twilight」代表深夜、「compliant」=「complain」等，令網民忍唔住講笑咁話「睇嚟份通告真係出得好急咁」！

Photo from 「公務員Secret」FB

Photo from TVB

# 網民分享鄰居騷擾行為！

有網民亦分享自己嘅經歷，話鄰居曾經試過清晨剁豬肉、切蒜頭等，表示半夜煮咖哩簡直就係「小巫見大巫」！大家又覺得呢個投訴理由係咪好荒謬呢？！

Photo from TVB

相關文章：80歲老爺欲娶內地小三 家人憂心 網民：講到尾你都知係關心間公屋！

相關文章：港男上車難抉擇！借錢買私樓vs排隊上公屋？！網友一面倒留言鬧爆

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）