download HolidaySmart 假期日常 app
《東張西望》女主持黃穎君宣佈離巢!  轉行做政府工!連同約滿金 年薪可達逾92萬

《東張西望》女主持黃穎君宣佈離巢! 轉行做政府工!連同約滿金 年薪可達逾92萬

娛樂新聞
By Stephanie on 09 Dec 2021
Digital Content Writer

日前,TVB東張西望》就拜訪咗大埔富亨邨「曱甴屋」,當中女主持人黃穎君臨危不亂嘅精神,就獲得唔少網民大讚。然而,最近突然傳出佢離巢嘅消息,仲有指佢將會任職民政事務局媒體主任,收入非常可觀!

《東張西望》女主持黃穎君突然宣佈離巢!Photo from 黃穎君IG

# 《東張西望》拜訪大埔富亨邨「曱甴屋」!

TVB《東張西望》日前播出咗前往大埔富亨邨「曱甴屋」嘅片段,當中單位內嘅衛生環境令唔少網民表示震驚,引發熱議。所幸嘅係現時單位已經完成滅蟲以及清走咗將近20袋嘅垃圾,令附近嘅鄰居都喜極而泣!

《東張西望》最近拜訪咗大埔富亨邨「曱甴屋」,引起熱話!Photo from 《東張西望》

經過義工以及滅蟲公司等嘅協助後,現時單位已經變得乾淨咗好多!Photo from 《東張西望》

# 女主持黃穎君表現鎮定,獲網民大讚勇敢!

面對如此嚴峻嘅衛生情況,女主持人黃穎君初初抵達單位嘅時候並冇穿上任何保護衣,加上佢淡定咁繼續採訪,獲網民封為「東張女勇士」!

黃穎君喺拜訪單位嘅時候,表現淡定。Photo from 黃穎君IG

黃穎君於節目中嘅表現獲網民大讚!Photo from 黃穎君IG

# 突然宣佈離開TVB!

不過,黃穎君日前突然喺IG宣佈離巢嘅消息「怎料到有一天,我也會派散水餅給這段美好回憶劃上完美的句號」,正式與TVB結束9年嘅東主關係,令唔少網民感到震驚。相信大家都冇諗過佢居然會喺人氣急升嘅時候選擇離開!

黃穎君突然宣佈離開TVB!Photo from 黃穎君IG

黃穎君已經於TVB工作9年。Photo from 黃穎君IG

# 黃穎君將做政府工,任職媒體主任!

據悉,黃穎君將會轉職喺民政事務局做媒體主任,月薪為$67,595。有消息指,受聘人任職期間表現良好嘅話將會獲發放約滿酬金,大約係底薪總額嘅15%,即係代表佢好有可能一年賺到逾92萬!而佢喺接受媒體訪問時,表示自己本身都只係抱持住試下嘅心態去應徵,仲話雖然現時簽嘅係1年合約,但就已經話希望未來10年都可以繼續留喺嗰度發展!

黃穎君將會於民政事務局做媒體主任!Photo from 黃穎君IG

# 2012年參選港姐入行

現年33歲嘅黃穎君於2012年參選香港小姐而入行,後來主要任職主持人工作,係《東張西望》嘅外景主持人之一。而佢本身就擁有香港大學教育學士、中文大學社會學文學碩士,仲推出過散文集,絕對係一位才女!佢喺TVB工作將近10年時間,而佢老公就係J2節目《後生仔傾吓偈》的監製丘一峯。

黃穎君本身學歷高,亦曾經出過散文集!Photo from 黃穎君IG

而黃穎君老公就係TVB監製丘一峯。Photo from 黃穎君IG

# 曾經同時做5份工幫補家計

黃穎君仲曾經喺警察訓練學校受訓14周,不過後來因為學業原因退出。而佢剛剛入行嘅時候,家庭經濟狀況比較困難。為咗幫家人還錢,高峰時期佢仲一度試過同時打5份工。

黃穎君剛入行時曾經同時做5份工!Photo from 黃穎君IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《東張西望》主持李旻芳孭年邁金毛行樓梯!為照顧愛犬延後生育計劃

17 Jul , 2020

《東張西望》主持李旻芳養咗兩隻年老嘅金毛尋回犬「BB」同「MuiMui」,佢為照顧愛犬不惜延後生育計劃。李旻芳更親自孭行動不便嘅愛犬行樓梯,表示只要仲行得走得,會一直帶住愛犬一齊行。

《東張西望》主持李旻芳有「東張女神」之稱,佢家中養咗兩隻金毛尋回犬「BB」同「MuiMui」,平日不時分享愛犬照片。

《東張西望》主持李旻芳有「東張女神」之稱

可左右滑動睇金毛尋回犬「BB」同「MuiMui」照片:

佢上年11月同《東張西望》主持黃耀英結婚,婚紗相都有「BB」同「MuiMui」嘅身影,已成家人。

李旻芳上年11月同《東張西望》主持黃耀英結婚,婚紗相都有「BB」同「MuiMui」嘅身影

兩隻愛犬今年已經14歲,為咗可以照顧佢哋,佢更延後「造人計劃」:「依幾年我想專心養我一對年老嘅狗狗先!BB嘅事遲幾年再算啦」

最近佢公開狗狗嘅日常照,表示:「我家狗狗今年14歲喇!雖然行動開始不便,腳仔有時會唔夠力,只係上落樓梯有時要我幫下手,但係都好慶幸年紀咁大仲行得走得!仲係好為食好好胃口!而家愈老愈痴人!哈哈!無論你喺邊都要捐窿捐罅直至身體可以掂住人先安心!好鬼可愛☺️ 只要我仲行得走得!我會一直帶住你哋同我一齊行?你哋要加油啊」

愛犬年紀大,行動開始不便,李旻方親自孭佢行樓梯,網民大讚佢係一個負責任嘅主人!

愛犬年紀大,行動開始不便,李旻方親自孭佢行樓梯,網民大讚佢係一個負責任嘅主人!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel