download HolidaySmart 假期日常 app
陶大宇曾無私助黎耀祥供樓!主動邀登台分錢 更讚祥仔比自己優勝

陶大宇曾無私助黎耀祥供樓!主動邀登台分錢 更讚祥仔比自己優勝

娛樂新聞
By Cheryl on 09 Dec 2021
Digital Editor

陶大宇近來憑翻唱《倒轉地球》紅爆網絡,佢以往嘅作品及訪問在近日都被網民翻出重溫,當中佢同黎耀祥嘅交情引起關注,原來陶大宇曾主動幫忙當年差啲唔夠錢供樓嘅黎耀祥!

陶大宇曾幫助衝動買樓嘅黎耀祥,將自己酬勞嘅一部分分畀祥仔Photo from 陶大宇、黎耀祥微博

黎耀祥太愛TVB而衝動買樓?!

視帝黎耀祥曾亮相TVB訪談節目《最佳拍檔》,節目邀到陶大宇作一段錄影訪問,大談兩人嘅兄弟情。陶大宇透露黎耀祥曾有段時間離開TVB另作發展。黎耀祥某日經過廣播道發現TVB已另搬新址,而眼前舊址已變成豪宅。黎耀祥於是心血來潮,想道:「我咁愛TVB,好啦,我就買咗佢,住返呢度。」

陶大宇透露黎耀祥因對TVB太有情意結而買下豪宅!Photo from 《最佳拍檔》

黎耀祥當年買下位於TVB舊址嘅豪宅Photo from 《最佳拍檔》

衝動買下該過千呎豪宅嘅黎耀祥,事後才發現「大鑊」,原來自己唔夠錢。陶大宇問黎耀祥打算點做,黎回應:「有咩點呀?等出糧囉。」

買咗先知唔夠錢?Photo from 《最佳拍檔》

黎耀祥購入豪宅後才驚覺唔夠錢供樓Photo from 《最佳拍檔》

陶大宇無私出手相救

對此,黎耀祥在訪問中表示,陶大宇真係當佢細佬,「大宇哥真係有情有義。」黎耀祥買豪宅後供樓非常吃力,陶大宇有見及此,接到登台工作時,竟主動邀請黎跟佢上台幫忙表演:「祥仔,嚟!上嚟幫我做一Part,我分一嚿(錢)畀你。」

黎耀祥透露陶大宇曾主動邀請自己協助佢登台演出,其實都係想幫祥仔Photo from 《最佳拍檔》

對於陶大宇從自己酬勞中分一部分畀黎耀祥,在場嘅鄧萃雯問:「等你你可以快啲供完?」黎表示:「又唔係,多少少喇,起碼多少少。」佢亦同意主持黎芷珊所說嘅心意好重要,「係呀,我到呢家都記得。」

主持黎芷珊聽罷大為感動Photo from 《最佳拍檔》

陶大宇曾讚黎耀祥比自己優勝

陶大宇曾在《星級會客室》中表示一直視黎耀祥為學習對象,因為黎EQ高,自己嘅EQ則較低,「如果我學到佢(黎耀祥)嘅EQ係可以彌補我嘅不足。」陶亦指自己好欣賞黎嘅工作態度與熱誠,仲話黎耀祥比自己優勝。

陶大宇在《星級會客室》中表示低EQ嘅自己需要向黎耀祥學習Photo from 《星級會客室》

陶大宇更認為黎耀祥比自己優勝Photo from 《星級會客室》

陶大宇又憶述,佢同黎耀祥一齊拍民初劇《影城大亨》時,見到黎耀祥穿著一對有牌子嘅波鞋襪,由於「唔對戲」,陶大宇就索性幫黎耀祥買襪,反正自己當時都要買,陶表示:「諗起佢就買埋畀佢囉,送佢半打,喺呢個情況下建立個感情。」

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel